നാം നമുക്കുവേണ്ടി മാത്രമല്ല
ഗാ​ന്ധി​ജി​യു​ടെ അ​ക്ര​മ​ര​ഹി​ത രാ​ഷ്‌​ട്രീ​യ​ത്തി​ൽ​നി​ന്നു പ്ര​ചോ​ദ​നം സ്വീ​ക​രി​ച്ച് അ​മേ​രി​ക്ക​യി​ൽ പൗ​രാ​വ​കാ​ശ​ങ്ങ​ൾ​ക്കു​വേ​ണ്ടി പ​ട​പൊ​രു​തി​യ നോ​ബ​ൽ സ​മ്മാ​ന ജേ​താ​വാ​ണു ഡോ. ​മാ​ർ​ട്ടി​ൻ ലൂ​ഥ​ർ കിം​ഗ് ജൂ​ണി​യ​ർ (1929-1968). ക​റു​ത്ത വം​ശ​ജ​നാ​യി ജ​നി​ച്ച അ​ദ്ദേ​ഹം ബാ​പ്റ്റി​സ്റ്റ് സ​ഭ​യി​ലെ ഒ​രു മി​നി​സ്ടറായി​ട്ടാ​ണ് ആ​ദ്യം സേ​വ​നം തു​ട​ങ്ങി​യ​ത്. ബോ​സ്റ്റ​ൺ യൂ​ണി​വേ​ഴ്സി​റ്റി​യി​ൽ​നി​ന്നു തി​യോ​ള​ജി​യി​ൽ ഡോ​ക്ട​ർ ബി​രു​ദം നേ​ടി​യി​ട്ടു​ള്ള അ​ദ്ദേ​ഹം 1957-ൽ ​സ​തേ​ൺ ക്രി​സ്ത്യ​ൻ ലീ​ഡ​ർ​ഷി​പ്പ് കോ​ൺ​ഫ​റ​ൻ​സ് സ്ഥാ​പി​ച്ച് അ​തി​ന്‍റെ ത​ല​വ​നാ​യി.

അ​തി​നു​ശേ​ഷ​മാ​യി​രു​ന്നു അ​മേ​രി​ക്ക​ൻ രാ​ഷ്ട്രീ​യ​രം​ഗ​ത്തു വ​ലി​യ ച​ല​ന​ങ്ങ​ൾ സൃ​ഷ്ടി​ച്ച പൗ​രാ​വ​കാ​ശ​സ​മ​രം ശ​ക്ത​മാ​ക്കി​യ​ത്. അ​തി​ന്‍റെ ഫ​ല​മാ​യി​ട്ടാ​ണ് 1964-ലെ ​സി​വി​ൽ റൈ​റ്റേ​ഴ്സ് ആ​ക്ട് നി​യ​മ​മാ​യി​ത്തീ​ർ​ന്ന​ത്. എ​ന്നാ​ൽ കിം​ഗി​ന്‍റെ പോ​രാ​ട്ടം പൂ​ർ​ണ വി​ജ​യ​ത്തി​ലെ​ത്തു​ന്ന​തി​നു മു​ൻ​പ് 1968 ഏ​പ്രി​ൽ നാ​ലി​ന് അ​ദ്ദേ​ഹം വെ​ടി​യേ​റ്റു മ​രി​ച്ചു. 1997-ൽ ​രാ​ജ്യ​ത്തെ പ​ര​മോ​ന്ന​ത ബ​ഹു​മ​തി​യാ​യ പ്ര​സി​ഡ​ൻ​ഷ്യ​ൽ മെ​ഡ​ൽ ഓ​ഫ് ഫ്രീ​ഡം ന​ല്കി ഗ​വ​ൺ​മെ​ന്‍റ് അ​ദ്ദേ​ഹ​ത്തെ ആ​ദ​രി​ച്ചു.

കിം​ഗി​ന്‍റെ വി​ശി​ഷ്ട സേ​വ​ന​ങ്ങ​ൾ പ​രി​ഗ​ണി​ച്ച് എ​ല്ലാ വ​ർ​ഷ​വും ജ​നു​വ​രി​യി​ലെ മൂ​ന്നാ​മ​ത്തെ തി​ങ്ക​ളാ​ഴ്ച പൊ​തു അ​വ​ധി ആ​യി​രി​ക്കു​മെ​ന്നു 1983-ൽ ​പ്ര​സി​ഡ​ന്‍റ് റോ​ണ​ൾ​ഡ് റെ​യ്ഗ​ൻ പ്ര​ഖ്യാ​പി​ച്ചു. കിം​ഗി​ന്‍റെ സ്മ​ര​ണ നി​ല​നി​ർ​ത്തു​ന്ന​തി​നു​വേ​ണ്ടി അ​മേ​രി​ക്ക​യി​ലെ പ്ര​മു​ഖ ന​ഗ​ര​ങ്ങ​ളി​ൽ റോ​ഡു​ക​ൾ​ക്ക് അ​ദ്ദേ​ഹ​ത്തി​ന്‍റെ പേ​ര് ന​ല്കി​യി​ട്ടു​ണ്ട്.

കിം​ഗ് മ​രി​ക്കു​ന്ന​തി​നു ര​ണ്ടു മാ​സം മു​ന്പ് അ​റ്റ്‌ലാന്‍റാ​യി​ലെ എ​ബ​നീ​സ​ർ ബാ​പ്റ്റി​സ്റ്റ് ച​ർ​ച്ചി​ൽ വ​ച്ച് അ​ദ്ദേ​ഹം ദീ​ർ​ഘ​മാ​യ ഒ​രു പ്ര​സം​ഗം ന​ട​ത്തി. ആ ​പ്ര​സം​ഗ​ത്തി​ൽ അ​ദ്ദേ​ഹം പ​റ​ഞ്ഞു: ""ഇ​ട​യ്ക്കി​ടെ ഞാ​ൻ എ​ന്‍റെ മ​ര​ണ​ത്തെ​ക്കു​റി​ച്ച് ചി​ന്തി​ക്കാ​റു​ണ്ട്. അ​പ്പോ​ഴൊ​ക്കെ എ​ന്‍റെ ശ​വ​സം​സ്കാ​ര​ത്തെ​ക്കു​റി​ച്ചും ചി​ന്തി​ക്കും. ഞാ​ൻ മ​രി​ക്കു​ന്പോ​ൾ നി​ങ്ങ​ളു​ണ്ടെ​ങ്കി​ൽ എ​നി​ക്കു​വേ​ണ്ടി ദീ​ർ​ഘ​മാ​യ ശ​വ​സം​സ്കാ​ര ക​ർ​മം ന​ട​ത്ത​രു​ത്. അ​തു​പോ​ലെ, ച​ര​മ​പ്ര​സം​ഗ​വും ദീ​ർ​ഘി​പ്പി​ക്ക​രു​ത്.''

""ച​ര​മ​പ്ര​സം​ഗം ന​ട​ത്തു​ന്ന ആ​ൾ എ​ന്തു​പ​റ​യ​ണ​മെ​ന്നും ഞാ​ൻ ഇ​ട​യ്ക്കി​ടെ ചി​ന്തി​ക്കാ​റു​ണ്ട്. എ​നി​ക്കു നൊ​ബേ​ൽ സ​മ്മാ​നം കി​ട്ടി​യ കാ​ര്യം അ​ദ്ദേ​ഹം പ​റ​യേ​ണ്ട. എ​നി​ക്കു കി​ട്ടി​യി​ട്ടു​ള്ള നൂ​റു​ക​ണ​ക്കി​ന് അ​വാ​ർ​ഡു​ക​ളെ​ക്കു​റി​ച്ചും അ​ദ്ദേ​ഹം പ​റ​യേ​ണ്ട. ഇ​വ​യൊ​ന്നും പ്ര​ധാ​ന​പ്പെ​ട്ട കാ​ര്യ​ങ്ങ​ള​ല്ല.''

""എ​ന്നാ​ൽ മ​റ്റു​ള്ള​വ​രെ സേ​വി​ക്കു​വാ​ൻ വേ​ണ്ടി ഞാ​ൻ എ​ന്‍റെ ജീ​വി​തം മാ​റ്റി​വ​ച്ചു എ​ന്ന് അ​ദ്ദേ​ഹം പ​റ​യ​ണ​മെ​ന്നു ഞാ​ൻ ആ​ഗ്ര​ഹി​ക്കു​ന്നു. അ​തു​പോ​ലെ, മ​റ്റു​ള്ള​വ​രെ സ്നേ​ഹി​ക്കു​വാ​ൻ ഞാ​ൻ ശ്ര​മി​ച്ചു എ​ന്നും അ​ദ്ദേ​ഹം പ​റ​യ​ണ​മെ​ന്നു ഞാ​ൻ ആ​ഗ്ര​ഹി​ക്കു​ന്നു. വി​ശ​ക്കു​ന്ന​വ​ർ​ക്കു ഭ​ക്ഷ​ണം കൊ​ടു​ക്കു​വാ​നും വ​സ്ത്ര​മി​ല്ലാ​ത്ത​വ​രെ ഉ​ടു​പ്പി​ക്കു​വാ​നും കാ​രാ​ഗൃ​ഹ​വാ​സി​ക​ളെ സ​ന്ദ​ർ​ശി​ക്കു​വാ​നും ഞാ​ൻ ശ്ര​മി​ച്ച കാ​ര്യ​വും അ​ദ്ദേ​ഹം പ​റ​യ​ണ​മെ​ന്നു ഞാ​ൻ ആ​ഗ്ര​ഹി​ക്കു​ന്നു.''

""മ​നു​ഷ്യ​രെ മു​ഴു​വ​ൻ സ്നേ​ഹി​ക്കു​വാ​നും സേ​വി​ക്കു​വാ​നും ഞാ​ൻ ശ്ര​മി​ച്ചു എ​ന്നും അ​ദ്ദേ​ഹം പ​റ​യ​ണ​മെ​ന്നു ഞാ​ൻ ആ​ഗ്ര​ഹി​ക്കു​ന്നു.'' ഇ​ത്ര​യും പ​റ​ഞ്ഞ​തി​നു​ശേ​ഷം അ​ദ്ദേ​ഹം ഇ​ങ്ങ​നെ​യാ​ണു ത​ന്‍റെ പ്ര​സം​ഗം അ​വ​സാ​നി​പ്പി​ച്ച​ത്. ""മ​റ്റു​ള്ള​വ​ർ​ക്കു മാ​റ്റി​വ​ച്ചി​ട്ടു പോ​കു​വാ​നാ​യി എ​ന്‍റെ കൈ​യി​ൽ പ​ണ​മി​ല്ല. അ​തു​പോ​ലെ, വി​ല​പി​ടി​പ്പു​ള്ള സാ​ധ​ന​ങ്ങ​ളും മാ​റ്റി​വ​യ്ക്കാ​നി​ല്ല. എ​ന്നാ​ൽ, മ​റ്റു​ള്ള​വ​ർ​ക്കു​വേ​ണ്ടി അ​ർ​പ്പി​ത​മാ​യ എ​ന്‍റെ ജീ​വി​തം മാ​റ്റി​വ​ച്ചി​ട്ടു ഞാ​ൻ പോ​കു​ന്നു.''

"വോ​യ്സ​സ് ഓ​ഫ് ഫ്രീ​ഡം' എ​ന്ന പേ​രി​ൽ 1990-ൽ ​ബാ​ന്‍റം ബു​ക്സ് പ്ര​സി​ദ്ധീ​ക​രി​ച്ച പു​സ്ത​ക​ത്തി​ലാ​ണ് കിം​ഗി​ന്‍റെ ഈ ​പ്ര​സം​ഗ​ഭാ​ഗം കൊ​ടു​ത്തി​രി​ക്കു​ന്ന​ത്. എ​ല്ലാം തി​ക​ഞ്ഞ നേ​താ​വാ​യി​രു​ന്നി​ല്ല കിം​ഗ്. കു​റ്റ​ങ്ങ​ളും കു​റ​വു​ക​ളും അ​ദ്ദേ​ഹ​ത്തി​ന്‍റെ ജീ​വി​ത​ത്തി​ലു​മു​ണ്ടാ​യി​രു​ന്നു. എ​ന്നാ​ൽ, പൊ​തു​പ്ര​വ​ർ​ത്ത​ന​ത്തി​നി​റ​ങ്ങി​യ​തോ​ടു​കൂ​ടി ത​ന്‍റെ വ്യ​ക്തി​പ​ര​മാ​യ ജീ​വി​ത​വും മെ​ച്ച​പ്പെ​ടു​ത്തു​വാ​ൻ അ​ദ്ദേ​ഹം ശ്ര​ദ്ധി​ച്ചു. അ​തി​ന് അ​ദ്ദേ​ഹ​ത്തെ ഏ​റെ സ​ഹാ​യി​ച്ച​ത് അ​ദ്ദേ​ഹ​ത്തി​ന്‍റെ ക്രൈ​സ്ത​വ​വി​ശ്വാ​സ​മാ​യി​രു​ന്നു. അ​ങ്ങ​നെ​യാ​ണു സ്വാ​ർ​ഥ​കാ​ര്യ​ങ്ങ​ൾ​ക്കു പി​ന്നാ​ലെ പോ​കാ​തെ മ​റ്റു​ള്ള​വ​രു​ടെ ന​ന്മ ല​ക്ഷ്യം​വ​ച്ചു​ള്ള പ്ര​വ​ർ​ത്ത​ന​പ​രി​പാ​ടി​യി​ലേ​ക്ക് അ​ദ്ദേ​ഹം നീ​ങ്ങി​യ​ത്. ത​ന്മൂ​ല​മാ​ണു ത​ന്‍റെ ജീ​വി​തം മ​റ്റു​ള്ള​വ​ർ​ക്കാ​യി മാ​റ്റി​വ​ച്ച​താ​യി അ​വ​കാ​ശ​പ്പെ​ടു​വാ​ൻ അ​ദ്ദേ​ഹ​ത്തി​നു സാ​ധി​ച്ച​ത്.
നാ​മെ​ല്ലാ​വ​രും പൊ​തു​പ്ര​വ​ർ​ത്ത​ക​രോ മ​റ്റു​ള്ള​വ​രു​ടെ ജീ​വി​തം മെ​ച്ച​പ്പെ​ടു​ത്തു​വാ​ൻ വേ​ണ്ടി സ​മ​ർ​പ്പി​ത ജീ​വി​തം ന​യി​ക്കു​ന്ന​വ​രോ അ​ല്ല. എ​ങ്കി​ൽ​പോ​ലും നാം ​ന​മു​ക്കു​വേ​ണ്ടി മാ​ത്രം ജീ​വി​ക്കേ​ണ്ട​വ​രാ​ണോ എ​ന്ന് ഇ​ട​യ്ക്കി​ടെ ചോ​ദി​ക്കു​ന്ന​തു ന​ല്ല​താ​ണ്.

ന​മ്മു​ടെ കാ​ര്യ​ങ്ങ​ൾ ഭം​ഗി​യാ​യി പോ​കു​ന്ന​തി​നു ന​മു​ക്കു ന​ല്ല ജോ​ലി​യും സാ​ന്പ​ത്തി​ക​ഭ​ദ്ര​ത​യും അ​നു​കൂ​ല​മാ​യ മ​റ്റു​ഘ​ട​ക​ങ്ങ​ളും ആ​വ​ശ്യ​മാ​ണ്. അ​വ​യ്ക്കു​വേ​ണ്ടി നാം ​നി​ര​ന്ത​രം അ​ധ്വാ​നി​ക്കു​ക​യും വേ​ണം. എ​ന്നാ​ൽ, അ​തു മാ​ത്ര​മാ​യി​രി​ക്ക​രു​ത് ന​മ്മു​ടെ ജീ​വി​ത​ല​ക്ഷ്യം. ജീ​വി​ത​ത്തി​ലെ ന​മ്മു​ടെ സ​ഹ​യാ​ത്രി​ക​രെ​ക്കു​റി​ച്ചും ന​മു​ക്കൊ​രു ചി​ന്ത​യു​ണ്ടാ​ക​ണം. ഒ​രു​പ​ക്ഷേ, അ​വ​ർ ന​മ്മെ​പ്പോ​ലെ സ​മ​ർ​ഥ​രോ ജീ​വി​ത​ത്തി​ൽ വി​ജ​യം ക​ണ്ടെ​ത്തു​ന്ന​വ​രോ ആ​യി​രി​ക്കി​ല്ല. ത​ന്മൂ​ലം, അ​വ​രെ അ​വ​ഗ​ണി​ക്കു​വാ​നാ​യി​രി​ക്കും സ്വാ​ഭാ​വി​ക​മാ​യും ന​മു​ക്കു തോ​ന്നു​ക.

എ​ന്നാ​ൽ അ​ങ്ങ​നെ​യാ​യി​രി​ക്ക​രു​തു ന​മ്മു​ടെ മ​നോ​ഭാ​വം. നേ​രേ​മ​റി​ച്ച് അ​വ​രോ​ടു സ​ഹാ​നു​ഭൂ​തി ഉ​ണ്ടാ​വ​ണം. അ​വ​രെ കൈ​പി​ടി​ച്ചു​യ​ർ​ത്താ​നും നാം ​ത​യാ​റാ​ക​ണം. അ​വ​ർ​ക്ക് ഒ​രു കൈ ​ന​ല്കു​ന്ന​തു​വ​ഴി ന​മു​ക്കു സ​മ​യ​ന​ഷ്ട​വും സാ​ന്പ​ത്തി​ക ന​ഷ്ട​വു​മൊ​ക്കെ ഉ​ണ്ടാ​കാം. എ​ന്നാ​ൽ അ​വ​യൊ​ന്നും ഒ​രു ന​ഷ്ട​മാ​യി​നാം ക​രു​ത​രു​ത്. പ്ര​ത്യു​ത, അ​വ ലാ​ഭ​മാ​യി​ട്ടു​ത​ന്നെ നാം ​ക​രു​ത​ണം.

മാ​ർ​ട്ടി​ൻ ലൂ​ഥ​ർ കിം​ഗ് ജൂ​ണി​യ​റി​ന്‍റെ മ​നോ​ഭാ​വം അ​താ​യി​രു​ന്നു. ത​ന്മൂ​ല​മാ​ണ്, ത​ന്‍റെ ജീ​വി​തം മ​റ്റു​ള്ള​വ​ർ​ക്കു​വേ​ണ്ടി മാ​റ്റി​വ​ച്ച ജീ​വി​ത​മാ​ക്കി അ​ദ്ദേ​ഹം മാ​റ്റി​യ​ത്. ന​മു​ക്കും ന​മ്മു​ടെ ജീ​വി​ത​ത്തെ മ​റ്റു​ള്ള​വ​ർ​ക്കു​വേ​ണ്ടി കൂ​ടി​യു​ള്ള ജീ​വി​ത​മാ​ക്കി മാ​റ്റാം. അ​പ്പോ​ൾ ന​മ്മു​ടെ ജീ​വി​തം കൂ​ടു​ത​ൽ മെ​ച്ച​പ്പെ​ടു​ക​യ​ല്ലാ​തെ പോ​രാ​യ്മ​യു​ള്ള​താ​വി​ല്ല.

ഫാ. ജോസ് പന്തപ്ലാംതൊട്ടിയിൽ


Copyright @ 2022 , Rashtra Deepika Ltd.