ബി​യോ​ണ്‍​സ്, ബി​യോ​ണ്ട് എ​ക്സ​ല​ൻ​സ്
ബി​യോ​ണ്‍​സ്- സം​ഗീ​ത​പ്രേ​മി​ക​ൾ​ക്കു സു​പ​രി​ചി​ത​മാ​യ പേ​ര്. ഏ​റ്റ​വും കൂ​ടു​ത​ൽ ഗ്രാ​മി പു​ര​സ്കാ​രം നേ​ടി​യ വ്യ​ക്തി. റി​നൈ​സ​ൻ​സ് എ​ന്ന ആ​ൽ​ബ​ത്തി​ന് ബെ​സ്റ്റ് ഡാ​ൻ​സ്, ഇ​ല​ക്ട്രോ​ണി​ക് ആ​ൽ​ബം എ​ന്ന വി​ഭാ​ഗ​ത്തി​ൽ പു​ര​സ്കാ​രം നേ​ടി​യ​തോ​ടെ 65-ാം ഗ്രാ​മി പു​ര​സ്കാ​ര​വേ​ദി​യി​ൽ ച​രി​ത്ര​നേ​ട്ടം കൈ​വ​രി​ക്കു​ക​യാ​യി​രു​ന്നു ബി​യോ​ണ്‍​സ്. ര​ണ്ടു പ​തി​റ്റാ​ണ്ടാ​യി ജോ​ർ​ജ് സോ​ൾ​ട്ടി എ​ന്ന ഹം​ഗേ​റി​യ​ൻ- ബ്രി​ട്ടീ​ഷ് ക​ണ്ട​ക്ട​റു​ടെ പേ​രി​ലു​ണ്ടാ​യി​രു​ന്ന 31 ഗ്രാ​മി എ​ന്ന റി​ക്കാ​ർ​ഡ് ബി​യോ​ണ്‍​സ് മ​റി​ക​ട​ന്നു.

സം​ഗീ​ത​രം​ഗ​ത്ത് സ്വ​ന്തം ശ​ബ്ദം ഉ​ച്ച​ത്തി​ൽ കേ​ൾ​പ്പി​ക്കാ​ൻ ക​ഠി​ന​പ​രി​ശ്ര​മം ന​ട​ത്തി​യാ​ണ് ബി​യോ​ണ്‍​സ് ഉ​യ​ർ​ന്നു​വ​ന്ന​ത്. തൊ​ട്ട​തെ​ല്ലാം പൊ​ന്നാ​ക്കു​ക എ​ന്ന ചൊ​ല്ല് ജീ​വി​ത​ത്തി​ൽ യാ​ഥാ​ർ​ഥ്യ​മാ​കു​ന്ന​ത് അ​ല്പം മാ​റി​നി​ന്ന് നി​സം​ഗ​ത​യോ​ടെ കാ​ണു​ക​യാ​യി​രു​ന്നു അ​വ​ർ. ഇ​താ ബി​യോ​ണ്‍​സി​ന്‍റെ സം​ഗീ​ത​ജീ​വി​ത​ത്തി​ൽ​നി​ന്നു​ള്ള അ​ത്ര അ​റി​യ​പ്പെ​ടാ​ത്ത കൗ​തു​ക​ങ്ങ​ൾ...

എ​ലി​മി​നേ​ഷ​നി​ൽ​നി​ന്നു തു​ട​ക്കം

പ​ന്ത്ര​ണ്ടാം വ​യ​സി​ൽ ഒ​രു ടെ​ലി​വി​ഷ​ൻ റി​യാ​ലി​റ്റി സീ​രി​സി​ൽ പ​ങ്കെ​ടു​ത്തി​രു​ന്നു ബി​യോ​ണ്‍​സ്. ഗേ​ൾ​സ് ടൈം ​എ​ന്ന ബി​യോ​ണ്‍​സ് ഉ​ൾ​പ്പെ​ട്ട ഗ്രൂ​പ്പി​ന് വി​ധി​ക​ർ​ത്താ​ക്ക​ൾ മൂ​ന്നു സ്റ്റാ​റു​ക​ൾ ന​ൽ​കി​യെ​ങ്കി​ലും സ്കെ​ലി​റ്റ​ൻ ക്രൂ ​എ​ന്ന ട്രൂ​പ്പി​നോ​ടു തോ​റ്റ് പു​റ​ത്താ​കേ​ണ്ടി​വ​ന്നു. ആ ​അ​നു​ഭ​വ​ത്തെ ഡി​ഫൈ​നിം​ഗ് മോ​മെ​ന്‍റ് എ​ന്നാ​ണ് ബി​യോ​ണ്‍​സ് പി​ന്നീ​ടു വി​ശേ​ഷി​പ്പി​ച്ച​ത്. ആ ​തോ​ൽ​വി പു​തി​യ ഉ​ൾ​ക്കാ​ഴ്ച​യാ​ണ് അ​വ​ർ​ക്കു ന​ൽ​കി​യ​തെ​ന്നു ചു​രു​ക്കം. ഫ്ളോ​ലെ​സ് എ​ന്ന പാ​ട്ടി​ൽ ആ ​ഷോ​യി​ൽ​നി​ന്നു​ള്ള ഒ​രു ശ​ബ്ദ​ശ​ക​ലം ഉ​ൾ​പ്പെ​ടു​ത്തു​ക​യും ചെ​യ്തു.

എ​ന്നാ​ൽ അ​തി​നു മു​ന്പ്, ഏ​ഴാം വ​യ​സി​ൽ ഒ​രു ഷോ​യി​ൽ ജോ​ണ്‍ ലെ​ന​ന്‍റെ ഇ​മാ​ജി​ൻ എ​ന്ന പാ​ട്ടു പാ​ടി കേ​ൾ​വി​ക്കാ​രെ വി​സ്മ​യി​പ്പി​ച്ചി​ട്ടു​ണ്ട് ബി​യോ​ണ്‍​സ്. പാ​ട്ടു​ക​ഴി​ഞ്ഞ​തും എ​ല്ലാ​വ​രും എ​ഴു​നേ​റ്റു​നി​ന്നു കൈ​യ​ടി​ച്ചു. ആ ​വി​ജ​യ​ത്തോ​ടെ ബി​യോ​ണ്‍​സി​നെ പി​താ​വ് കൂ​ടു​ത​ൽ ടാ​ല​ന്‍റ് ഷോ​ക​ളി​ൽ പ​ങ്കെ​ടു​പ്പി​ച്ചു. ഒ​ന്നും ര​ണ്ടും വി​ജ​യ​മ​ല്ല അ​വ​ൾ നേ​ടി​യ​ത്- 35 എ​ണ്ണം!

ഹെ​യ​ർ സ്റ്റൈ​ലി​സ്റ്റ് ആ​യി ജോ​ലി​നോ​ക്കി​യി​രു​ന്ന അ​മ്മ​യോ​ടൊ​പ്പ​മാ​യി​രു​ന്നു ചെ​റു​പ്പ​ത്തി​ൽ ബി​യോ​ണ്‍​സി​ന്‍റെ താ​മ​സം. സ​ലൂ​ണി​ലെ​ത്തു​ന്ന​വ​ർ​ക്കു മു​ന്നി​ൽ പാ​ടു​ക എ​ന്ന​താ​യി​രു​ന്നു അ​വ​ളു​ടെ ഹോ​ബി. ആ​ർ​ക്കും കേ​ൾ​ക്കാ​ൻ വ​ലി​യ താ​ത്പ​ര്യ​മൊ​ന്നും ഉ​ണ്ടാ​യി​രു​ന്നി​ല്ലെ​ങ്കി​ലും പാ​ടും., പൈ​സ​യും വാ​ങ്ങും- ലൈ​ഫ് ഇ​സ് ബ​ട്ട് എ ​ഡ്രീം എ​ന്ന ഡോ​ക്യു​മെ​ന്‍റ​റി​യി​ൽ ബി​യോ​ണ്‍​സ് പ​റ​ഞ്ഞു.

ഒ​ന്നാ​മ​ത്, നാ​ലു​പ​തി​റ്റാ​ണ്ട്

നാ​ലു വ്യ​ത്യ​സ്ത പ​തി​റ്റാ​ണ്ടു​ക​ളി​ൽ ബി​ൽ​ബോ​ർ​ഡ് ഹോ​ട്ട് 100 ചാ​ർ​ട്ടി​ൽ ഒ​ന്നാ​മ​തെ​ത്താ​ൻ ക​ഴി​ഞ്ഞ​വ​രി​ൽ ബി​യോ​ണ്‍​സി​നൊ​പ്പം ഒ​രാ​ളേ​യു​ള്ളൂ- മ​രി​യ കെ​റി. 1990, 2000, 2010, 2020 പ​തി​റ്റാ​ണ്ടു​ക​ളി​ൽ ബി​യോ​ണ്‍​സ് റാ​ങ്കിം​ഗി​ൽ ഒ​ന്നാം സ്ഥാ​ന​ത്തു​ണ്ടാ​യി​രു​ന്നു.

നാ​ല് എ​ന്ന അ​ക്ക​ത്തോ​ട് ബി​യോ​ണ്‍​സി​നു മ​റ്റൊ​രു പ്രി​യം​കൂ​ടി​യു​ണ്ട്. ജീ​വി​ത​ത്തി​ലെ പ​ല പ്ര​ധാ​ന​കാ​ര്യ​ങ്ങ​ളും ന​ട​ന്ന​ത് നാ​ലാം തീ​യ​തി​യാ​ണ്- ജന്മദി​നം അ​ട​ക്കം. സെ​പ്റ്റം​ബ​ർ നാ​ലി​നാ​ണ് ബി​യോ​ണ്‍​സി​ന്‍റെ ജന്മനാ​ൾ. ഭ​ർ​ത്താ​വി​ന്‍റേത് ഡി​സം​ബ​ർ നാ​ലി​ന്, അ​മ്മ​യു​ടേ​ത് ജ​നു​വ​രി നാ​ല്, വി​വാ​ഹ​വാ​ർ​ഷി​കം ഏ​പ്രി​ൽ നാ​ല്. (അ​താ​ക​ട്ടെ, നാ​ലാം മാ​സ​വും).

നാ​ലാ​മ​ത്തെ സ്റ്റു​ഡി​യോ ആ​ൽ​ബ​ത്തി​ന് ആ ​പേ​രാ​ണ് ന​ൽ​കി​യ​തും. ബി​യോ​ണ്‍​സും ഭ​ർ​ത്താ​വും മോ​തി​ര​വി​ര​ലു​ക​ളി​ൽ ടാ​റ്റൂ ചെ​യ്ത​തും റോ​മ​ൻ അ​ക്ക​മാ​യ നാ​ല്. മ​ക​ളു​ടെ പേ​രാ​യ ബ്ലൂ ​ഐ​വി​യി​ലെ ഐ​വി എ​ന്ന ഭാ​ഗ​ത്തി​ന് പ്ര​ചോ​ദ​ന​മാ​യ​തും അ​തേ റോ​മ​ൻ അ​ക്ക​ങ്ങ​ൾ​ത​ന്നെ.

ധൈ​ര്യ​ത്തി​ന് ആ​ൾ​ട്ട​ർ ഇ​ഗോ

പ​റ​ഞ്ഞാ​ൽ വി​ശ്വ​സി​ക്കി​ല്ല, സ്റ്റേ​ജി​ൽ ക​യ​റാ​ൻ ബി​യോ​ണ്‍​സി​നു ചെ​റു​ത​ല്ലാ​ത്ത പേ​ടി​യു​ണ്ടാ​യി​രു​ന്നു. ഒ​രു ആ​ൾ​ട്ട​ർ ഇ​ഗോ (വ്യ​ക്തി​ത്വ​ത്തി​ന്‍റെ മ​റു​വ​ശം) സ്വ​യം ഉ​ണ്ടാ​ക്കി​യെ​ടു​ത്താ​ണ് ആ ​പേ​ടി​യെ മ​റി​ക​ട​ന്ന​ത്. അ​തി​ൽ​നി​ന്ന് ഞാ​ൻ ആ​ത്മ​വി​ശ്വാ​സം നേ​ടി​യെ​ടു​ത്തു. ആ​ളു​ക​ൾ വി​നോ​ദ​ത്തി​നാ​ണ് ഷോ ​കാ​ണാ​ൻ എ​ത്തു​ന്ന​ത്. സാ​ധാ​ര​ണ ജീ​വി​ത​ത്തി​ൽ ഞാ​ൻ പ​റ​യാ​ത്ത വാ​ക്കു​ക​ൾ സ്റ്റേ​ജു​ക​ളി​ൽ പ​റ​യും, പൊ​തു​വേ ഉ​പ​യോ​ഗി​ക്കാ​ത്ത ത​ര​ത്തി​ലു​ള്ള വ​സ്ത്ര​ങ്ങ​ൾ അ​ണി​യും- ബി​യോ​ണ്‍​സ് ഒ​രി​ക്ക​ൽ പ​റ​ഞ്ഞു. 2008ൽ ​പു​റ​ത്തി​റ​ക്കി​യ ആ​ൽ​ബ​ത്തി​ൽ ഐ ​ആം സാ​ഷാ ഫി​യേ​ഴ്സ് എ​ന്നു പ്ര​ഖ്യാ​പി​ക്കു​ക​യും ചെ​യ്തു. ആ ​ഇ​മേ​ജി​ൽ​നി​ന്ന് ര​ണ്ടു​വ​ർ​ഷ​ത്തി​നു​ശേ​ഷം പു​റ​ത്തു​വ​രി​ക​യായിരുന്നു. സാ​ഷാ ഫി​യേ​ഴ്സ് അ​വ​സാ​നി​ച്ചു. അ​വ​ളെ ഞാ​ൻ കൊ​ന്നു- 2010ൽ ​ന​ൽ​കി​യ അ​ഭി​മു​ഖ​ത്തി​ൽ ബി​യോ​ണ്‍​സ് പ​റ​ഞ്ഞു.

എ​ന്നാ​ൽ ധൈ​ര്യ​ക്കു​റ​വ് ഒ​രു പാ​ന്പി​നെ വ​ള​ർ​ത്തു​ന്ന​തി​ൽ​നി​ന്ന് ബി​യോ​ണ്‍​സി​നെ പി​ന്തി​രി​പ്പി​ച്ചി​ല്ല. ഫെ​ൻ​ഡി എ​ന്നു പേ​രു​ള്ള ഒ​രു പെ​രു​ന്പാ​ന്പി​നെ ഓ​മ​നി​ച്ചു വ​ള​ർ​ത്തി​യി​രു​ന്നു ബി​യോ​ണ്‍​സും ക​സി​നും. പാ​ന്പു​മാ​യു​ള്ള കൂ​ട്ട് ഏ​റെ ആ​സ്വ​ദി​ച്ചി​രു​ന്നു ബി​യോ​ണ്‍​സ്. ഉ​റ​ക്കം​പോ​ലും അ​തി​നൊ​പ്പം. എ​ന്നാ​ൽ പി​താ​വി​ന്‍റെ ഉ​റ​ക്കം​ക​ള​ഞ്ഞു ആ ​പാ​ന്പ്. അ​തി​നെ നി​ർ​ബ​ന്ധി​ച്ച് ഒ​ഴി​വാ​ക്കു​ക​യും ചെ​യ്തു.

ക​ല​ക​ളോ​ടും ബി​യോ​ണ്‍​സി​നു വ​ലി​യ താ​ത്പ​ര്യ​മു​ണ്ട്. പാ​രി​സി​ലെ ലൂവ്റേ മ്യൂ​സി​യം പ​ല​ത​വ​ണ സ​ന്ദ​ർ​ശി​ച്ചി​ട്ടു​ണ്ട്. അ​വി​ടെ​നി​ന്നു​ള്ള കാ​ഴ്ച​ക​ൾ ഒ​രു ആ​ൽ​ബ​ത്തി​ൽ ഉ​ൾ​പ്പെ​ടു​ത്തി​യ​തോ​ടെ മ്യൂ​സി​യ​ത്തി​ലെ സ​ന്ദ​ർ​ശ​ക​രു​ടെ എ​ണ്ണ​ത്തി​ൽ ല​ക്ഷ​ങ്ങ​ളു​ടെ വ​ർ​ധ​ന​വു​മു​ണ്ടാ​യി.

പ​റ​ഞ്ഞു​തീ​രാ​ത്ത വി​ശേ​ഷ​ങ്ങ​ൾ

വി​റ്റ​ഴി​ക്ക​പ്പെ​ടു​ന്ന ആ​ൽ​ബ​ങ്ങ​ളു​ടെ എ​ണ്ണം, സോ​ഷ്യ​ൽ​മീ​ഡി​യ ഫോ​ളോ​വേ​ഴ്സി​ന്‍റെ​യും ലൈ​ക്കു​ക​ളു​ടെ എ​ണ്ണം, നേ​ടു​ന്ന പു​ര​സ്കാ​ര​ങ്ങ​ൾ, ചെ​യ്യു​ന്ന ചാ​രി​റ്റി പ്ര​വ​ർ​ത്ത​ന​ങ്ങ​ൾ.. ആ​രാ​ധ​ക​രു​ടെ എ​ണ്ണം​പോ​ലെ അ​ന​ന്ത​മാ​ണ് ഇ​വ​യോ​രോ​ന്നും. സം​ഗീ​തം​പോ​ലെ സ​ത്യ​സ​ന്ധ​മാ​ണ് ബി​യോ​ണ്‍​സി​ന്‍റെ നി​ല​പാ​ടു​ക​ൾ. നാ​ളു​ക​ളാ​യി മാ​ധ്യ​മ​ങ്ങ​ളി​ൽ​നി​ന്ന് അ​ക​ലം​പാ​ലി​ക്കു​ന്പോ​ഴും പാ​ട്ടു​ക​ൾ ബി​യോ​ണ്‍​സി​നു​വേ​ണ്ടി സം​സാ​രി​ക്കു​ന്നു​ണ്ട്.

ഹരിപ്രസാദ്‌


Copyright @ 2022 , Rashtra Deepika Ltd.