ത​ള​രാ​തെ, ത​ക​രാ​തെ മു​ന്നോ​ട്ട്
അ​ന്ധ​നാ​യ അ​ച്ഛ​ന് ജോ​ലി ലോ​ട്ട​റി വി​ൽ​പ​ന .മു​ട​ന്തു​ള്ള അ​മ്മ വ​ഴി​യോ​ര​ത്ത് ഉ​ണ​ക്ക​മീ​ൻ വി​ൽ​ക്കു​ന്നു. മൂ​ന്നു മ​ക്ക​ളെ വ​ള​ർ​ത്തി മി​ടു​ക്ക​രാ​ക്കാ​നു​ള്ള സ​ഹ​ന​പൂ​ർ​ണ​മാ​യ അ​ധ്വാ​നം.

ഇ​വ​രു​ടെ മൂ​ത്ത മ​ക​ൻ ഇ​ക്കൊ​ല്ലം പ്ല​സ്ടു​വി​നും ര​ണ്ടാ​മ​ൻ പ​ത്താം ക്ലാ​സി​ലും എ​ല്ലാ വി​ഷ​യ​ങ്ങ​ൾ​ക്കും എ ​പ്ല​സോ​ടെ മി​ക​ച്ച വി​ജ​യം നേ​ടി. മൂ​ന്നാ​മ​ൻ ഒ​ൻ​പ​താം ക്ലാ​സി​ൽ പ​ഠി​ക്കു​ന്നു. എ​ത്ര​ത്തോ​ളം അ​ഭി​ന​ന്ദി​ക്ക​ണം, ആ​ദ​രി​ക്ക​ണം ഈ ​മാ​താ​പി​താ​ക്ക​ളെ​യും ഇ​വ​രു​ടെ മ​ക്ക​ളെ​യും.

നി​ഴ​ൽ​പോ​ലെ മാ​ത്രം കാ​ഴ്ച​യു​ള്ള അ​ച്ഛ​ൻ. രാ​വി​ലെ സ്കൂ​ളി​ലേ​ക്കു പോ​കു​ന്ന​തി​നു മു​ൻ​പ് മ​ക്ക​ളി​ലൊ​രാ​ൾ അ​ച്ഛ​ന്‍റെ കൈ​പി​ടി​ച്ച് ലോ​ട്ട​റി വി​ൽ​പ​ന​യി​ൽ സ​ഹാ​യി​ക്കാ​ൻ പോ​കും.

അ​വ​ധി ദി​വ​സ​ങ്ങ​ളി​ൽ പ​ക​ല​ന്തി​യോ​ളം ഇ​വ​രി​ലൊ​രാ​ൾ അ​ച്ഛ​നോ​ടൊ​പ്പം ലോ​ട്ട​റി വി​റ്റു ന​ട​ക്കും. വി​ൽ​ക്കു​ന്ന ടി​ക്ക​റ്റി​ന്‍റെ പ​ണം കൃ​ത്യ​മാ​യി ബാ​ഗി​ൽ ക​രു​തു​ന്ന​തും എ​ണ്ണി​ത്തി​ട്ട​പ്പെ​ടു​ത്തു​ന്ന​തു​മൊ​ക്കെ മ​ക്ക​ൾ​ത​ന്നെ. ഇ​വ​ർ സ്കൂ​ളി​ൽ​പോ​കു​ന്പോ​ൾ അ​മ്മ​യാ​ണ് അ​ച്ഛ​ന്‍റെ കൈ​പി​ടി​ക്കു​ക.

മു​ട​ന്തു​ള്ള സ്ത്രീ​യും കാ​ഴ്ച​പ​രി​മി​തി​യു​ള്ള ഭ​ർ​ത്താ​വും വ​ഴി​യോ​ര​ങ്ങ​ളി​ലൂ​ടെ​യും ക​വ​ല​ക​ളി​ലൂ​ടെ​യും ന​ട​ന്നു മ​ക്ക​ളു​ടെ ഭാ​വി​ജീ​വി​തം മെ​ന​യു​ക​യാ​ണ്. ക​രു​ത​ലാ​യി കൊ​ണ്ടു​പോ​കു​ന്ന പൊ​തി​ച്ചോ​റ് ഒ​രേ ഇ​ല​യി​ൽ​നി​ന്ന് ഇ​രു​വ​രും ഭ​ക്ഷി​ക്കു​ന്ന​തും മ​ഴ​യും വെ​യി​ലും വ​ക​വ​യ്ക്കാ​തെ യാ​ച​നാ​പൂ​ർ​വം ലോ​ട്ട​റി ടി​ക്ക​റ്റ് നീ​ട്ടു​ന്ന​തു​മൊ​ക്കെ ഇ​വ​രു​ടെ സ​ഹ​ന​ത്തി​ന്‍റെ ഒ​രു ത​ലം മാ​ത്രം.

വൈ​കു​ന്നേ​ര​ങ്ങ​ളി​ൽ വ​ഴി​യോ​ര​ത്ത് ഉ​ണ​ക്ക​മീ​ൻ വി​ൽ​ക്കും. താ​ൽ​പ​ര്യ​ക്കാ​ർ​ക്ക് ലോ​ട്ട​റി​യും. ഇ​ത്ത​ര​ത്തി​ൽ ഓ​രോ ദി​വ​സ​വും ല​ഭി​ക്കു​ന്ന തു​ച്ഛ​വ​രു​മാ​ന​ത്തി​ൽ​നി​ന്ന് ഭ​ക്ഷ്യ​സാ​ധ​ന​ങ്ങ​ളും പ​ഠ​ന​സാ​മ​ഗ്രി​ക​ളും വാ​ങ്ങി​യാ​ണ് വീ​ട്ടി​ലേ​ക്കു​ള്ള ​മ​ട​ക്കം.

ഒ​രാ​ളോ​ടും പ​രി​ഭ​വം പ​റ​യാ​തെ​യും ഒ​രാ​ളെ​യും കു​റ്റം പ​റ​യാ​തെ​യും ഒ​രു പു​ഞ്ചി​രി ഏ​വ​ർ​ക്കും സ​മ്മാ​ന​മാ​യി ന​ൽ​കി​യു​ള്ള ജീ​വി​ത​യാ​ത്ര. ആ​രെ​ങ്കി​ലും ആ​ക്ഷേ​പി​ച്ചാ​ലും അ​പ​മാ​നി​ച്ചാ​ലും ഒ​രു വാ​ക്ക് പ്ര​തി​ക​രി​ക്കാ​തെ ഇ​വ​ർ മൗ​നം പാ​ലി​ക്കു​ന്നു.

സ​ന്പ​ത്തും പ്ര​മാ​ണി​ത്വ​വും ആ​രോ​ഗ്യ​വു​മാ​ണ് സു​ഖ​ത്തി​നും സ​ന്തോ​ഷ​ത്തി​നും അ​ടി​സ്ഥാ​ന​മെ​ന്നു ക​രു​തി​യാ​ൽ അ​ത് പൂ​ർ​ണ​മാ​യി ശ​രി​യ​ല്ല. അ​വ​യൊ​ക്കെ ക​രു​ത​ലാ​യി വേ​ണ്ട​തു​ത​ന്നെ. എ​ന്നാ​ൽ ന​ന്മ​യും സ്നേ​ഹ​വും സ​മാ​ധാ​ന​വും പ്ര​ത്യാ​ശ​യു​മൊ​ക്കെ​യാ​ണ് ജീ​വി​ത​ത്തി​ന് സം​തൃ​പ്തി​യും അ​ർ​ഥ​വും പ​ക​രു​ന്ന​തെ​ന്ന് ഈ ​കു​ടും​ബം ത​ന്നെ ഓ​ർ​മി​പ്പി​ക്കു​ന്നു.

പ്ല​സ്ടു പാ​സാ​യ മൂ​ത്ത മ​ക​ൻ ഇ​പ്പോ​ൾ‌ മെ​ഡി​ക്ക​ൽ എ​ൻ​ട്ര​ൻ​സ് പ​രി​ശീ​ല​ന​ത്തി​ന് പോ​വു​ക​യാ​ണ്. അ​വ​നു ഡോ​ക്ട​റാ​വ​ണം. ജോ​ലി നേ​ടി അ​ച്ഛ​നെ​യും അ​മ്മ​യെ​യും സം​ര​ക്ഷി​ക്ക​ണം. ഇ​ള​യ സ​ഹോ​ദ​ര​ങ്ങ​ളെ പ​ഠി​പ്പി​ച്ച് ന​ല്ല നി​ല​യി​ലെ​ത്തി​ക്ക​ണം. ഈ ​മ​ക​ൻ പ​ങ്കു​വ​യ്ക്കു​ന്ന ആ​ഗ്ര​ഹ​ങ്ങ​ൾ എ​ത്ര​യോ ഹൃ​ദ്യ​മാ​ണ്. ഇ​വ​ന്‍റെ ആ​ദ​ർ​ശം എ​ത്ര​യോ മ​ഹ​ത്ത​ര​മാ​ണ്.

ഒ​ട്ടേ​റെ യു​വ​ജ​ന​ങ്ങ​ൾ മ​ദ്യ​ത്തി​നും ക​ഞ്ചാ​വി​നും മ​റ്റു ല​ഹ​രി​ക്കും അ​ടി​മ​പ്പെ​ടു​ന്ന ഇ​ക്കാ​ല​ത്ത് ഈ ​പ​തി​നേ​ഴു​കാ​ര​ന്‍റെ സ​ദ്സ്വ​ഭാ​വം എ​ത്ര​യോ മാ​തൃ​കാ​പ​ര​മാ​ണ്.

റേ​ഷ​ന​രി​യും ഉ​ണ​ക്ക​മീ​നും ച​മ്മ​ന്തി​യു​മ​ല്ലാ​തെ ഇ​വ​രു​ടെ വീ​ട്ടി​ൽ സ​മൃ​ദ്ധി​യു​ടെ വി​ഭ​വ​ങ്ങ​ളൊ​ന്നും പ​തി​വി​ല്ല. ഇ​ടു​ങ്ങി​യ മു​റി​യി​ലെ പ​ഠ​ന​മേ​ശ​യ്ക്ക് ചു​റ്റു​മി​രു​ന്നാ​ണ് മൂ​ന്നു മ​ക്ക​ളു​ടെ പ​ഠ​നം. ഇ​വ​ർ പ​ഠ​നോ​പ​ക​ര​ണ​ങ്ങ​ൾ പ​ര​സ്പ​രം പ​ങ്കു​വ​യ്ക്കു​ന്നു. വൈ​ദ്യു​തി ഇ​ല്ലാ​ത്ത ദി​വ​സ​ങ്ങ​ളി​ൽ റാ​ന്ത​ൽ വെ​ളി​ച്ച​ത്തി​ലാ​ണ് പ​ഠ​നം. മൂ​ന്നു പേ​രു​ടെ​യും ഉ​റ​ക്കം നി​ല​ത്ത് പാ​യ വി​രി​ച്ചാ​ണ്.

ബ​ഹു​നി​ല ര​മ്യ​ഹ​ർ​മ്യ​ങ്ങ​ളി​ലെ ആ​ഢം​ബ​ര മു​റി​ക​ളി​ൽ ചേ​ക്കേ​റു​ന്ന പ​ല കു​ട്ടി​ക​ളും ഇ​ക്കാ​ല​ത്ത് പ​ല​ത​രം പ്ര​ശ്ന​ങ്ങ​ളി​ൽ ഉ​ഴ​ലു​ന്ന​വ​രാ​ണ്. അ​വ​ർ​ക്ക് പ​ഠി​ക്കാ​ൻ വീ​ട്ടി​ൽ ന​ല്ല അ​ന്ത​രീ​ക്ഷ​മി​ല്ലെ​ന്നാ​ണ് പ​രാ​തി. കു​ടും​ബാം​ഗ​ങ്ങ​ൾ ത​മ്മി​ൽ ചേ​ർ​ച്ച​യും സ്നേ​ഹ​വു​മു​ണ്ടെ​ങ്കി​ൽ എ​ല്ലാ​ത്ത​രം പ​രി​മി​തി​ക​ളും ഇ​ല്ലാ​യ്മ​യു​മൊ​ക്കെ സ​ന്തോ​ഷ​മാ​യി മാ​റു​മെ​ന്ന​തി​ന് തെ​ളി​വ​ല്ലേ ഈ ​ലോ​ട്ട​റി വി​ൽ​പ​ന​ക്കാ​ര​നും അ​ദ്ദേ​ഹ​ത്തി​ന്‍റെ കു​ടും​ബ​ജീ​വി​ത​വും.

ചെ​റി​യ വീ​ട്ടി​ൽ പ​ര​സ്പ​രം ക​ണ്ടും അ​റി​ഞ്ഞും സം​സാ​രി​ച്ചു​മു​ള്ള ജീ​വി​തം. അ​ച്ഛ​ന്‍റെ കൈ​പി​ടി​ക്കാ​നും വെ​ളി​ച്ച​മാ​കാ​നും മ​ത്സ​രി​ക്കു​ന്ന മ​ക്ക​ൾ. അ​മ്മ​യ്ക്ക് വെ​ള്ളം കോ​രി​യും വി​റ​കെ​ടു​ത്തു​കൊ​ടു​ത്തും സ​ഹാ​യി​ക്കാ​ൻ ഓ​ടി​യെ​ത്തു​ന്ന മ​ക്ക​ൾ.

പ​രി​മി​തി​ക​ളെ​യും ഇ​ല്ലാ​യ്മ​ക​ളെ​യും നേ​രി​ട്ട് ജീ​വി​തം മെ​ന​യാ​ൻ അ​ത്യ​ധ്വാ​നം ചെ​യ്യു​ന്ന ഈ ​കു​ടും​ബ​ത്തി​ന്‍റെ പ്ര​യാ​ണം ഏ​വ​ർ​ക്കും പാ​ഠ​മാ​വേ​ണ്ട​താ​ണ്. പ​രി​മി​തി​ക​ളെ എ​ക്കാ​ല​ത്തും നി​ശ്ച​യ​ദാ​ർ​ഢ്യ​ത്തോ​ടെ നേ​രി​ട​ണം. ദൈ​വാ​ശ്ര​യ​ത്വ​വും ക​ഠി​നാ​ധ്വാ​ന​വും ബ​ല​മാ​ക്കി ജീ​വി​ത​മ​ത്സ​ര​ത്തെ നേ​രി​ടു​ന്ന ഇ​വ​രോ​രു​ത്ത​രും വ​ലി​യ സ​ന്ദേ​ശ​മാ​ണ് പ​ക​രു​ന്ന​ത്.

പി.​യു. തോ​മ​സ്, ന​വ​ജീ​വ​ൻ