ഈ കെടുതിക്കപ്പുറം
ചെ​റു​തോ​ണി​യി​ൽ നി​ന്നു നേ​ര്യ​മം​ഗ​ല​ത്തേ​ക്കു​ള്ള റോ​ഡ് ചു​രു​ളി​യു​ടെ അ​ടു​ത്തെ​ത്തും മു​ൻ​പ് വ​ലി​യ ഉ​രു​ൾ​പൊ​ട്ട​ലി​ന്‍റെ ബാ​ക്കി പ​ത്രം. റോ​ഡി​ന്‍റെ പ​കു​തി ഭാ​ഗം നൂ​റു​മീ​റ്റ​ർ നീ​ള​ത്തി​ൽ താ​ഴോ​ട്ടു പോ​യി. ഇ​ട​തു​വ​ശ​ത്തെ ചെ​ങ്കു​ത്താ​യ മ​ല​യി​ൽ പൊ​ട്ടി​യ ഉ​രു​ളി​ൽ ഇ​ടി​ഞ്ഞി​റ​ങ്ങി​പ്പോ​ന്ന കൂ​റ്റ​ൻ പാ​റ​ക്ക​ല്ലു​ക​ളും മ​ണ്ണു​മെല്ലാം റോ​ഡി​ന്‍റെ വശ​ത്ത് ഇ​രു​നൂ​റു​മീ​റ്റ​റോ​ളം ആ​ഴ​ത്തി​ലേ​ക്ക് ഒ​ഴു​കി കി​ട​ക്കു​ന്നു,. റോ​ഡി​ലൂ​ടെ ഒ​രു വാ​ഹ​ന​ത്തി​നു പോ​കാ​വു​ന്ന വി​ധം മ​ണ്ണും ക​ല്ലും മാ​റ്റി​യി​ട്ടി​ട്ടു​ണ്ട്.
ഉ​രു​ൾ പൊ​ട്ടി​യ​തി​നു മീ​തെ തെ​ങ്ങും പ്ലാ​വും മു​രി​ക്കും കു​രു​മു​ള​കു കൊ​ടി​യും ഉ​ള്ള കൃ​ഷി​യി​ടം. ഒ​രു ചെ​റി​യ വീ​ടും കാ​ണാം. അ​തി​ന്‍റെ ത​റ​യി​ൽ നി​ന്ന് എ​ട്ടു​പ​ത്ത് അ​ടി അ​ക​ലെ വ​രെ മ​ണ്ണ് ഉൗ​ർ​ന്നു പോ​യി​ട്ടു​ണ്ട്. അ​വി​ടെ നി​ന്ന് ഒ​രു യു​വ​തി കൈ​യി​ൽ ഒ​രു പ്ലാ​സ്റ്റി​ക് ബാ​ഗു​മാ​യി ഇ​റ​ങ്ങി വ​രു​ന്നു. പ​റ​ന്പി​ലെ മ​ര​ങ്ങ​ൾ​ക്കി​ട​യി​ലൂ​ടെ വ​ന്ന​ശേ​ഷം ഉ​രു​ൾപൊ​ട്ടി അ​ട​ർ​ന്നു പോ​യ ഭാ​ഗ​ത്തേ​ക്ക് ഇ​റ​ങ്ങി. എ​ളു​പ്പം റോ​ഡി​ലെ​ത്താ​നു​ള്ള വ​ഴി​യാ​യി അ​ത്.

ആ ​പെ​ണ്‍​കു​ട്ടി​യാ​ണ് ഇ​ടു​ക്കി​യു​ടെ പ്ര​തീ​കം. പ്ര​കൃ​തി​യു​ടെ രൗ​ദ്ര​ഭാ​വം കൊ​ണ്ടു​വ​ന്ന കെ​ടു​തി​ക​ൾ​ക്കു മീ​തേ അ​തി​ജീ​വ​ന​ത്തി​ന്‍റെ ക​രു​ത്ത്. ത​ക​ർ​ന്നു കി​ട​ക്കു​ന്ന ഭൂ​മി​യി​ലും റോ​ഡി​ലും പു​തി​യ അ​വ​സ​ര​ങ്ങ​ൾ ക​ണ്ടെ​ത്തു​ന്ന ത​ള​രാ​ത്ത മ​ന​സാ​ണ്.

പ​ച്ച​പ്പി​ലെ ചോ​ര​ച്ചാ​ൽ

ഇ​ടു​ക്കി​യി​ൽ മാ​ത്ര​മ​ല്ല കേ​ര​ള​ത്തി​ലെ മ​ല​യോ​ര​ങ്ങ​ളി​ലെ​ല്ലാം ത​ന്നെ ക​ഴി​ഞ്ഞ മാ​സം പ്ര​കൃ​തി​യു​ടെ സം​ഹാ​ര​താ​ണ്ഡ​വ​മാ​യി​രു​ന്നു. മേഘ​വി​സ്ഫോ​ട​ന​ങ്ങ​ളും മ​ണ്ണി​ടി​ച്ചി​ലും കൊ​ടു​ങ്കാ​റ്റും പ്ര​ള​യ​വും. ഡ​സ​ൻ ക​ണ​ക്കി​നു ജീ​വ​നു​ക​ളും ആ​യി​ര​ക്ക​ണ​ക്കി​നു വീ​ടു​ക​ളും ത​ക​ർ​ന്നു. ഏ​ക്ക​ർ ക​ണ​ക്കി​നു കൃ​ഷി​യി​ട​ങ്ങ​ൾ ഒ​ലി​ച്ചു​പോ​യി. ആ​ദാ​യം ത​രേ​ണ്ട കൃ​ഷി​വി​ള​ക​ൾ ന​ശി​ച്ചു. വ​ട​ക്കു തൊ​ട്ടു തെ​ക്കു​വ​രെ കേ​ര​ള​ത്തി​ന്‍റെ മ​ല​യോ​ര​ങ്ങ​ൾ ന​ൽ​കു​ന്ന​ത് കൊ​ടി​യ നാ​ശ​ത്തി​ന്‍റെ ചി​ത്ര​ങ്ങ​ൾ. മ​ണ്ണി​ടി​ഞ്ഞും മ​ണ്ണൊ​ലി​ച്ചും പോ​യ ചാ​ലു​ക​ൾ പ​ച്ച​പ്പു​നി​റ​ഞ്ഞ മ​ല​യോ​ര​ങ്ങ​ളി​ൽ ചോ​ര​ച്ചാ​ലു​ക​ൾ പോ​ലെ. 278 മേ​ഘ വി​സ്ഫോ​ട​ന​ങ്ങ​ളും ആ​യി​ര​ക്ക​ണ​ക്കി​നു മ​ണ്ണി​ടി​ച്ചി​ലും ഉ​ണ്ടാ​യ ഇ​ടു​ക്കി ജി​ല്ല​യി​ൽ എ​വി​ടെ നോ​ക്കി​യാ​ലും മ​ല​ക​ൾ ചോ​ര​പ്പാ​ടു​ക​ളു​മാ​യാ​ണു നി​ൽ​ക്കു​ന്ന​ത് ഇ​ടു​ക്കി മാ​ത്ര​മ​ല്ല കോ​ഴി​ക്കോ​ടും വ​യ​നാ​ടും മ​ല​പ്പു​റവും പാ​ല​ക്കാ​ട് ജി​ല്ല​ക​ളു​ടെ മ​ല​യോ​ര​ങ്ങ​ളും അ​ങ്ങ​നെ ത​ന്നെ.

വീ​ണ്ടും കൃ​ഷി​യി​ൽ

പ്ര​കൃ​തിക്ഷോ​ഭം ക​ഴി​ഞ്ഞ് ര​ണ്ടാ​ഴ്ച​യ്ക്ക​കം മ​ല​യോ​ര​മേ​ഖ​ല​യി​ലെ ക​ർ​ഷ​ക​ർ അ​ധ്വാ​ന​ത്തി​ലേ​ക്കു തി​രി​ഞ്ഞു. അ​തി​രാ​വി​ലെ ജാ​തി​ക്ക​യും ഏ​ല​ക്കാ​യും പ​റി​ക്കാ​ൻ അ​വ​ർ ഇ​റ​ങ്ങുന്നു. പ​ശു​വി​നെ ക​റ​ന്ന് പാ​ലു​മാ​യി സൊ​സൈ​റ്റി​യി​ലേ​ക്കു പോ​കു​ന്നു. കു​ട്ടി​ക​ളെ സ്കൂ​ളു​ക​ളി​ലേ​ക്ക് അ​യ​യ്ക്കു​ന്നു.

ക​ട​ന്നുപോ​യ​ത് ഒ​രു തി​രി​ച്ച​ടി. പ​ക്ഷേ അ​തേ​ക്കു​റി​ച്ചോ​ർ​ത്തു ക​ര​ഞ്ഞി​ട്ടു​കാ​ര്യ​മി​ല്ല. മു​ന്നോ​ട്ടു പോ​ക​ണം. മു​ന്നോ​ട്ടു​പോ​കും. അ​താ​ണു ദു​ര​ന്ത​ങ്ങ​ൾ​ക്കു ന​ടു​വി​ലൂ​ടെ നീ​ങ്ങുന്ന മ​ല​യോ​ര​ജ​ന​ത ​പ​റ​യു​ന്ന​ത്.

ദു​രി​തം മു​ന്നി​ൽ

മു​ന്നി​ൽ ദു​രി​ത​നാ​ളു​ക​ൾ വ​രാ​നു​ണ്ടെ​ന്ന് അ​വ​ർ​ക്ക​റി​യാം. ഏല​ച്ചെ​ടി​ക​ൾ​ക്കു സാ​ര​മാ​യ നാ​ശ​ന​ഷ്ട​മു​ണ്ട്. ശരം വ​ന്ന​ത് തു​ട​ർ​ച്ച​യാ​യ മ​ഴ​യി​ൽ അ​ഴു​കിപ്പോ​യി. ഇ​നി പു​തി​യ​തു മു​ള​ച്ചു വ​ര​ണം. എ​ന്താ​യാ​ലും വി​ള​വ് ഗ​ണ്യ​മാ​യി കു​റ​യും.

കു​രു​മു​ള​കി​ലെ തി​രി തോ​രാ​മ​ഴ​യ്ക്കു ശേ​ഷ​മു​ള്ള വെ​യി​ലി​ൽ വാ​ടി കൊ​ഴി​യു​ക​യാ​ണ്. ദ്രു​ത​വാ​ട്ട​വും തു​ട​ങ്ങി. കാ​പ്പി​ക്കു​രു​വും കൊ​ക്കോ​യും മൂ​പ്പെ​ത്താ​തെ പ​ഴു​ത്തു വീ​ഴു​ന്നു. എ​ന്നേ​ക്കു രോ​ഗ​ബാ​ധ മാ​റു​മെ​ന്ന് ആ​ർ​ക്കും പ​റ​യാ​നാ​വു​ന്നി​ല്ല. എ​ങ്കി​ലും അ​വ​ർ മ​ണ്ണി​ലേ​ക്കു വ​ച്ച​കാ​ൽ പി​ന്നോ​ട്ടെ​ടു​ക്കു​ന്നി​ല്ല. ഇ​വി​ടെ, ഈ ​മ​ല​യോ​ര​ത്ത​ല്ലാ​തെ വേ​റെ​ങ്ങും അ​വ​ർ ഭാ​വി​യെ​പ്പ​റ്റി സ്വ​പ്നം കാ​ണു​ന്നി​ല്ല.

ഈ ​മ​ണ്ണി​ൽ​ത​ന്നെ

ഇ​ടു​ക്കി​യി​ലെ മ​രി​യാ​പു​രം റോ​ഡ് സൈ​ഡി​ൽ നി​ന്ന് വാ​ട​ക​വീ​ട്ടി​ലേ​ക്കു താ​മ​സം മാ​റ്റു​ന്ന തി​ര​ക്കി​നി​ട​യി​ൽ മറ്റക്കാട്ട് തോമസ് ജോ​സഫ് പ​റ​ഞ്ഞ​ത് സ്ഥ​ലം വി​ട്ടു​പോ​കു​ക​യാ​ണെ​ന്ന​ല്ല. വീ​ടി​ന്‍റെ ഒ​രു​വ​ശ​ത്തു പ​റ​ന്പു ഇ​ടി​ഞ്ഞു​പോ​യി. പി​ൻ​വ​ശ​ത്തെ ഭി​ത്തി​വ​രെ മ​ണ്ണു വ​ന്നു നി​ൽ​ക്കു​ന്നു. എ​ല്ലാം ഒ​ന്നു ഭദ്ര​മാ​കും​വ​രെ കി​ട​ക്കാ​നൊ​രി​ടം. പി​ന്നെ വീ​ണ്ടും ഈ ​മ​ണ്ണി​ൽ. അ​ടു​ക്ക​ള​യി​ൽ നി​ന്നു പാ​ത്ര​ങ്ങ​ൾ പെ​റു​ക്കു​ന്ന ഭാ​ര്യ വ​ത്സ​മ്മ​യും അ​തു ശ​രി​വ​യ്ക്കു​ന്നു.

നി​ൽ​ക്കു​ന്ന ത​റ​യെ പേ​ടി

മ​ല​യോ​ര​ത്തു മ​ന​സു​ക​ൾ ശാ​ന്ത​മ​ല്ല. എ​ന്താ​ണ് ഇ​നി വ​രാ​നി​രി​ക്കു​ന്ന​ത് എ​ന്ന ചി​ന്ത എ​പ്പോ​ഴും മു​ന്നി​ലു​ണ്ട്. നി​ൽ​ക്കു​ന്ന ത​റ ത​ന്നെ അ​വി​ടെ ഉ​ണ്ടാ​കു​മോ എ​ന്ന പേ​ടി പ​ല​ർ​ക്കു​മു​ണ്ട്. അ​ടി​മാ​ലി മാ​ങ്ക​ട​വ് നാ​യ്ക്കുന്നിൽ സ​ജി​കു​മാ​റി​ന്‍റെ വീ​ട് ത​റ​യോ​ടെ നി​ര​ങ്ങി നീ​ങ്ങി. വി​ടി​നു മു​ന്നി​ലെ ടാ​ർ റോ​ഡ് താ​ഴ​ത്തെ പു​ര​യി​ട​ത്തി​ലേ​ക്കു നി​ങ്ങി​യ​തു ര​ണ്ട​ടി.

അ​വി​ടെ മാ​ത്ര​മ​ല്ല. നെ​ടു​ങ്ക​ണ്ടം മാ​വ​ടി​യി​ലും ഇ​ടു​ക്കി വി​മ​ല​ഗി​രി​യി​ലും കൊ​ന്ന​​ത്ത​ടി​യി​ലും രാ​ജ​പു​ര​ത്തും പ​ന്നി​യാ​ർ​കു​ട്ടി​യി​ലും വെ​ണ്‍​മ​ണി​യി​ലും ത​ടി​യ​ന്പാ​ട്ടും ക​രി​ന്പ​നി​യിലും മണിയാറൻകുടിയിലും ഒ​ക്കെ ഇ​തേ പോ​ലു​ള്ള കാ​ര്യ​ങ്ങ​ൾ. ഭൂ​മി വി​ണ്ടു​കീ​റു​ന്നു, നി​ര​ങ്ങി നീ​ങ്ങു​ന്നു.

സോ​യി​ൽ പൈ​പ്പി​ംഗ് എ​ന്ന പ്ര​തി​ഭാ​സം. ചെ​രി​വു​ള്ള സ്ഥ​ല​ങ്ങ​ളി​ൽ അ​തി​വൃ​ഷ്ടി മൂ​ലം കൂ​ടു​ത​ൽ വെ​ള്ളം താ​ഴോ​ട്ടി​റ​ങ്ങു​ന്പോ​ൾ സം​ഭ​വി​ക്കു​ന്ന പ്ര​തി​ഭാ​സം. മ​റ്റു കെ​ടു​തി​ക​ളു​ടെ കൂ​ടെ ഇ​തു കാ​ണു​ന്പോ​ൾ ഉ​ള്ളു കി​ടു​ങ്ങു​ന്നു. ഭ​യ​പ്പെ​ടാ​നി​ല്ല എ​ന്ന വാ​ക്ക് ആ​ശ്വാ​സ​വാ​ക്കാ​യി സ്വീ​ക​രി​ക്കാ​ൻ അ​വ​ർ​ക്കു മ​ടി​യാ​ണ്.

തു​ള്ളി​ക്കൊ​രു കു​ടം

പ​ക്ഷേ, അ​തി​ജീ​വ​ന​ത്തി​നു​ള്ള ത്വ​ര​യി​ൽ അ​വ​ർ അ​വി​ടെ​ത്ത​ന്നെ തു​ട​രു​ന്നു. കൂ​ന്പ​ൻ​പാ​റ​യി​ൽ നി​ന്ന് മാ​ങ്ക​ട​വ് വ​ഴി നാ​യ്ക്കുന്നി​ലേ​ക്കു​ള്ള വ​ഴി​യി​ൽ അ​ര​ഡ​സ​നി​ലേ​റെ വ​ലി​യ ഉ​രു​ൾ​പൊ​ട്ട​ൽ(​മേ​ഘ​വി​സ്ഫോ​ട​നം) ഉ​ണ്ടാ​യി. ഇ​ടി​വെ​ട്ടു​ന്ന ശബ്ദ​ങ്ങ​ളും വി​ര​ൽ​വ​ച്ചാ​ൽ മു​റ​ഞ്ഞു​പോ​കു​ന്ന ത​രം തു​ള്ളി​ക്കൊ​രു​കു​ടം പേ​മാ​രി​യു​ടെ അ​ല​ർ​ച്ച​യും. വ​ലി​യ മ​ല​ഞ്ചെ​രി​വ് താ​ഴേ​ക്ക് പ​തി​ക്കു​ന്പോ​ഴുള്ള കന്പനവും എ​ല്ലാം ചേ​ർ​ന്നു പേ​ടി​പ്പെ​ടു​ത്തി​യ ര​ണ്ടു രാ​വു​ക​ൾ, മാ​ങ്ക​ട​വി​ലെ സ​ലിം എ​ന്ന യു​വാ​വ് ഓ​ർ​ക്കു​ന്നു. സ​മീ​പ​പ​ഞ്ചാ​യ​ത്തു​ക​ളി​ലെ​ല്ലാം ഇ​താ​യി​രു​ന്നു അ​വ​സ്ഥ.

പ്രാ​യ​മാ​യ​വ​ർ 44വ​ർ​ഷം മു​ൻ​പ​ത്തെ 1979 ജൂ​ലൈ​യെ ഓ​ർ​മി​ച്ചു. ആ ​ജൂ​ലൈ 25, 26 തീ​യ​തി​ക​ളും ഇ​തേ പോ​ലെ​യാ​യി​രു​ന്നു. സ്വ​ന്തം വീ​ട് ത​ക​രു​മെ​ന്ന് ഭ​യ​ന്നു ക​യ​റി​നി​ന്ന കെ​ട്ടി​ടം ത​ക​ർ​ന്ന് ആ​ൾ​ക്കാ​ർ മ​രി​ച്ച​ത​ട​ക്ക​മു​ള്ള ദു​ര​ന്ത​ക​ഥ​ക​ളു​ടെ ഒ​രു കാ​ലം.

മ​ണ്ണു​മാ​ന്തി​യ​ന്ത്രം ര​ക്ഷ​ക​നാ​യി

ഒ​രു ത​ല​മു​റ മു​ന്പ് ആ ​കാ​ല​വ​ർ​ഷ​ക്കെ​ടു​തി​യെ അ​തി​ജീ​വി​ക്കാ​ൻ മാ​സ​ങ്ങ​ൾ വേ​ണ്ടി​വ​ന്നു. മൂ​ന്നാ​ഴ്ച​യ്ക്കു ശേ​ഷ​വും റോ​ഡു​ക​ൾ സ​ഞ്ചാ​ര​യോ​ഗ്യ​മാ​ക്കാ​നാ​യി​രു​ന്നി​ല്ല. എ​ല്ലാ​ത്തി​നും മ​നു​ഷ്യ പ്ര​യ​ത്നം മാ​ത്രം ല​ഭ്യ​മാ​യി​രു​ന്ന കാ​ലം.

ഇ​ന്നി​പ്പോ​ൾ ര​ണ്ടു​മൂ​ന്നു ദി​വസം കൊ​ണ്ടു പ്ര​ധാ​ന റോ​ഡു​ക​ളി​ൽ ഗ​താ​ഗ​തം ഭാ​ഗിക​മാ​യി പു​ന​ഃസ്ഥാ​പി​ക്കാ​നാ​യി. ര​ണ്ടാ​ഴ്ച ക​ഴി​ഞ്ഞ​പ്പോ​ഴേ​ക്ക് എ​ല്ലാ റോ​ഡു​ക​ളി​ലും ഒ​രു​വ​രി ഗ​താ​ഗ​ത​മെ​ങ്കി​ലും സാ​ധ്യ​മാ​യി. മ​ണ്ണു​മാ​ന്തി യ​ന്ത്ര​ങ്ങ​ൾ ഇ​ത്ര​യേ​റെ ഉ​പ​കാ​രി​ക​ളാ​യി മ​ല​യോ​ര​ങ്ങ​ൾ​ക്കു തോ​ന്നി​യ സ​ന്ദ​ർ​ഭ​ങ്ങ​ൾ വേ​റെ​യി​ല്ല. ത​ടി​യ​ന്പാ​ട്ടും ഉപ്പ​തോ​ട്ടി​ലും രാ​ജ​പു​ര​പ​ത്തും ചെ​മ്മ​ണ്ണാ​റി​ലു​മൊ​ക്കെ ഉ​രു​ൾ​പൊ​ട്ട​ലി​ൽ പെ​ട്ട​വ​രെ തെ​ര​ഞ്ഞു ര​ക്ഷി​ക്കാ​നും മ​ണ്ണു​മാ​ന്ത്രി യ​ന്ത്ര​ങ്ങ​ളാ​ണ് സ​ഹാ​യി​ച്ച​ത്.

അ​ട​യാ​ള​ങ്ങ​ൾ

രോ​ഗം മൂ​ലം മ​രി​ച്ചു​പോ​യ മ​ക​ന്‍റെ ഭാ​ര്യ​ക്കും മ​ക്ക​ൾ​ക്കും കു​ടും​ബ​സ്വ​ത്തി​ന്‍റെ വീ​തം ന​ൽ​കാ​തി​രി​ക്കാ​ൻ വ​ർ​ഷ​ങ്ങ​ളോ​ളം കേ​സ് ന​ട​ത്തി​യ ആ​ളി​ന്‍റെ ഭൂ​മി, ഒ​രു റോ​ഡും മ​റ്റു ചി​ല​രു​ടെ ഭൂ​മി​ക​ളും ക​ട​ന്നു പു​ഴ​യി​ലെ​ത്തി ഒലിച്ചുപോയതു ക​ണ്ടു. കേ​സ് പ​റ​ഞ്ഞും വാ​ശി​കാ​ണി​ച്ചും കെ​ട്ടി​പ്പ​ിടി​ച്ചു നി​ർ​ത്തി​യ ഭൂ​മി​യി​ലെ ക​ല്ലും മ​ര​വും പോ​ലും അ​വി​ടെ ശേ​ഷി​ച്ചിട്ടി​ല്ല.
********
റോ​ഡ് നി​ര​പ്പി​ൽ പ​ണി​ത മൂ​ന്നു​നി​ല വീ​ട് താ​ഴോ​ട്ടു നി​ര​ങ്ങി​പ്പോ​യി മ​റ്റൊ​രാ​ളു​ടെ പു​ര​യി​ട​ത്തി​ൽ നി​ൽക്കു​ന്നു.​റോ​ഡ് നി​ര​പ്പി​ൽ നി​ന്ന് ഇ​രു​പ​ത​ടി​യോ​ളം താ​ഴെ​യാ​ണ് കെ​ട്ടി​ട​ത്തി​ന്‍റെ മേ​ൽ​ക്കൂ​ര.
പ്ര​കൃ​തി ന​ൽ​കു​ന്ന അ​ട​യാ​ള​ങ്ങ​ൾ പ​ല​തും ഈ ​സം​ഭ​വ​ങ്ങ​ളി​ലു​ണ്ട്. പ​ഠി​പ്പി​ച്ചാ​ലും പ​ഠി​ക്കാ​ൻ മ​നു​ഷ്യ​ൻ വി​സ​മ്മ​തി​ക്കു​ന്ന പാ​ഠ​ങ്ങ​ളും.

മു​ന്ന​റി​യി​പ്പു​ക​ൾ വേ​ണം

മ​ല​യോ​ര​ങ്ങ​ൾ ഇ​ന്ന് അ​ഭി​മു​ഖീ​ക​രി​ക്കു​ന്ന​തു പ​ല മാ​ന​ങ്ങ​ളും ത​ല​ങ്ങ​ളു​മു​ള്ള ചി​ല പ്ര​ശ്ന​ങ്ങ​ളാ​ണ്. പ്ര​കൃ​തി​ക്ഷോ​ഭം ഏ​ത​വ​സ​ര​ത്തി​ലും നാ​ശം വി​ത​യ്ക്കാ​വു​ന്ന ഒ​രു ചു​റ്റു​പാ​ടി​ൽ സു​ര​ക്ഷി​ത ജീ​വി​ത​മാ​ർ​ഗ​മാ​ണ് ആ​ർ​ക്കും വേ​ണ്ട​ത്. ഈ ​മ​ല​യോ​ര​ത്തു ത​ന്നെ​വേ​ണം താ​നും. ചെ​രി​വു​ള്ള പ്ര​ദേ​ശ​മാ​ണ്, ഇ​വി​ടെ താ​മ​സി​ക്ക​ണ്ട എ​ന്നു പ​റ​യു​ന്ന​ത​ല്ല പ​രി​ഹാ​രം.

വ​ർ​ഷ​ത്തി​ൽ പ​ല​ത​വ​ണ ചു​ഴ​ലി​ക്കൊ​ടു​ങ്കാ​റ്റ് നാ​ശം വി​ത​യ്ക്കു​ന്ന​താ​ണ് അ​മേ​രി​ക്ക​യി​ലെ ഫ്ളോ​റി​ഡ സം​സ്ഥാ​നം. അ​വി​ടെ ചെ​യ്യു​ന്ന​ത് ചു​ഴ​ലി​ക്കാ​റ്റു സം​ബ​ന്ധി​ച്ചു കൃ​ത്യ​മാ​യ മുന്ന​റി​യി​പ്പ് ന​ൽ​കു​ന്നു. ജ​നം സ്ഥ​ല​ത്തു​നി​ന്നു മാ​റു​ന്നു. കാ​റ്റു വ​ന്നു​പോ​യി​ക്ക​ഴി​യു​ന്പോ​ൾ ജ​നം വീ​ണ്ടും താ​മ​സ​ത്തി​നെ​ത്തു​ന്നു.

മ​ഴ​യും കാ​റ്റു​മൊ​ക്കെ പ്ര​വ​ചി​ക്കാ​ൻ ശാ​സ്ത്ര-​സാ​ങ്കേ​തി​ക മേ​ഖ​ല​യ്ക്ക് ധാ​രാ​ളം സം​വി​ധാ​ന​ങ്ങ​ൾ ഉ​ണ്ട്. ഇ​ന്ത്യ​ക്ക് നി​ര​വ​ധി നി​രീ​ക്ഷ​ണ ഉ​പ​ഗ്ര​ഹ​ങ്ങ​ളും ഉ​ണ്ട്. അ​വ​യെ കു​റേ​ക്കൂ​ടി ന​ന്നാ​യി ഉ​പ​യോ​ഗി​ച്ചാ​ൽ ഒ​രു പ​ക്ഷേ മേ​ഘ​വി​സ്ഫോ​ട​ന​ങ്ങ​ൾ ​വ​രെ പ്ര​വ​ചി​ക്കാ​നും ര​ക്ഷാ​മാ​ർ​ഗം തേ​ടാ​നും ക​ഴി​യും. ചു​ഴ​ലിക്കൊ​ടു​ങ്കാ​റ്റ് ഇ​ന്ന​ത്തേ​തു​പോ​ലെ കൃ​ത്യ​മാ​യി പ്ര​വ​ചി​ക്കാ​നാ​കു​മെ​ന്നു മൂ​ന്നു നാ​ലു ദ​ശ​കം മു​ൻ​പ് ആ​രും ക​രു​തി​യി​രു​ന്നി​ല്ല. അ​തേ​പോ​ലെ തീ​വ്ര​മ​ഴ​പോ​ലു​ള്ള പ്ര​തി​ഭാ​സ​ങ്ങ​ൾ​ക്കും മു​ന്ന​റി​യി​പ്പ് കൊ​ടു​ക്കാ​നാ​യാ​ൽ ഇ​ത്ത​വ​ണ​ത്തേ​തു പോ​ലു​ള്ള കെ​ടു​തി​ക​ൾ കു​റ​യ്ക്കാ​നാ​വും.

ഇ​രു​പ​ത്തി​നാ​ലു​മ​ണി​ക്കൂ​റി​നു​ള്ള​ിൽ മു​പ്പ​തും നാ​ൽ​പ്പ​തും സെ​ന്‍റി​മീ​റ്റ​ർ മ​ഴ ല​ഭി​ക്കു​ന്ന അ​തി​തീ​വ്ര​മ​ഴ​യും അ​സം​ഖ്യം മേ​ഘ​വി​സ്ഫോ​ട​ന​ങ്ങ​ളും ഉ​ണ്ടാ​യ​താ​ണു 2018ലെ ​പ്ര​ള​യ​ത്തെ ഇ​ത്ര ഭീ​ക​ര​മാ​ക്കി​യ​ത്. മ​ല​നി​രക​ളി​ലെ ഈ ​അ​തി​വൃ​ഷ്ടി​യു​ടെ ഫ​ല​മാ​യ​വെ​ള്ളം ഇട​നാ​ട്ടി​ലും കു​ട്ട​നാ​ട് അ​ട​ക്ക​മു​ള്ള താ​ഴ്ന്ന പ്ര​ദേ​ശ​ങ്ങ​ളി​ലും ദി​വ​സ​ങ്ങ​ൾ നീ​ണ്ട പ്ര​ള​യ​മാ​യി മാ​റി. മ​ഴ​യെ​ത്ത​ട​യാ​നാ​വി​ല്ല, പ​ക്ഷേ മു​ന്പേ അ​റി​ഞ്ഞാ​ൽ ക​രു​ത​ലെ​ടു​ക്കാം. സു​ര​ക്ഷി​ത സ്ഥാ​ന​ങ്ങ​ളി​ലേ​ക്കു മാ​റാം. അ​തി​നു​ത​ക്ക കാ​ലാ​വ​സ്ഥാ പ്ര​വ​ച​ന സം​വി​ധാ​ന​മാ​ണ് വേ​ണ്ട​ത്.

മ​ണ്ണും സം​ര​ക്ഷി​ക്ക​ണം

മ​ല​യോ​ര​മേ​ഖ​ല നേ​രി​ടു​ന്ന മ​റ്റൊ​രു പ്ര​ശ്നം മ​ണ്ണു സം​ര​ക്ഷ​ണ​മാ​ണ്. ഏ​തു​സ്ഥ​ല​ത്തു​കൂ​ടി പോ​യാ​ലും മ​ണ്ണി​ടി​ഞ്ഞു കി​ട​ക്കു​ന്നു. പ്ര​കൃ​തി​ക്ഷോ​ഭ​ത്തി​ന്‍റെ വ​ലു​പ്പം പോ​ലും തെ​റ്റി​ദ്ധ​രി​പ്പി​ക്കു​ന്ന​താ​ണ് ഈ ​കാ​ഴ്ച​ക​ൾ. ശാ​സ്ത്രീ​യ​മാ​യ മ​ണ്ണു സം​ര​ക്ഷ​ണ​ത്തി​ലൂ​ടെ ഇ​വ​യി​ൽ 95 ശ​ത​മാ​ന​വും ഒ​ഴി​വാ​ക്കാ​വു​ന്ന​തേ ഉ​ള്ളു. ഹൈ​വേ​ക​ളു​ടെ സൈ​ഡ് റോ​ഡ് നി​ർ​മാ​ണ​ത്തോ​ടൊ​പ്പം കെ​ട്ടി സം​ര​ക്ഷി​ക്കു​ന്ന രീ​തി ഉ​ണ്ടാ​ക​ണം.​പു​ര​യി​ട​ങ്ങ​ളി​ൽ കയ്യാ​ല​ക​ൾ കെ​ട്ടാ​ൻ സ്കീ​മു​ക​ളും കൊ​ണ്ടു​വ​ര​ണം. പ്ര​കൃ​തി​ക്ഷോ​ഭ​ത്തി​ന്‍റെ ദൃ​ശ്യ​ഭീ​ക​ര​ത കു​റ​യ്ക്കു​ന്ന ഈ ​ന​ട​പ​ടി മണ്ണും ​കൃ​ഷി​യും സം​ര​ക്ഷി​ക്കു​ക​യും ചെ​യ്യും.

വൈ​കി​പ്പൂ​ത്ത് കുറിഞ്ഞി

ഇ​ടു​ക്കി​യും വ​യ​നാ​ടു​മൊ​ക്കെ സ​ഞ്ചാ​രി​ക​ൾ​ക്കു പ്രി​യങ്ക​ര​മാ​ണ്. പ്ര​കൃ​തി​ക്ഷോ​ഭം വ​ന്ന​തോ​ടെ ഒ​ട്ടെ​റേ​പ്പേ​ർ കേ​ര​ള​ത്തെ വി​ട്ടു മ​റ്റു നാ​ടു​ക​ളി​ലേ​ക്കാ​യി യാ​ത്ര. കെ​ടു​തി​ക​ളു​ടെ വ്യാ​പ്തി​യെ​പ്പ​റ്റി​യു​ള്ള പ​ല റി​പ്പോ​ർ​ട്ടു​ക​ളും അ​നാ​വ​ശ്യ​ഭീ​തി​പ​ട​ർ​ത്തു​ന്ന​വ​യാ​യി​രു​ന്നു​വെ​ന്ന പ​രാ​തി ടൂ​ർ ഓ​പ്പ​റേ​റ്റ​ർ​മാ​ർ​ക്കു​ണ്ട്. ഇ​പ്പോ​ൾ ടൂ​ർ ഓ​പ്പ​റേ​റ്റ​ർ​മാ​ർ ത​ന്നെ ഇ​വി​ടം ഭ​ദ്ര​മാ​ണെ​ന്നു പ്ര​ച​രി​പ്പി​ക്കാ​ൻ മു​ൻപ​ന്തി​യി​ലു​ണ്ട്.

മൂ​ന്നാ​റി​ലെ ഇ​ര​വി​കൂ​ള​ത്തും രാ​ജ​മ​ല​യി​ലും കാ​ന്ത​ല്ലൂ​രി​ലു​മൊ​ക്കെ വൈ​കി​യാ​ണെ​ങ്കി​ലും നീ​ല​ക്കു​റി​ഞ്ഞി പൂ​ത്തു​തു​ട​ങ്ങി. അ​ടി​മാ​ലി-​മൂ​ന്നാ​ർ റോ​ഡി​ലെ ഗ​താ​ഗ​തം പു​ന​രാ​രം​ഭി​ക്കാ​നാ​യാ​ലേ നീല​ക്കു​റി​ഞ്ഞി​ കാ​ണാ​ൻ വേ​ണ്ട​ത്ര ആ​ൾ​ക്കാ​ർ​ക്ക് എ​ത്താ​നാ​കൂ. വ​യ​നാ​ട്ടി​ലും ടൂ​റി​സ​ത്ത​ിനു ഗ​താ​ഗ​തം ത​ന്ന​യാ​ണ് പ്ര​ധാ​ന​വെ​ല്ലു​വി​ളി. പ്ര​ധാ​ന​റോ​ഡു​ക​ൾ മു​ഴു​വ​ൻ ഗ​താ​ഗ​ത​യോ​ഗ്യ​മാ​ക്കാ​ൻ മാ​സ​ങ്ങ​ൾ എ​ടു​ക്കും. ചു​ര​ങ്ങ​ളി​ലും മ​ല​ഞ്ചെ​രി​വു​ക​ളി​ലും റോ​ഡു​ക​ൾ കാ​ലാ​വ​സ്ഥ​യു​ടെ പ്ര​ാതി​കൂ​ല്യ​ങ്ങ​ളെ ചെ​റു​ത്തു​നി​ൽ​ക്കാ​ൻ ത​ക്ക​വി​ധം നി​ർ​മി​ക്ക​ണം.

ജീ​വി​ത​മോ?

വീ​ടു​ക​ൾ പൂ​ർ​ണ​മാ​യി ഒ​ലി​ച്ചു​പോ​യ​വ​ർ ആ​യി​ര​ക്ക​ണ​ക്കി​നാ​ണ്. വീ​ടി​രു​ന്ന സ്ഥ​ലം കൂടി ഒ​ലി​ച്ചു​പോ​യ​വ​ർ ഏ​റെ​യാ​ണ്. ഉ​പ​ജീ​വ​ന​മാ​ർ​ഗ​ങ്ങ​ൾ ന​ഷ്ട​മാ​യ​വ​രും പ​തി​നാ​യി​ര​ക്ക​ണ​ക്കി​നാ​ണ്.
ദേ​ശീ​യ​പാ​ത​ക​ളും സം​സ്ഥാ​ന​പാ​ത​ക​ളും നി​ർ​മി​ക്കു​ന്ന​തി​നു​വേ​ണ്ട ആ​യി​ര​ക്ക​ണ​ക്കി​നു കോ​ടി​ക​ളെ​പ്പ​റ്റി​യാ​ണു ക​ണ​ക്കു​ക​ൾ കേ​ൾ​ക്കു​ന്ന​ത്. വീ​ടും ഭൂ​മി​യും ജീ​വ​നോ​പാ​ധി​യും ന​ഷ്ട​മാ​യ​വ​രെ​പ്പ​റ്റി ക​ണ​ക്ക് എ​ടു​ക്കു​ന്ന​തേ​യു​ള്ളു. ക​ണ​ക്കെ​ടു​ത്ത്് ക​ണ​ക്കൂ​കൂ​ട്ടി പ​രി​ഹാ​രം നി​ർ​ണ​യി​ച്ച് സ​ഹാ​യ​മെ​ത്തു​ന്പോ​ഴേ​ക്ക് അ​വ​രെ ആ​രു സം​ര​ക്ഷി​ച്ചു നി​ർ​ത്തും? അ​വ​രു​ടെ ജീ​വി​തം എ​ങ്ങ​നെ? കേ​ര​ളം അ​തി​വേ​ഗം പ്ര​വ​ർ​ത്തി​ക്കേ​ണ്ടി​യി​രി​ക്കു​ന്നു.

റ്റി.​സി. മാ​ത്യു
ചിത്രങ്ങൾ:
ബിബിൻ സേവ്യർ


Copyright @ 2022 , Rashtra Deepika Ltd.