ബു​ദ്ധ് ഇ​ന്‍റ​ർ​നാ​ഷ​ണ​ൽ സ​ർ​ക്യൂ​ട്ട്... ഇ​ന്ത്യ​യി​ൽ ഫോ​ർ​മു​ല വ​ൺ കാ​ർ റേ​സി​നാ​യി 2000 കോ​ടി​യി​ലേ​റെ രൂ​പ മു​ട​ക്കി നോ​യ്‌​ഡ​യി​ൽ അ​ണി​യി​ച്ചൊ​രു​ക്കി​യ റേ​സിം​ഗ് ട്രാ​ക്ക്. മൈ​ക്കി​ൾ ഷൂ​മാ​ക്ക​ർ അ​ട​ക്കം കാ​ർ റേ​സിം​ഗ് ലോ​ക​ത്തെ അ​തി​കാ​യ​ന്മാ​ർ അ​ണി​നി​ര​ന്ന ആ​ദ്യ മ​ത്സ​രം. സെ​ലി​ബ്രി​റ്റി​ക​ൾ അ​ട​ക്കം കാ​ണി​ക​ൾ. പ​ക്ഷേ, ആ​ദ്യ​ത്തെ മൂ​ന്നു വ​ർ​ഷം മ​ത്സ​ര​ങ്ങ​ൾ ന​ട​ന്നു! പി​ന്നെ, ഒ​ന്ന​ര പ​തി​റ്റാ​ണ്ടാ​യി ബു​ദ്ധ് സ​ർ​ക്യൂ​ട്ട് കാ​ത്തി​രി​ക്കു​ന്നു, മ​റ്റൊ​രു ആ​ഗോ​ള മ​ത്സ​ര​ത്തി​ന്‍റെ ച​ക്ര​മു​രു​ളാ​ൻ...


2011 ഒ​ക്ടോ​ബ​ർ 30. ജ​ർ​മ​ൻ ഇ​തി​ഹാ​സ ആ​ർ​ക്കി​ടെ​ക്ടാ​യ ഹെ​ർ​മ​ൻ ടി​ൽ​കെ രൂ​പ​ക​ല്പ​ന ചെ​യ്ത ഫ്ലി​പ്പ​ർ ഷൂ ​മാ​തൃ​ക​യി​ലു​ള്ള റേ​സിം​ഗ് ട്രാ​ക്കി​ൽ ഒ​രു ഫോ​ർ​മു​ല വ​ൺ വേ​ഗ​പോ​രാ​ട്ടം. ട്രാ​ക്കി​ൽ ഇ​തി​ഹാ​സ​ങ്ങ​ൾ നേ​ർ​ക്കു​നേ​ർ. മെ​ഴ്സി​ഡ​സി​നു വേ​ണ്ടി മൈ​ക്കി​ൾ ഷൂ​മാ​ക്ക​ർ, റെ​ഡ് ബു​ള്ളി​നു വേ​ണ്ടി സെ​ബാ​സ്റ്റ്യ​ൻ വെ​റ്റ​ൽ, മ​ക്ലാ​ര​നു വേ​ണ്ടി ലൂ​യി ഹാ​മി​ൽ​ട്ട​ൺ, ഫെ​റാ​രി​ക്കു വേ​ണ്ടി ഫെ​ർ​ണാ​ണ്ടോ അ​ലോ​ൺ​സോ.

ആ ​വേ​ഗ​പ്പോ​രി​ലേ​ക്ക് നെ​ഞ്ചി​ടി​പ്പോ​ടെ ക​ണ്ണും​ന​ട്ട് ഇ​ന്ത്യ​ൻ മാ​ധ്യ​മ​ങ്ങ​ളും കാ​റോ​ട്ട​പ്രേ​മി​ക​ളും. ര​ണ്ട​ര മ​ണി​ക്കൂ​റി​നും 60 ലാ​പ്പു​ക​ൾ​ക്കു​മൊ​ടു​വി​ൽ എ​ഫ് വ​ണ്ണി​ന്‍റെ ചെ​ക്കേ​ർ​ഡ് ഫ്ലാ​ഗ് ക​ട​ന്ന് റെ​ഡ് ബു​ള്ളി​ന്‍റെ സെ​ബാ​സ്റ്റ്യ​ൻ വെ​റ്റ​ൽ പു​തി​യ ച​രി​ത്ര​മെ​ഴു​തി.

വെ​റ്റ​ലി​ന് ആ ​വി​ജ​യം പു​തു​മ​യാ​യി​രു​ന്നി​ല്ലെ​ങ്കി​ലും ഇ​ന്ത്യ​ൻ ജ​ന​ത​യ്ക്ക് അ​തൊ​രു സ്വ​പ്ന സാ​ഫ​ല്യ​മാ​യി​രു​ന്നു. ഇ​ന്ത്യ​ൻ ദി​ന​പ​ത്ര​ങ്ങ​ളു​ടെ പ്ര​ധാ​ന ത​ല​ക്കെ​ട്ടി​ലേ​ക്കാ​ണ് ചു​വ​ന്ന കാ​ള​യെ​യും പ​തി​പ്പി​ച്ചു​ള്ള റെ​ഡ് ബു​ൾ അ​ദ്ദേ​ഹം ഓ​ടി​ച്ചു ക​യ​റ്റി​യ​ത്.

പ​ണ​ത്തി​ള​ക്ക​ത്തി​ന്‍റെ എ​ഫ് വ​ൺ പോ​രാ​ട്ടം മ​ധ്യ​വ​ർ​ഗ രാ​ജ്യ​ത്തി​ലേ​ക്കു വി​രു​ന്നെ​ത്തി എ​ന്ന​തു നി​സാ​ര കാ​ര്യ​മാ​യി​രു​ന്നി​ല്ല.​ഇ​തി​ഹാ​സ താ​ര​ങ്ങ​ൾ ദ​ക്ഷി​ണേ​ഷ്യ​യി​ലേ​ക്ക് ആ​ദ്യ​മാ​യി റേ​സിം​ഗ് കാ​റു​ക​ൾ പ​റ​ത്തി​യ​പ്പോ​ൾ അ​തു ഇ​ന്ത്യ​ൻ മ​ണ്ണി​ലാ​യി​രു​ന്നു എ​ന്ന​ത് അ​ഭി​മാ​ന​നി​മി​ഷ​ങ്ങ​ൾ സ​മ്മാ​നി​ച്ചു.

1950ൽ ​ആ​രം​ഭി​ച്ച ഫോ​ർ​മു​ല വ​ണ്ണി​ന്‍റെ റേ​സിം​ഗ് ക​ല​ണ്ട​റി​ൽ 2011ൽ ​അ​ങ്ങ​നെ ഇ​ന്ത്യ​യും ഇ​ടം പി​ടി​ച്ചു. ഇ​തി​നു വ​ഴി​യൊ​രു​ക്കി​യ​ത് ഉ​ത്ത​ർ​പ്ര​ദേ​ശി​ലെ ഗ്രേ​റ്റ​ർ നോ​യി​ഡ​യി​ലു​ള്ള ബു​ദ്ധ് ഇ​ന്‍റ​ർ​നാ​ഷ​ണ​ൽ സ​ർ​ക്യൂ​ട്ട് എ​ന്ന റേ​സിം​ഗ് ട്രാ​ക്ക്.

61 വ​ർ​ഷ​ത്തെ കാ​ത്തി​രി​പ്പ്

ഫോ​ർ​മു​ല വ​ൺ ദൂ​ര​ദ​ർ​ശ​നി​ൽ സം​പ്രേ​ഷ​ണം ചെ​യ്ത​പ്പോ​ൾ ആ​റു കോ​ടി മു​ത​ൽ ഏ​ഴു കോ​ടി വ​രെ കാ​ഴ്ച​ക്കാ​രു​ണ്ടാ​യി​രു​ന്നെ​ന്നാ​ണ് ഫെ​ഡ​റേ​ഷ​ൻ ഓ​ഫ് മോ​ട്ടോ​ർ സ്പോ​ർ​ട്സ് ക്ല​ബ് ഓ​ഫ് ഇ​ന്ത്യ പ്ര​സി​ഡ​ന്‍റും മു​ൻ ഇ​ന്ത്യ​ൻ റേ​സിം​ഗ് ‍ഡ്രൈ​വ​റു​മാ​യ വി​ക്കി ഛന്ദോ​ക് 2003ൽ ​ഒ​രു അ​ഭി​മു​ഖ​ത്തി​ൽ പ​റ​ഞ്ഞ​ത്.

ഇ​ന്ത്യ​യി​ൽ വി​നോ​ദ​ത്തി​ന്‍റെ സാ​ധ്യ​ത​ക​ൾ തി​രി​ച്ച​റി​ഞ്ഞ് ഫോ​ർ​മു​ല വ​ൺ ഇ​ന്ത്യ​യി​ലേ​ക്കു കൊ​ണ്ടു​വ​രാ​ൻ ക​ഴി​ഞ്ഞ നൂ​റ്റാ​ണ്ടി​ന്‍റെ ആ​ദ്യം മു​ത​ൽ ശ്ര​മ​ങ്ങ​ൾ തു​ട​ങ്ങി​യി​രു​ന്നു. ട്രാ​ക്ക് ഒ​രു​ക്ക​ൽ ആ​യി​രു​ന്നു വെ​ല്ലു​വി​ളി. 1996-97ൽ ​ആ​ദ്യം കോ​ൽ​ക്ക​ത്ത​യും ര​ണ്ടാ​യി​ര​ത്തി​ന്‍റെ തു​ട​ക്ക​ത്തി​ൽ ആ​ന്ധ്ര, ക​ർ​ണാ​ട​ക എ​ന്നി​വ​യു​മൊ​ക്കെ ട്രാ​ക്കി​ന് പ​രി​ഗ​ണ​ന​യി​ൽ എ​ത്തി.

എ​ഫ് വ​ൺ പ്ര​തി​നി​ധി​ക​ൾ ബെ​ഗ​ളൂ​രു​വി​ലെ ര​ണ്ട് സൈ​റ്റു​ക​ൾ പോ​യി ക​ണ്ടു.​ഇ​ന്ത്യ​യി​ൽ നി​ല​വി​ലെ ര​ണ്ടു റേ​സ് ട്രാ​ക്കു​ക​ളും ത​മി​ഴ്നാ​ട്ടി​ലാ​യി​രു​ന്നു. ഒ​ന്ന് കോ​യ​മ്പ​ത്തൂ​രി​ലും ഒ​ന്ന് ചെ​ന്നൈ​യി​ലും. അ​ത് എ​ഫ്‌​വ​ണി​നു പ​റ്റു​മാ​യി​രു​ന്നി​ല്ല.

ഒ​ടു​വി​ൽ 2007ൽ ​ന​റു​ക്കു വീ​ണ​ത് യു​പി​യി​ലെ ഗ്രേ​റ്റ​ർ നോ​യി​ഡ സെ​ക്ട​ർ 75ലു​ള്ള ബു​ദ്ധ് ഇ​ന്‍റ​ർ​നാ​ഷ​ണ​ൽ സ​ർ​ക്യൂ​ട്ടി​ന്. ന്യൂ​ഡ​ൽ​ഹി​യി​ൽ​നി​ന്ന് 54 കി​ലോ​മീ​റ്റ​ർ മാ​ത്രം അ​ക​ലം എ​ന്ന​താ​യി​രു​ന്നു പ്ര​ധാ​ന ആ​ക​ർ​ഷ​ണം. വി​ഖ്യാ​ത ജ​ർ​മ​ൻ ആ​ർ​ക്കി​ടെ​ക്ട് ഹെ​ർ​മ​ൻ ടി​ൽ​ക്കെ​യാ​യി​രു​ന്നു സ​ർ​ക്യൂ​ട്ട് ഒ​രു​ക്കി​യ​ത്. ചെ​ല​വ് ര​ണ്ടാ​യി​രം കോ​ടി​യി​ലേ​റെ.

875 ഏ​ക്ക​റി​ൽ

2009ന്‍റെ അ​വ​സാ​ന​ത്തോ​ടെ ഗൗ​തം ബു​ദ്ധ് ന​ഗ​റി​ലു​ള്ള ജ​യ്പീ ഗ്രീ​ൻ​സ് സ്പോ​ർ​ട്സ് സി​റ്റി​യു​ടെ ത​രി​ശു​ഭൂ​മി​യി​ൽ സ​ർ​ക്യൂ​ട്ട് നി​ർ​മാ​ണം തു​ട​ങ്ങി. കാ​റു​ക​ളു​ടെ ഓ​വ​ർ ടേ​ക്കിം​ഗ് സാ​ധ്യ​ത കൂ​ട്ടാ​ൻ നി​ര​വ​ധി സ്ലോ ​കോ​ർ​ണ​റു​ക​ൾ ഉ​ൾ​ക്കൊ​ള്ളി​ച്ചാ​യി​രു​ന്നു ഡി​സൈ​ൻ. 875 ഏ​ക്ക​റു​ക​ളി​ലാ​യി 5.125 കി​ലോ​മീ​റ്റ​ർ നീ​ള​മു​ള്ള ട്രാ​ക്ക്.

2010ൽ ​നോ​യി​ഡ ഇ​ന്ത്യ​യി​ലെ ആ​ദ്യ എ​ഫ് വ​ൺ ന​ഗ​ര​മാ​കാ​നു​ള്ള എ​ല്ലാ സ​ജ്ജീ​ക​ര​ണ​ങ്ങ​ളും പൂ​ർ​ത്തി​യാ​ക്കി​യെ​ങ്കി​ലും എ​ഫ് വ​ൺ വാ​ണി​ജ്യ ഡ​യ​റ​ക്ട​ർ ബേ​ർ​ണി എ​ക്കി​ൾ​സ്റ്റോ​ൺ ഒ​രു വ​ർ​ഷം​കൂ​ടി കാ​ത്തി​രി​ക്കാ​ൻ ഇ​ന്ത്യ​യോ​ടു പ​റ​ഞ്ഞു. ഡ്രൈ​വ​ർ​മാ​ർ​ക്കു വെ​ല്ലു​വി​ളി​യാ​കു​ന്ന ചി​ല കാ​ര്യ​ങ്ങ​ൾ​കൂ​ടി കൂ​ട്ടി​ചേ​ർ​ക്കാ​നും നി​ർ​ദേ​ശി​ച്ചു. ഒ​ടു​വി​ൽ 2011 ഒ​ക്ടോ​ബ​ർ 30ന് ​ആ​ദ്യ എ​ഫ്‌​വ​ൺ റേ​സി​നു ക​ള​മൊ​രു​ങ്ങി.

മൂ​ന്നു സെ​ക്ട​റു​ക​ളും 16 ടേ​ണു​ക​ളും നാ​ലു സ്ലോ ​ടേ​ണു​ക​ളും മൂ​ന്നു ഹൈ ​സ്പീ​ഡ് സ്ട്ര​ക്ച്ച​റു​ക​ളു​മാ​യി 60 ലാ​പ്പു​ക​ളാ​യി​രു​ന്നു ഇ​ന്ത്യ​ൻ ഗ്രാ​ൻ പ്രീ​ക്ക്. 308 കി​ലോ​മീ​റ്റ​ർ റേ​സിം​ഗ് ദൂ​രം. ട്രാ​ക്ക് ക​ണ്ടി​ട്ട് ക​ടു​ത്ത പോ​രാ​ട്ടം പ്ര​തീ​ക്ഷി​ക്കാം എ​ന്നാ​യി​രു​ന്നു റെ​ഡ് ബു​ള്ളി​ന്‍റെ ഡ്രൈ​വ​ർ മാ​ർ​ക്ക് വെ​ബ്ബ​ർ പ​റ​ഞ്ഞ​ത്.

തീ​പാ​റി​യ ദി​നം

2011 എ​യ​ർ​ടെ​ൽ ഇ​ന്ത്യ​ൻ ഗ്രാ​ൻ പ്രീ ​എ​ന്നാ​ണ് ബു​ദ്ധ് ഇ​ന്‍റ​ർ​നാ​ഷ​ണ​ൽ സ​ർ​ക്യൂ​ട്ടി​ലെ മ​ത്സ​രം അ​റി​യ​പ്പെ​ട്ട​ത്. 2011 എ​ഫ് വ​ൺ ക​ല​ണ്ട​റി​ലെ പ​തി​നേ​ഴാ​മ​ത് റേ​സ്.

റെ​ഡ് ബു​ള്ളി​നോ​ടൊ​പ്പം ഫോ​ർ​മു​ല വ​ണ്ണി​ലെ പ​ര​മ്പ​രാ​ഗ​ത രാ​ജാ​ക്ക​ന്മാ​രാ​യ മ​ക്ലാ​ര​ൻ, ഫെ​റാ​റി, മെ​ഴ്സി​ഡ​സ്, വി​ല്യം​സ് ടീ​മു​ക​ളും അ​ദ്ഭു​ത​ങ്ങ​ൾ സൃ​ഷ്ടി​ക്കാ​ൻ കെ​ൽ​പ്പു​ള്ള ലോ​ട്ട​സ് റെ​നോ, ഫോ​ഴ്സ് ഇ​ന്ത്യ, എ​ച്ച്ആ​ർ​ടി തു​ട​ങ്ങി​യ ടീ​മു​ക​ളു​മാ​ണ് അ​ങ്ക​ത്തി​നി​റ​ങ്ങി​യ ആ​ദ്യ ടീ​മു​ക​ൾ.

ഇ​ന്ത്യ​ൻ ഉ​പ​ഭൂ​ഖ​ണ്ഡ​ത്തി​ലെ ആ​ദ്യ എ​ഫ് വ​ൺ റേ​സി​ന് ആ​വേ​ശം പ​ക​രാ​ൻ ഹോ​ളി​വു​ഡ്, ബോ​ളി​വു​ഡ് താ​ര​ങ്ങ​ളും ക്രി​ക്ക​റ്റ്, ടെ​ന്നീ​സ് താ​ര​ങ്ങ​ളു​മൊ​ക്കെ ഒ​ഴു​കി​യെ​ത്തി.

മ​ക്ലാ​ര​ൻ ടീ​മി​ന്‍റെ പ്ര​ത്യേ​ക അ​തി​ഥി​യാ​യി റൊ​വാ​ൻ ആ​റ്റ്കി​ൻ​സ​ൺ എ​ന്ന മി​സ്റ്റ​ർ ബീ​ൻ നോ​യി​ഡ​യി​ലെ​ത്തി. ബോ​ളി​വു​ഡി​ൽ​നി​ന്ന് ഷാ​രൂ​ഖ് ഖാ​ൻ, ദീ​പി​ക പ​ദു​ക്കോ​ൺ, പ്രീ​തി സി​ന്‍റ എ​ന്നി​വ​രും. വി​രേ​ന്ദ​ർ സേ​വാ​ഗും ഹ​ർ​ഭ​ജ​ൻ സിം​ഗും സാ​നി​യ മി​ർ​സ​യും മെ​യി​ൻ ഗ്രാ​ൻ​ഡ് സ്റ്റാ​ന്‍റി​ലെ​ത്തി.

ക​റു​പ്പും വെ​ള്ള​യും നി​റ​മു​ള്ള ചേ​ക്കേ​ർ​ഡ് ഫ്ലാ​ഗ് വീ​ശാ​നു​ള്ള നി​യോ​ഗം ക്രി​ക്ക​റ്റ് ഇ​തി​ഹാ​സ​വും റേ​സിം​ഗ് ആ​രാ​ധ​ക​നു​മാ​യ സ​ച്ചി​ൻ തെ​ണ്ടു​ൽ​ക്ക​റി​നാ​യി​രു​ന്നു. റെ​ഡ് ബു​ള്ളി​നു വേ​ണ്ടി വെ​റ്റ​ലും വെ​ബ്ബ​റും സ്റ്റീ​യ​റിം​ഗി​നു പി​ന്നി​ൽ.

മ​ക്ലാ​ര​നു വേ​ണ്ടി ജെ​ൻ​സ​ൺ ബ​ട്ട​ണും ലൂ​വി ഹാ​മി​ൽ​ട്ട​ണും. ഇ​തി​ഹാ​സ​താ​രം മൈ​ക്കി​ൾ ഷൂ​മാ​ക്ക​ർ മെ​ർ​സി​ഡ​സി​നു വേ​ണ്ടി സ്റ്റീ​യ​റിം​ഗ് വീ​ൽ പി​ടി​ച്ച​പ്പോ​ൾ ട്രാ​ക്കി​ൽ ഒ​രു ഇ​ന്ത്യ​ൻ ഡ്രൈ​വ​റു​മു​ണ്ടാ​യി​രു​ന്നു, എ​ച്ച്ആ​ർ​ടി കോ​സ്‌​വ​ർ​ത്തി​നു വേ​ണ്ടി കോ​യ​മ്പ​ത്തൂ​രു​കാ​ര​ൻ ന​രേ​ൻ കാ​ർ​ത്തി​കേ​യ​ൻ.

ആ​ദ്യ ലാ​പ് മു​ത​ൽ സെ​ബാ​സ്റ്റ്യ​ൻ വെ​റ്റ​ലാ​യി​രു​ന്നു മു​ന്നി​ൽ. അ​വ​സാ​നം വ​രെ​യും കു​തി​പ്പു തു​ട​ർ​ന്ന വെ​റ്റ​ൽ ക​രി​യ​റി​ലെ 21-ാമ​ത് ജ​യ​വും സീ​സ​ണി​ലെ പ​തി​നേ​ഴാ​മ​ത് ജ​യ​വും സ്വ​ന്തം പേ​രി​ൽ കു​റി​ച്ചു.

പോ​ൾ പൊ​സി​ഷ​നി​ൽ​നി​ന്ന് എ​ല്ലാ ലാ​പ്പി​ലും ലീ​ഡ് ചെ​യ്തും റേ​സി​ലെ ഏ​റ്റ​വും വേ​ഗ​മേ​റി​യ ലാ​പ്പി​നു​ള്ള റി​ക്കാ​ർ​ഡും ക​രി​യ​റി​ലെ ആ​ദ്യ ഗ്രാ​ൻ സ്ലാം ​എ​ന്ന ഖ്യാ​തി​യും നേ​ടി​യാ​ണ് വെ​റ്റ​ൽ ഇ​ന്ത്യ​ൻ ഗ്രാ​ൻ പ്രീ ​കി​രീ​ടം ചൂ​ടി​യ​ത്. ജെ​ൻ​സ​ൺ ബ​ട്ട​ൺ ര​ണ്ടാ​മ​തെ​ത്തി​യ​പ്പോ​ൾ ഫെ​ർ​ണാ​ണ്ടോ അ​ലോ​ൺ​സോ പോ​ഡി​യ​ത്തി​ന്‍റെ മൂ​ന്നാം സ്ഥാ​നം സ്വ​ന്ത​മാ​ക്കി. മോ​ശം ഫോം ​ഇ​ന്ത്യ​യി​ലും ആ​വ​ർ​ത്തി​ച്ച ഹാ​മി​ൽ​ട്ട​ണി​ന് ഏ​ഴാം സ്ഥാ​നം.

വെ​ബ്ബ​റും ഷൂ​മാ​ക്ക​റും നാ​ലും അ​ഞ്ചും സ്ഥാ​ന​ത്ത്. മ​റ്റൊ​രു കാ​റു​മാ​യു​ണ്ടാ​യ കൂ​ട്ടി​യി​ടി​യെ​ത്തു​ട​ർ​ന്ന് ഇ​ന്ത്യ​യി​ലെ ആ​ദ്യ എ​ഫ് വ​ൺ ഡ്രൈ​വ​റാ​യ ന​രേ​ൻ കാ​ർ​ത്തി​കേ​യ​നു പ​തി​നേ​ഴാം സ്ഥാ​ന​ത്തെ​ത്താ​നേ ക​ഴി​ഞ്ഞു​ള്ളൂ.
ഒ​രു ല​ക്ഷ​ത്തി​ലേ​റെ പേ​ർ​ക്ക് ഇ​രി​ക്കാ​വു​ന്ന ഗാ​ല​റി സ്റ്റാ​ൻ​ഡ് ഏ​താ​ണ്ട് നി​റ​ഞ്ഞു​ക​വി​ഞ്ഞി​രു​ന്നു.

ഫോ​ർ​മു​ല വ​ണ്ണി​ന് ഇ​ന്ത്യ​യി​ൽ ല​ഭി​ച്ച ഗം​ഭീ​ര സ്വീ​ക​ര​ണം എ​ഫ്‌​വ​ൺ ക​ല​ണ്ട​റി​ലെ ഇ​ന്ത്യ​യു​ടെ സ്ഥി​രാം​ഗ​ത്വം ഉ​റ​പ്പി​ക്കു​മെ​ന്ന് ആ​രാ​ധ​ക​രും അ​ധി​കൃ​ത​രും ഒ​രു പോ​ലെ പ്ര​തീ​ക്ഷി​ച്ചു. 2012ലും 13​ലും ത​ട്ടി​മു​ട്ടി മ​ത്സ​രം ന​ട​ന്നു. എ​ന്നാ​ൽ, പി​ന്നെ സം​ഭ​വി​ച്ച​ത് മ​റ്റൊ​ന്നാ​ണ്.

ബാ​രി​ക്കേ​ഡു​ക​ളു​ടെ പൂ​ട്ട്

ആ​ഘോ​ഷ​മാ​യി ആ​ദ്യ​ത്തെ ഇ​ന്ത്യ​ൻ ഗ്രാ​ൻ​പ്രീ ന​ട​ന്ന ട്രാ​ക്ക് 14 വ​ർ​ഷം ക​ഴി​യു​മ്പോ​ൾ വീ​ണ്ടും ത​രി​ശു​ഭൂ​മി​യാ​യി മാ​റി​യി​രി​ക്കു​ന്നു. ഇ​ന്നു സ​ർ​ക്യൂ​ട്ടി​ലേ​ക്കു​ള്ള റോ​ഡു​ക​ൾ​ക്കു ബാ​രി​ക്കേ​ഡു​ക​ളു​ടെ പൂ​ട്ടു​ണ്ട്.

വ​ല്ല​പ്പോ​ഴും മാ​ത്രം വാ​ഹ​ന​ങ്ങ​ൾ ക​ട​ന്നു​പോ​കു​ന്ന പാ​ത​യ്ക്കി​രു​വ​ശ​വും കാ​ടു​ക​യ​റി. ട്രാ​ക്കി​നു ചു​റ്റു​മു​ള്ള റോ​ഡു​ക​ൾ വി​ജ​നം. ഇ​പ്പോ​ൾ പ​ശു​ക്ക​ളും കു​ര​ങ്ങ​ന്മാ​രും നാ​യ​ക​ളും സ്വൈ​ര​വി​ഹാ​രം ന​ട​ത്തു​ന്നു. എ​ഫ് വ​ൺ ട്രാ​ക്കി​നൊ​പ്പം ക്രി​ക്ക​റ്റ് സ്റ്റേ​ഡി​യ​വും ഹോ​ക്കി സ്റ്റേ​ഡി​യ​വു​മൊ​ക്കെ പ​ണി​തു​യ​ർ​ത്തു​മെ​ന്ന് വാ​ഗ്ദാ​നം ഉ​ണ്ടാ​യി​രു​ന്നെ​ങ്കി​ലും "പ​ണി പു​രോ​ഗ​മി​ക്കു​ന്നു'' എ​ന്ന ബോ​ർ​ഡു​ക​ൾ മാ​ത്രം ബാ​ക്കി.

വി​ഐ​പി​ക​ൾ​ക്കു സ്പോ​ർ​ട്സ് സി​റ്റി​യി​ലേ​ക്ക് അ​തി​വേ​ഗ​മെ​ത്താ​ൻ സ​ജ്ജ​മാ​ക്കി​യി​രു​ന്ന ഹെ​ലി​പാ​ഡി​ലും കോ​പ്റ്റ​റു​ക​ൾ ഇ​റ​ങ്ങി​യി​ട്ട് ഏ​റെ​ക്കാ​ല​മാ​യി. ട്രാ​ക്കി​ന്‍റെ മെ​യി​ൻ ഗ്രാ​ൻ​ഡ് സ്റ്റാ​ൻ​ഡ് ഇ​പ്പോ​ഴും ത​ല​പ്പൊ​ക്ക​ത്തോ​ടെ നി​ൽ​ക്കു​ന്നു​ണ്ടെ​ങ്കി​ലും കാ​റു​ക​ൾ ക​ട​ന്നു​പോ​കു​ന്ന മ​റ്റി​ട​ങ്ങ​ളി​ൽ പ​ണി​തി​ട്ടു​ള്ള ക്ലാ​സി​ക് സ്റ്റാ​ൻ​ഡും സ്റ്റാ​ർ സ്റ്റാ​ൻ​ഡു​മൊ​ക്കെ ആ​ര​വ​ങ്ങ​ളി​ലാ​തെ ഇ​പ്പോ​ൾ വെ​റു​തെ കി​ട​ക്കു​ന്നു.

ഇ​ന്ത്യ​യു​ടെ നീ​ണ്ട കാ​യി​ക​മ​ത്സ​ര​ങ്ങ​ളു​ടെ കൂ​ട്ട​ത്തി​ലേ​ക്ക് ഫോ​ർ​മു​ല വ​ൺ​കൂ​ടി എ​ഴു​തി ചേ​ർ​ക്ക​പ്പെ​ടും എ​ന്ന സ്വ​പ്നം ത​ക​ർ​ത്ത് ഇ​ന്ത്യ​ൻ ഗ്രാ​ൻ പ്രീ ​ഇ​ന്നു മേ​ൽ​വി​ലാ​സ​മി​ല്ലാ​തെ നി​ല​നി​ൽ​ക്കു​ന്നു. 2013ലാ​ണ് അ​വ​സാ​ന​മാ​യി ഒ​രു എ​ഫ് വ​ൺ റേ​സ് ബു​ദ്ധ് ഇ​ന്‍റ​ർ​നാ​ഷ​ണ​ൽ സ​ർ​ക്യൂ​ട്ടി​ൽ അ​ര​ങ്ങേ​റി​യ​ത്. അ​തോ​ടെ എ​ഫ് വ​ൺ ഇ​ന്ത്യ​യോ​ടു വി​ട പ​റ​ഞ്ഞു. ആ​ദ്യ മ​ത്സ​രം ത​രം​ഗ​മാ​യ രാ​ജ്യ​ത്തു മൂ​ന്നാം വ​ർ​ഷം തി​രി​ച്ച​ടി.

കു​രു​ക്കി​ലാ​യ ച​ക്ര​ങ്ങ​ൾ

ഉ​ദ്ഘാ​ട​ന സീ​സ​ണി​ൽ​ത്ത​ന്നെ അ​ല്ല​റ ചി​ല്ല​റ പ്ര​ശ്ന​ങ്ങ​ൾ ത​ല പൊ​ക്കി​യി​രു​ന്നു. ടീ​മു​ക​ൾ ഇ​ന്ത്യ​യി​ൽ അ​ട​യ്ക്കേ​ണ്ട നി​കു​തി സം​ബ​ന്ധി​ച്ച ത​ർ​ക്ക​മാ​യി​രു​ന്നു പ്ര​ധാ​ന വെ​ല്ലു​വി​ളി. റേ​സ് ന​ട​ത്തി​യ 12 ടീ​മു​ക​ളും നി​കു​തി അ​ട​യ്ക്ക​ണ​മെ​ന്ന​താ​യി​രു​ന്നു സ​ർ​ക്കാ​ർ ആ​വ​ശ്യം. എ​ന്നാ​ൽ, രാ​ജ്യ​ത്തെ ഉ​യ​ർ​ന്ന ടാ​ക്സും അ​തി​നു​വേ​ണ്ടി​യു​ള്ള സ​ർ​ക്കാ​ർ ഇ​ട​പെ​ട​ലും എ​ഫ് വ​ൺ ടീ​മു​ക​ൾ​ക്കു ര​സി​ച്ചി​ല്ല.

ഫോ​ർ​മു​ല വ​ണ്ണി​നെ ഒ​രു കാ​യി​ക​മ​ത്സ​ര​മാ​യി ക​ണ​ക്കാ​ക്കാ​ൻ ക​ഴി​യാ​ത്ത​തി​നാ​ൽ പു​റ​ത്തു​നി​ന്നു കാ​റു​ക​ൾ അ​ട​ക്ക​മെ​ത്തി​ക്കു​മ്പോ​ൾ ടീ​മു​ക​ൾ അ​ധി​ക തീ​രു​വ ന​ൽ​ക​ണ​മെ​ന്ന​താ​യി​രു​ന്നു കേ​ന്ദ്ര സ​ർ​ക്കാ​രി​ന്‍റെ നി​ല​പാ​ട്.

എ​ന്നാ​ൽ, പ​ല കോ​ണി​ൽ​നി​ന്നും വി​മ​ർ​ശ​നം ഉ​യ​ർ​ന്ന​തോ​ടെ കോ​മ​ൺ​വെ​ൽ​ത്ത് ഗെ​യിം​സി​നും ക്രി​ക്ക​റ്റ് ലോ​ക​ക​പ്പി​നും ന​ൽ​കി​യി​രു​ന്ന​തു​പോ​ലെ ഫോ​ർ​മു​ല വ​ണ്ണി​നും ക​സ്റ്റം​സ് തീ​രു​വ​യി​ൽ​നി​ന്നും വി​നോ​ദ, ല​ക്ഷ്വ​റി നി​കു​തി​ക​ളി​ൽ​നി​ന്നും ഇ​ള​വ് ന​ൽ​കാ​ൻ സ​ർ​ക്കാ​ർ തീ​രു​മാ​നി​ച്ചു.

എ​ന്നാ​ൽ, ഇ​ത് ഇ​ഷ്ട​പ്പെ​ടാ​തി​രു​ന്ന ആ​രോ പൊ​തു​താ​ത്പ​ര്യ ഹ​ർ​ജി​യു​മാ​യി സു​പ്രീം കോ​ട​തി​യി​ൽ എ​ത്തി. എ​ഫ് വ​ണ്ണി​നെ എ​ന്തു​കൊ​ണ്ട് വി​നോ​ദ​നി​കു​തി​യി​ൽ​നി​ന്ന് ഒ​ഴി​വാ​ക്കി​യെ​ന്നു സു​പ്രീം കോ​ട​തി സ​ർ​ക്കാ​രി​നോ​ടു ചോ​ദി​ച്ച​തോ​ടെ ഇ​ന്ത്യ​ൻ ഗ്രാ​ൻ​പ്രീ​യു​ടെ അ​ന്ത്യം ഏ​താ​ണ്ട് കു​റി​ക്ക​പ്പെ​ട്ടു.

ഉ​യ​ർ​ന്ന ടി​ക്ക​റ്റ് വി​ല​യും നോ​യ്ഡ​യു​ടെ പ്രാ​ന്ത​പ്ര​ദേ​ശ​ത്തു​ള്ള സ്പോ​ർ​ട്സ് സി​റ്റി​യി​ൽ എ​ത്താ​നു​ള്ള ബു​ദ്ധി​മു​ട്ടും രാ​ജ്യ​ത്തെ കാ​റോ​ട്ട​പ്രേ​മി​ക​ളെ​യും ഇ​തി​ന​കം അ​ക​റ്റി​യി​രു​ന്നു. ആ​ദ്യ സീ​സ​ണി​ൽ കി​ട്ടി​യ ആ​ര​വും പി​ന്തു​ണ​യും ടെ​ലി​വി​ഷ​ൻ സം​പ്രേ​ഷ​ണ​ത്തി​നും കി​ട്ടാ​തെ വ​ന്ന​തോ​ടെ 2013ൽ ​ഇ​ന്ത്യ​യി​ലെ എ​ഫ്‌ വ​ൺ റേ​സി​ന് പ​രി​സ​മാ​പ്തി, ഇ​തി​ഹാ​സ​ങ്ങ​ൾ മാ​റ്റു​ര​ച്ച ആ ​ട്രാ​ക്ക് അ​നാ​ഥം.

ഉ​ണ​രാ​തി​രി​ക്കി​ല്ല

അ​വ​സാ​ന എ​ഫ് വ​ൺ മ​ത്സ​രം ന​ട​ന്നു പ​ത്തു വ​ർ​ഷ​ങ്ങ​ൾ‌​ക്കി​പ്പു​റം 2023ൽ ​ഇ​തേ സ​ർ​ക്യൂ​ട്ടി​ൽ മ​റ്റൊ​രു റേ​സിം​ഗ് മ​ത്സ​രം ന​ട​ന്നി​രു​ന്നു. മോ​ട്ടോ​ർ സൈ​ക്കി​ൾ റേ​സി​ന്‍റെ ഏ​റ്റ​വും ഉ​യ​ർ​ന്ന ക്ലാ​സാ​യ എ​ഫ്ഐ​എം മോ​ട്ടോ​ർ സൈ​ക്കി​ൾ ഗ്രാ​ൻ​പ്രീ എ​ന്ന മോ​ട്ടോ ജി​പി.

എ​ന്നാ​ൽ, കാ​ർ റേ​സി​ന്‍റെ വി​ധി ത​ന്നെ​യാ​യി​രു​ന്നു ഇ​തി​നും. ഒ​രൊ​റ്റ സീ​സ​ണി​നു ശേ​ഷം മോ​ട്ടോ​ർ സൈ​ക്കി​ൾ ഗ്രാ​ൻ​പ്രീ​യും ഇ​ന്ത്യ വി​ട്ടു. ഇ​തി​നി​ട​യി​ൽ ഫോ​ർ​മു​ല 2000 ചാം​പ്യ​ൻ​ഷി​പ്പും ഇ​ന്ത്യ​ൻ റേ​സിം​ഗ് ലീ​ഗി​മൊ​ക്കെ സ​ർ​ക്യൂ​ട്ടി​ൽ ന​ട​ന്നെ​ങ്കി​ലും എ​ഫ് വ​ണ്ണി​ന്‍റെ​യും മോ​ട്ടോ​ജി​പി​യു​ടെ​യും പ്രൗ​ഢി അ​തി​നി​ല്ല​ല്ലോ.

എ​ന്നാ​ൽ, പ്ര​തീ​ക്ഷ​ക​ൾ അ​വ​സാ​നി​ച്ചി​ട്ടി​ല്ല. മോ​ട്ടോ​ജി​പി 2026ൽ ​ഇ​ന്ത്യ​യി​ലേ​ക്കു തി​രി​കെ​യെ​ത്തു​മെ​ന്ന ചെ​റി​യ പ്ര​തീ​ക്ഷ റേ​സിം​ഗ് പ്രേ​മി​ക​ൾ​ക്കു​ണ്ട്. എ​ന്നെ​ങ്കി​ലും എ​ഫ് വ​ൺ തി​രി​കെ വ​രു​മെ​ന്നും. കേ​ന്ദ്ര​സ​ർ​ക്കാ​ർ താ​ത്പ​ര്യ​മെ​ടു​ത്ത് ഇ​റ​ങ്ങി​യാ​ൽ ലോ​ക കാ​റോ​ട്ട​ത്തെ തി​രി​കെ കൊ​ണ്ടു​വ​രാ​മെ​ന്നു​മാ​ണ് റേ​സിം​ഗ് പ്രേ​മി​ക​ൾ പ​റ​യു​ന്ന​ത്.

ഇ​തി​ഹാ​സ​താ​ര​ങ്ങ​ൾ ഉ​പേ​ക്ഷി​ച്ചു പോ​യെ​ങ്കി​ലും ക​ടു​ത്ത റേ​സിം​ഗ് ആ​രാ​ധ​ക​രു​ടെ കൂ​ട്ടാ​യ്മ​ക​ളും രാ​ജ്യ​ത്തു​ട​നീ​ള​മു​ള്ള ആ​ഭ്യ​ന്ത​ര റേ​സിം​ഗ് ഡ്രൈ​വ​ർ​മാ​രും ഇ​ട​യ്ക്കി​ടെ എ​ത്തു​ന്ന​താ​ണ് ബു​ദ്ധ് ഇ​ന്‍റ​ർ​നാ​ഷ​ണ​ൽ സ​ർ​ക്യൂ​ട്ടി​ന് ഇ​ട​യ്ക്കെ​ങ്കി​ലും ജീ​വ​ൻ ന​ൽ​കു​ന്ന​ത്. ചി​ല റേ​സിം​ഗ് സം​ഘ​ട​ന​ക​ൾ മു​ൻ​കൈ​യെ​ടു​ത്തു റേ​സിം​ഗ് ടൂ​ർ​ണ​മെ​ന്‍റു​ക​ളും സ​ർ​ക്യൂ​ട്ടി​ൽ സം​ഘ​ടി​പ്പി​ക്കാ​റു​ണ്ട്. നി​ങ്ങ​ളു​ടെ സ്വ​ന്തം കാ​ർ​ത​ന്നെ മ​ത്സ​ര​ത്തി​ലി​റ​ക്കാ​നും ഇ​ത്ത​രം ടൂ​ർ​ണ​മെ​ന്‍റു​ക​ളി​ൽ അ​വ​സ​ര​മു​ണ്ട്.

എ​ൻ​സോ ഫെ​റാ​റി പ​റ​ഞ്ഞ​ത് പോ​ലെ "നി​ങ്ങ​ളു​ടെ പി​ന്നി​ലു​ള്ള​ത് പ്ര​ധാ​ന​മ​ല്ല.'' ഇ​ന്ത്യ​ൻ ഗ്രാ​ൻ​പ്രീ​ക്ക് എ​ന്തു സം​ഭ​വി​ച്ചു എ​ന്ന​തു പ്ര​ധാ​ന​മ​ല്ല. മു​ന്നി​ലെ വെ​ല്ലു​വി​ളി​ക​ളെ ഓ​വ​ർ​ടേ​ക്ക് ചെ​യ്തു ല​ക്ഷ്യ​ത്തി​ലെ​ത്തു​ക എ​ന്ന​താ​ണ് പ്ര​ധാ​നം, ബു​ദ്ധ് ഇ​ന്‍റ​ർ​നാ​ഷ​ണ​ൽ സ​ർ​ക്യൂ​ട്ട് ചെ​റി​യൊ​രു ഉ​റ​ക്ക​ത്തി​ലാ​ണ്. എ​ന്നെ​ങ്കി​ലും എ​ഫ് വ​ണ്ണി​ന്‍റെ ആ​വേ​ശ​ത്തി​ലേ​ക്കു വീ​ണ്ടു​മു​ണ​രാ​ൻ.