ബ്രി​ട്ടീ​ഷു​കാ​ർ കി​ഴ​ക്കി​ന്‍റെ ട്രോ​യ് എ​ന്നും ഛത്ര​പ​തി ശി​വ​ജി ഇ​ന്ത്യ​യി​ലെ ഏ​റ്റ​വും അ​ജ​യ്യ​മാ​യ കോ​ട്ട​യെ​ന്നും വി​ശേ​ഷി​പ്പി​ച്ച ജി​ഞ്ചി ഫോ​ർ​ട്ട്. സെ​ഞ്ചി​യെ​ന്നും വി​ളി​ക്ക​പ്പെ​ടു​ന്ന കോ​ട്ട ച​രി​ത്ര​ത്തി​ലേ​ക്കു ജാ​ല​ക​ങ്ങ​ൾ തു​റ​ന്നി​ടു​ന്നു. ത​മി​ഴ്നാ​ട്ടി​ൽ അ​വ​ശേ​ഷി​ക്കു​ന്ന ചു​രു​ക്കം കോ​ട്ട​ക​ളി​ലൊ​ന്നാ​യ ജി​ഞ്ചി​യു​ടെ വി​ശേ​ഷ​ങ്ങ​ളി​ലേ​ക്ക്...

കാ​ട്പാ​ടി​യി​ൽ ട്രെ​യി​നി​റ​ങ്ങി രാ​വി​ലെ പ​ത്തോ​ടെ വെ​ല്ലൂ​ർ ബ​സ് സ്റ്റാ​ൻ​ഡി​ലെ​ത്തു​ന്പോ​ൾ ജി​ഞ്ചി ബ​സ് പു​റ​പ്പെ​ടാ​ൻ ത​യാ​റാ​യി നി​ൽ​ക്കു​ന്നു.

ബ​സി​ൽ ചാ​ടി​ക്ക​യ​റി, ര​ണ്ടു മ​ണി​ക്കൂ​ർ നീ​ണ്ട യാ​ത്ര. വി​ശാ​ല​മാ​യ മ​ല​നി​ര​ക​ൾ ജി​ഞ്ചി​യെ​ത്തി​യെ​ന്ന​റി​യി​ച്ചു. ര​ണ്ടു കി​ലോ​മീ​റ്റ​ർ ദൂ​രം​കൂ​ടി ഓ​ട്ടോ​റി​ക്ഷ​യി​ൽ പോ​യാ​ൽ രാ​ജ​ഗി​രി​യാ​യി- കോ​ട്ട​ക​ളി​ൽ ആ​ദ്യ​ത്തേ​ത്. ടി​ക്ക​റ്റെ​ടു​ത്ത് കോ​ട്ട​യി​ലേ​ക്ക്. ആ​ൽ​മ​ര​ങ്ങ​ൾ ത​ണ​ലി​ടു​ന്ന മു​റ്റം.

ജി​ഞ്ചി കോ​ട്ട​യു​ടെ ച​രി​ത്രം

മൂ​ന്നു കു​ന്നു​ക​ളി​ലാ​യി വ്യാ​പി​ച്ചു കി​ട​ക്കു​ന്ന കൂ​റ്റ​ൻ കോ​ട്ട​സ​മു​ച്ച​യം. 1190-ൽ ​കോ​നാ​ർ രാ​ജ​വം​ശ​ത്തി​ലെ ആ​ന​ന്ദ​കോ​ൻ നി​ർ​മി​ച്ച രാ​ജ​ഗി​രി കോ​ട്ട പ​തി​മൂ​ന്നാം നൂ​റ്റാ​ണ്ട ിലും ​പ​തി​നാ​ലാം നൂ​റ്റാ​ണ്ടി​ലും വ​ലു​താ​ക്കി.

പ​തി​നാ​റാം നൂ​റ്റാ​ണ്ടി​ൽ ക​ല്യാ​ണ​മ​ഹ​ലും ഇ​സ്ലാ​മി​ക രീ​തി​യി​ലു​ള​ള പ​ല നി​ർ​മി​തി​ക​ളും പ​ണി​ക​ഴി​പ്പി​ച്ചു. പി​ന്നീ​ട് കൃ​ഷ്ണ​ഗി​രി കോ​ട്ട​യും ച​ന്ദ്ര​യാ​ൻ ദു​ർ​ഗും പ​ണി​ത് കോ​ട്ട​സ​മു​ച്ച​യം പൂ​ർ​ത്തി​യാ​ക്കി.

ത​ന്ത്ര​പ​ര​മാ​യ സ്ഥാ​നം കാ​ര​ണം കോ​ട്ട നി​യ​ന്ത്ര​ണ​ത്തി​ലാ​ക്കു​ന്ന​തി​ന് ഭ​ര​ണാ​ധി​കാ​രി​ക​ൾ ത​മ്മി​ൽ ഒ​ട്ടേ​റെ പോ​രാ​ട്ട​ങ്ങ​ൾ ന​ട​ന്നു. ഇ​ന്ത്യ​ൻ ച​രി​ത്ര​ത്തി​ലെ ഇ​തി​ഹാ​സ​യു​ദ്ധ​ങ്ങ​ൾ​ക്കും ഉ​പ​രോ​ധ​ങ്ങ​ൾ​ക്കും സാ​ക്ഷ്യം​വ​ഹി​ച്ച കോ​ട്ട​യു​ടെ ആ​ധി​പ​ത്യം മാ​റി​ക്കൊ​ണ്ടേ​യി​രു​ന്നു.

കോ​നാ​ർ, വി​ജ​യ​ന​ഗ​ര സാ​മ്രാ​ജ്യം, ജി​ഞ്ചീ നാ​യ​ക്മാ​ർ, ബി​ജാ​പു​ർ സു​ൽ​ത്താ​ൻ, മ​റാ​ത്ത സാ​മ്രാ​ജ്യം, മു​ഗ​ള​ർ, ഫ്ര​ഞ്ച്, ബ്രി​ട്ടീ​ഷ് ഭ​ര​ണാ​ധി​കാ​രി​ക​ൾ​വ​രെ സാ​മ്രാ​ജ്യ​ങ്ങ​ളു​ടെ ഉ​യ​ർ​ച്ച​യ്ക്കും പ​ത​ന​ത്തി​നും സാ​ക്ഷ്യം വ​ഹി​ച്ച കോ​ട്ട. പ​ല​രും ജി​ഞ്ചി കോ​ട്ട അ​വ​രു​ടെ ഭ​ര​ണ​നി​ർ​വ​ഹ​ണ​ത്തി​ന്‍റെ പ്ര​ധാ​ന കേ​ന്ദ്ര​മാ​ക്കി.

എ​ട്ടു​വ​ർ​ഷ​ത്തെ ഉ​പ​രോ​ധം കൊ​ണ്ടാ​ണ് ശി​വ​ജി കോ​ട്ട പി​ടി​ച്ചെ​ടു​ത്ത​തെ​ന്ന​ത് കോ​ട്ട​യു​ടെ അ​ജ​യ്യ​ത വി​ളം​ബ​രം​ചെ​യ്യു​ന്നു. കു​ന്നു​ക​ളി​ൽ സ്ഥാ​പി​ത​മാ​യ രാ​ജ​ഗി​രി കോ​ട്ട, കൃ​ഷ്ണ​ഗി​രി കോ​ട്ട, ച​ന്ദ്ര​യാ​ൻ ദു​ർ​ഗ് എ​ന്നി​വ മ​തി​ലു​ക​ളും കി​ട​ങ്ങു​ക​ളും കൊ​ണ്ടാ​ണ് ബ​ന്ധി​പ്പി​ച്ചി​രി​ക്കു​ന്ന​ത്.

കോ​ട്ട ഭി​ത്തി​ക​ൾ​ക്ക് പ​തി​മൂ​ന്നു കി​ലോ മീ​റ്റ​ർ നീ​ള​വും 25 അ​ടി വ​രെ ഉ​യ​ര​വു​മു​ണ്ട്. വീ​തി​യു​ള്ള കി​ട​ങ്ങു​ക​ളും ക​രി​ങ്ക​ൽ പാ​റ​ക​ളി​ൽ ഉ​റ​പ്പി​ച്ച ക​ൽ​ച്ചു​വ​രു​ക​ളും കാ​ണാം. 11 ച​തു​ര​ശ്ര കി​ലോ​മീ​റ്റ​ർ വി​സ്തൃ​തി​യു​ള്ള സ​മു​ച്ച​യ​ത്തി​ന് ഏ​ഴു ക​വാ​ട​ങ്ങ​ളു​ണ്ട്.

രാ​ജ​ഗി​രി കോ​ട്ട​യി​ലെ കാ​ഴ്ച​ക​ൾ

ഏ​റ്റ​വും പ​ഴ​ക്ക​മേ​റി​യ​തും പ്ര​ധാ​ന​പ്പെ​ട്ട​തു​മാ​യ കോ​ട്ട​യാ​ണ് രാ​ജ​ഗി​രി. 800 അ​ടി ഉ​യ​രം. ക​ല്യാ​ണ​മ​ഹ​ലും ജ​യി​ല​റ​ക​ളും ഗ്രാ​ന​റി​യും ക​ണ്ട​ശേ​ഷം കോ​ട്ട ക​യ​റാം.

കു​ത്ത​നെ​യു​ള്ള ചെ​രി​വു​ക​ളും ഇ​ടു​ങ്ങി​യ പ​ടി​ക​ളും പാ​റ​ക​ളി​ൽ കൊ​ത്തി​യ ക​ൽ​പ്പ​ട​വു​ക​ളും ക​യ​റ്റം പ്ര​യാ​സ​ക​ര​മാ ക്കു​ന്നു. കു​ത്ത​നെ​യു​ള്ള വ​ഴി​ക​ളി​ലൂ​ടെ, ഇ​ട​നാ​ഴി​ക​ളി​ലൂ​ടെ ക​യ​റി​യി​റ​ങ്ങി, അ​ല​ഞ്ഞു​തി​രി​ഞ്ഞ് ച​രി​ത്ര​വും വാ​സ്തു​വി​ദ്യ​യും ക​ണ്ട​റി​യാം.

കോ​ട്ട​യി​ൽ ക്ഷേ​ത്ര​ങ്ങ​ൾ, ക​ള​പ്പു​ര​ക​ൾ, ദ​ർ​ബാ​ർ ഹാ​ളു​ക​ൾ, മ​ണ്ഡ​പ​ങ്ങ​ൾ, ക​വാ​ട​ങ്ങ​ൾ, ജ​ല​സം​ഭ​ര​ണി​ക​ൾ... കാ​ഴ്ച​ക​ൾ അ​വ​സാ​നി​ക്കു​ന്നി​ല്ല. പ്ര​ധാ​ന​പാ​ത​യ്ക്ക് അ​പ്പു​റ​മു​ള്ള കൃ​ഷ്ണ​ഗി​രി കോ​ട്ട 700 അ​ടി ഉ​യ​ര​ത്തി​ലാ​ണ്. ഇ​ത്ത​വ​ണ ക​യ​റി കാ​ണാ​നാ​യി​ല്ല. കൃ​ഷ്ണ​ഗി​രി കോ​ട്ട​യി​ലും മ​നോ​ഹ​ര നി​ർ​മി​തി​ക​ളു​ണ്ട്.

ച​ന്ദ്ര​യാ​ൻ ദു​ർ​ഗ് ഏ​ക​ദേ​ശം 600 അ​ടി ഉ​യ​ര​മു​ള്ള കോ​ട്ട​യാ​ണ്. ഒ​റ്റ​പ്പെ​ട്ട​തും എ​ത്തി​ച്ചേ​രാ​ൻ പ​റ്റാ​ത്ത​തു​മാ​യ ഭാ​ഗം.​പൈ​തൃ​ക​വും സാ​ഹ​സി​ക​ത​യും ഇ​ഷ്ട​പ്പെ​ടു​ന്ന​വ​രെ ജി​ഞ്ചി കോ​ട്ട കാ​ത്തി​രി​ക്കു​ന്നു. രാ​ജ​ഗി​രി​യും കൃ​ഷ്ണ​ഗി​രി​യും ച​രി​ത്ര​സ്മാ​ര​കം മാ​ത്ര​മ​ല്ല, വാ​സ്തു​വി​ദ്യ​യു​ടേ​യും എ​ഞ്ചി​നീ​യ​റിം​ഗി​ന്‍റെ​യും അ​ത്ഭു​തം​കൂ​ടി​യാ​ണ്.

സെ​ഞ്ചി​യ​മ്മ​ൻ ക്ഷേ​ത്ര​ത്തി​ൽ​നി​ന്നാ​ണ് ത​മി​ഴി​ൽ ജി​ഞ്ചി അ​ല്ലെ​ങ്കി​ൽ സെ​ഞ്ചി എ​ന്ന പേ​ര് കോ​ട്ട​സ​മു​ച്ച​യ​ത്തി​നു ല​ഭി​ച്ച​ത്. പോ​ണ്ടി​ച്ചേ​രി യാ​ത്ര​പോ​കു​ന്ന​വ​ർ​ക്ക് ജി​ഞ്ചി കോ​ട്ട​യും ഉ​ൾ​പ്പെ​ടു​ത്താം. പോ​ണ്ടി​ച്ചേ​രി​യി​ൽ​നി​ന്ന് 70 കി​ലോ​മീ​റ്റ​റാ​ണ് ദൂ​രം. തി​ണ്ടി​വ​ന​മാ​ണ് അ​ടു​ത്തു​ള്ള റെ​യി​ൽ​വേ സ്റ്റേ​ഷ​ൻ. 30 കി​ലോ​മീ​റ്റ​ർ അ​ക​ലെ.