ഞാ​ൻ മ​ര​ണ​മാ​കു​ന്നു, ലോ​ക​ത്തി​ന്‍റെ അ​ന്ത​ക​ൻ
മ​നു​ഷ്യ​ൻ ക്രൂ​ര​നാ​ണ് എ​ന്ന​തി​ന്‍റെ ഏ​റ്റ​വും വ​ലി​യ തെ​ളി​വു​ക​ളി​ലൊ​ന്ന് ഹി​രോ​ഷി​മ​യി​ൽ ബോം​ബി​ട്ട് സം​ഹാ​ര​ത്തി​ന്‍റെ ഭ​യാ​ന​ക​ദൃ​ശ്യം ന​ഗ്ന​നേ​ത്ര​ങ്ങ​ൾ​കൊ​ണ്ട് ക​ണ്ട​വ​ർ​ത​ന്നെ മൂ​ന്നാം നാ​ൾ നാ​ഗ​സാ​ക്കി​യി​ലും ബോം​ബി​ട്ടു എ​ന്ന​താ​ണ്. ര​ണ്ടു ല​ക്ഷം പേ​രെ​ങ്കി​ലും മ​രി​ച്ചു.

അ​തി​നു ഭാ​ഗ്യ​മി​ല്ലാ​തി​രു​ന്ന​വ​ർ ന​ര​ക​ത്തി​ൽ​നി​ന്നു ക​യ​റി​വ​ന്ന​വ​രെ​പ്പോ​ലെ ഹി​രോ​ഷി​മ, നാ​ഗ​സാ​ക്കി എ​ന്നീ ശ്മ​ശാ​ന​ങ്ങ​ളി​ലൂ​ടെ പാ​തി വെ​ന്തു ന​ട​ന്നു. യു​ദ്ധ​ത്തി​ന്‍റെ മ​റ​വി​ൽ മ​നു​ഷ്യ​ർ​ക്കു​മേ​ൽ അ​മേ​രി​ക്ക ആ​ണ​വ​പ​രീ​ക്ഷ​ണം ന​ട​ത്തി​യ​തി​ന്‍റെ 80-ാം വാ​ർ​ഷി​ക​ത്തി​ലേ​ക്കു ക​ട​ക്കു​ക​യാ​ണ് ലോകം.

1945 ഓ​ഗ​സ്റ്റ് 6. സാ​തോ​ഷി നാ​കാ​മു​റ സൈ​ക്കി​ൾ ആ​ഞ്ഞു​ച​വി​ട്ടി ഹി​രോ​ഷി​മ​യി​ലേ​ക്ക്. ഡോ​മൈ ന്യൂ​സ് ഏ​ജ​ൻ​സി​യു​ടെ ഹി​രോ​ഷി​മ ബ്യൂ​റോ​യി​ലെ മാ​ധ്യ​മ​പ്ര​വ​ർ​ത്ത​ക​നാ​യ അ​ദ്ദേ​ഹം ത​ലേ​ന്നു രാ​ത്രി പ​ട്ട​ണ​ത്തി​ൽ​നി​ന്ന് 12 കി​ലോ​മീ​റ്റ​ർ അ​ക​ലെ​യു​ള്ള ഇ​റ്റ്കാ​യി​ച്ചി​യി​ൽ ഒ​രു സു​ഹൃ​ത്തി​നെ കാ​ണാ​ൻ പോ​യ​താ​ണ്.

രാ​ത്രി വൈ​കി​യ​തി​നാ​ൽ അ​വി​ടെ ത​ങ്ങി. രാ​വി​ലെ പ​ത്രം വാ​യി​ച്ചു​കൊ​ണ്ടി​രി​ക്കെ പെ​ട്ടെ​ന്ന് ഒ​രു സ്ഫോ​ട​ന​ത്തി​ന്‍റെ മു​ഴ​ക്കം. ക​സേ​ര​യി​ൽ​നി​ന്നു വീ​ണ സാ​തോ​ഷി​യു​ടെ ദേ​ഹ​ത്ത് പൊ​ട്ടി​യ ജ​നാ​ല​ച്ചി​ല്ലു​ക​ൾ തെ​റി​ച്ചു​വീ​ണു.

ര​ണ്ടാം ലോ​ക​യു​ദ്ധം കൊ​ടു​ന്പി​രി കൊ​ണ്ടി​രി​ക്കു​ക​യാ​ണ്. ഹി​രോ​ഷി​മ​യി​ൽ എ​ന്തോ കാ​ര്യ​മാ​യി സം​ഭ​വി​ച്ചി​ട്ടു​ണ്ട്. നി​ഗ​മ​നം തെ​റ്റി​യി​ല്ല, അ​ങ്ങ​ക​ലെ ഹി​രോ​ഷി​മ ഭാ​ഗ​ത്ത് ക​റു​ത്ത കൂ​ൺ​പോ​ലെ എ​ന്തോ ഒ​ന്ന് ആ​കാ​ശ​ത്തേ​ക്കു​യ​രു​ന്നു. അ​പ്പോ​ൾ​ത​ന്നെ അ​യാ​ൾ സൈ​ക്കി​ളെ​ടു​ത്ത് ഹി​രോ​ഷി​മ​യി​ലേ​ക്കു പാ​ഞ്ഞു.

വാ​ർ​ത്ത​യു​ണ്ടെ​ങ്കി​ൽ റി​പ്പോ​ർ​ട്ട് ചെ​യ്യു​ക​യും വേ​ണം. പ​ട്ട​ണ​ത്തോ​ട​ടു​ത്ത​പ്പോ​ൾ സൈ​ക്കി​ൾ സാ​വ​ധാ​ന​ത്തി​ലാ​യി. ത​ലേ​ന്നു പോ​രു​ന്പോ​ഴ​ത്തെ ഹി​രോ​ഷി​മ അ​വി​ടെ​യി​ല്ല. "ക​റു​ത്ത കൂ​ൺ' ആ​കാ​ശം മു​ട്ടെ വ​ള​ർ​ന്നി​രി​ക്കു​ന്നു.

അ​തി​നു താ​ഴെ ഹി​രോ​ഷി​മ ഒ​രു ച​ട​ല​ക്ക​ളം​പോ​ലെ പു​ക​യു​ന്നു. ന​ഗ​ര​ത്തെ വി​ഴു​ങ്ങി​യ പു​ക​പ​ട​ല​ങ്ങ​ൾ​ക്കും അ​വ​ശി​ഷ്ട​ങ്ങ​ൾ​ക്കും ഒ​രേ നി​റം. അ​തേ നി​റ​ത്തി​ൽ മൃ​ത​ദേ​ഹ​ങ്ങ​ളും വേ​ച്ചു​ന​ട​ക്കു​ന്ന മ​നു​ഷ്യ​രും. ന​ട​ക്കു​ന്ന പ​ല​രു​ടെ​യും ച​ർ​മം ശ​രീ​ര​ത്തി​ൽ​നി​ന്നു വേ​ർ​പെ​ട്ട് തൂ​ങ്ങി​ക്കി​ട​ക്കു​ന്ന​ത് അ​വ​ർ അ​റി​ഞ്ഞി​ട്ടി​ല്ലെ​ന്നു തോ​ന്നു​ന്നു.

സാ​തോ​ഷി ത​ന്‍റെ വീ​ടി​രു​ന്നി​ട​ത്തേ​ക്ക് സൈ​ക്കി​ൾ ച​വി​ട്ടി. അ​വി​ടെ ഒ​ന്നു​മി​ല്ല. എ​ല്ലാ കെ​ട്ടി​ട​ങ്ങ​ൾ​ക്കു​മൊ​പ്പം അ​യാ​ളു​ടെ വീ​ടും ക​ത്തി​പ്പോ​യി. വ​ഴി​യോ​ര​ങ്ങ​ളി​ൽ കെ​ട്ടി​ട​ങ്ങ​ളു​ടെ കോ​ൺ​ക്രീ​റ്റ് തൂ​ണു​ക​ളും ക​ന്പി​യും മാ​ത്രം അ​സ്ഥി​പ​ഞ്ജ​ര​ങ്ങ​ൾ​പോ​ലെ വേ​റി​ട്ടു​നി​ന്നു.

ഇ​ങ്ങ​നെ​യൊ​ന്നു ക​ണ്ടി​ട്ടി​ല്ല. ഹി​രോ​ഷി​മ​യി​ലെ പ​ത്ര ഓ​ഫീ​സു​ക​ളൊ​ന്നു​മി​ല്ല. ഡോ​മൈ​യു​ടെ ന്യൂ​സ് ബ്യൂ​റോ ചു​ഗോ​ക്കു ബി​ൽ​ഡിം​ഗി​ലാ​ണ്. പ​ക്ഷേ, അ​വി​ടേ​ക്ക് പോ​കാ​നാ​വി​ല്ല. എ​ല്ലാം ത​ക​ർ​ന്നു. 800 കി​ലോ​മീ​റ്റ​ർ അ​ക​ലെ ടോ​ക്യാ​യി​ലാ​ണ് ഡോ​മൈ​യു​ടെ കേ​ന്ദ്ര കാ​ര്യാ​ല​യം.

വാ​ർ​ത്ത എ​ത്ര​യും പെ​ട്ടെ​ന്ന് എ​ത്തി​ക്ക​ണം. വീ​ണ്ടും സൈ​ക്കി​ളെ​ടു​ത്തു. അ​വ​ശേ​ഷി​ക്കു​ന്ന ഏ​ക ട്രാ​ൻ​സ്മി​റ്റ​ർ ഉ​ള്ള ഹാ​ര​യി​ലെ​ത്തി​യ​പ്പോ​ൾ 11.20. അ​വി​ടെ​നി​ന്നു ടോ​ക്യോ​യി​ലെ "ഡോ​മൈ'​കേ​ന്ദ്ര കാ​ര്യാ​ല​യ​ത്തി​ലേ​ക്ക് വാ​ർ​ത്ത അ​യ​ച്ചു.

"" ഇ​ന്നു രാ​വി​ലെ 8.16ന് ​വി​മാ​ന​ങ്ങ​ൾ ഒ​രു 'സ്പെ​ഷ്യ​ൽ' ബോം​ബി​ട്ടു. ഹി​രോ​ഷി​മ ത​ക​ർ​ന്നു ത​രി​പ്പ​ണ​മാ​യി. 1,70,000 പേ​രെ​ങ്കി​ലും മ​രി​ച്ചി​ട്ടു​ണ്ടെ​ന്നാ​ണ് തോ​ന്നു​ന്ന​ത്''

പി​ന്നീ​ട് 21 വ​ർ​ഷ​ങ്ങ​ൾ​ക്കു​ശേ​ഷം 1967ൽ ​ജ​പ്പാ​ൻ ന്യൂ​സ് പേ​പ്പ​ർ പ​ബ്ലി​ഷേ​ഴ്സ് ആ​ൻ​ഡ് എ​ഡി​റ്റേ​ഴ്സ് അ​സോ​സി​യേ​ഷ​ൻ ബു​ള്ള​റ്റി​നി​ൽ സാ​തോ​ഷി എ​ഴു​തി,"" ഞാ​ൻ അ​ന്ന് എ​ഴു​തി​യ ചെ​റി​യ വാ​ർ​ത്ത കേ​ന്ദ്ര ഓ​ഫീ​സി​ലി​രു​ന്ന​വ​ർ വി​ശ്വ​സി​ച്ചി​ല്ല.''

ഒ​രു ബോം​ബി​ട്ടാ​ൽ എ​ങ്ങ​നെ​യാ​ണ് 1,70,000 പേ​ർ കൊ​ല്ല​പ്പെ​ടു​ന്ന​ത് എ​ന്നാ​യി​രു​ന്നു ടോ​ക്യോ​യി​ലി​രു​ന്ന​വ​ർ ചി​ന്തി​ച്ച​ത്. കാ​ര​ണം, അ​ണു​ബോം​ബ് അ​തി​നു​മു​ന്പ് ഉ​പ​യോ​ഗി​ച്ചി​ട്ടി​ല്ല. ജ​ന​ങ്ങ​ൾ തി​ങ്ങി​പ്പാ​ർ​ക്കു​ന്ന ഒ​രു ന​ഗ​ര​ത്തി​ൽ അ​തു​ണ്ടാ​ക്കു​ന്ന വി​നാ​ശ​ത്തെ​ക്കു​റി​ച്ച് ഡോ​മൈ​യി​ലെ എ​ഡി​റ്റ​ർ​മാ​ർ​ക്ക​ല്ല, ലോ​ക​ത്ത് ഒ​രു പ​ത്ര​ക്കാ​ര​നും അ​റി​യി​ല്ലാ​യി​രു​ന്നു.

അ​തു​കൊ​ണ്ട് അ​ത് ഹി​രോ​ഷി​മ ദു​ര​ന്ത​ത്തെ​ക്കു​റി​ച്ച് എ​ഴു​തി​യ ആ​ദ്യ​വാ​ർ​ത്ത മാ​ത്ര​മാ​യി; പ്ര​സി​ദ്ധീ​ക​രി​ക്കാ​ത്ത വാ​ർ​ത്ത. പ​ക്ഷേ, പി​ന്നീ​ട് കാ​ലം എ​ണ്ണി... 1,40,000 മ​നു​ഷ്യ​ർ ഹി​രോ​ഷി​മ​യി​ൽ കൊ​ല്ല​പ്പെ​ട്ടു. ല​ക്ഷ​ക്ക​ണ​ക്കി​നാ​ളു​ക​ൾ അ​ണു​വി​കി​ര​ണ​ത്തെ​ത്തു​ട​ർ​ന്ന് പി​ന്നീ​ടും. സാ​തോ​ഷി 1981ൽ 72-ാ​മ​ത്തെ വ​യ​സി​ൽ മ​രി​ച്ചു.

ഹി​രോ​ഷി​മ​യി​ലെ​ത്തി​യ ആ​ദ്യ​ത്തെ പാ​ശ്ചാ​ത്യ പ​ത്ര​പ്ര​വ​ർ​ത്ത​ക​ൻ വി​ൽ​ഫ്ര​ഡ് ബ​ർ​ഷെ​റ്റ് സെ​പ്റ്റം​ബ​ർ അ​ഞ്ചി​ന് ഇം​ഗ്ല​ണ്ടി​ലെ ഡെ​യ്‌​ലി എ​ക്സ്പ്ര​സി​ൽ എ​ഴു​തി​യ വാ​ർ​ത്ത​യു​ടെ ത​ല​ക്കെ​ട്ട് "ദി ​ആ​റ്റ​മി​ക് പ്ലേ​ഗ്'​എ​ന്നാ​യി​രു​ന്നു. തൊ​ട്ടു​താ​ഴെ ഇ​ങ്ങ​നെ സ​ബ്ഹെ​ഡിം​ഗ് കൊ​ടു​ത്തു.

""ഞാ​നി​തെ​ഴു​തു​ന്ന​ത് ലോ​ക​ത്തി​നു മു​ന്ന​റി​യി​പ്പാ​യി​ട്ടാ​ണ്.'' ബോം​ബ് വ​ർ​ഷി​ച്ച​തി​ന്‍റെ തു​ട​ർ​ന്നു​ള്ള ദി​വ​സ​ങ്ങ​ളി​ൽ മ​നു​ഷ്യ​ർ കൂ​ട്ട​ത്തോ​ടെ മ​രി​ച്ചു​കൊ​ണ്ടി​രി​ക്കു​ന്ന​തി​നെ​ക്കു​റി​ച്ചാ​ണ് അ​ദ്ദേ​ഹം എ​ഴു​തി​യ​ത്. പ​ക്ഷേ, നൂ​റ്റാ​ണ്ടി​ലെ ഏ​റ്റ​വും വ​ലി​യ സ്കൂ​പ് (മ​റ്റാ​ർ​ക്കു​മി​ല്ലാ​ത്ത വി​ശി​ഷ്ട​മാ​യ വാ​ർ​ത്ത) പ്ര​സി​ദ്ധീ​ക​രി​ച്ച​പ്പോ​ൾ റി​പ്പോ​ർ​ട്ട​റു​ടെ പേ​ര് തെ​റ്റി​പ്പോ​യി. വി​ൽ​ഫ്ര​ഡ് എ​ന്ന​ത് പീ​റ്റ​ർ എ​ന്ന് ഡെ​യ്‌​ലി എ​ക്സ്പ്ര​സ് ഒ​ന്നാം പേ​ജി​ൽ അ​ച്ച​ടി​ച്ചു.

യു​ദ്ധം

""ഞാ​ൻ മ​ര​ണ​മാ​ണ്. ലോ​ക​ത്തി​ന്‍റെ അ​ന്ത​ക​ൻ.'' ആ​റ്റം ബോം​ബി​ന്‍റെ നി​ർ​മാ​താ​വാ​യി അ​റി​യ​പ്പെ​ടു​ന്ന റോ​ബ​ർ​ട്ട് ഓ​പ്പ​ൻ​ഹൈ​മ​ർ പ​റ​ഞ്ഞ​തോ​ടെ ലോ​കം വീ​ണ്ടും ശ്ര​ദ്ധി​ച്ച വാ​ക്യ​മാ​ണി​ത്. ഹി​രോ​ഷി​മ​യി​ലും നാ​ഗ​സാ​ക്കി​യി​ലും ഇ​ട്ട ബോം​ബ് അ​മേ​രി​ക്ക​യി​ൽ നി​ർ​മി​ച്ച​ത് അ​ദ്ദേ​ഹ​വും സ​ഹ​ശാ​സ്ത്ര​ജ്ഞ​രു​മാ​ണ്. ഹി​റ്റ്‌​ല​ർ അ​ണു​ബോം​ബ് നി​ർ​മി​ച്ചേ​ക്കു​മോ​യെ​ന്ന ആ​ശ​ങ്ക​യി​ലാ​ണ് അ​മേ​രി​ക്ക മാ​ൻ​ഹാ​ട്ട​ൺ പ​ദ്ധ​തി​യി​ലൂ​ടെ ബോം​ബ് നി​ർ​മി​ച്ച​ത്.

1945 ജൂ​ലൈ 16ന് ​ന്യൂ മെ​ക്സി​ക്കോ​യി​ലെ മ​രു​ഭൂ​മി​യി​ൽ ആ​ദ്യ അ​ണു​ബോ​ബ് സ്ഫോ​ട​നം വി​ജ​യ​ക​ര​മാ​യി പ​രീ​ക്ഷി​ച്ച​തി​നെ​ത്തു​ട​ർ​ന്നാ​ണ് ഓ​പ്പ​ൻ​ഹൈ​മ​ർ ഇ​ങ്ങ​നെ പ​റ​ഞ്ഞ​ത്. അ​ത് ഭ​ഗ​വ​ത്ഗീ​ത​യി​ൽ​നി​ന്നു​ള്ള ഉ​ദ്ധ​ര​ണി​യെ അ​വ​ലം​ബി​ച്ചാ​യി​രു​ന്നു. ഹി​രോ​ഷി​മ-​നാ​ഗ​സാ​ക്കി സ്‌​ഫോ​ട​ന​ത്തോ​ടെ ഹീ​റോ ആ​യ ഓ​പ്പ​ന്‍​ഹൈ​മ​റെ തൊ​ട്ടു​പി​ന്നാ​ലെ രാ​ജ്യ​ദ്രോ​ഹി​യാ​യി ചി​ത്രീ​ക​രി​ച്ച് വി​ചാ​ര​ണ ചെ​യ്യു​ന്ന​തും അ​ദ്ദേ​ഹ​ത്തി​ന്‍റെ ഒ​ടു​ങ്ങാ​ത്ത കു​റ്റ​ബോ​ധ​വു​മാ​ണ് ക​ഴി​ഞ്ഞ വ​ർ​ഷം പു​റ​ത്തി​റ​ങ്ങി​യ ഓ​പ്പ​ൻ​ഹൈ​മ​ർ എ​ന്ന സി​നി​മ​യു​ടെ പ്ര​മേ​യം.

1939ൽ ​ഹി​റ്റ്‌​ല​റു​ടെ നാ​സി ജ​ർ​മ​നി പോ​ള​ണ്ടി​നെ ആ​ക്ര​മി​ച്ച​തോ​ടെ തു​ട​ങ്ങി​യ ര​ണ്ടാം ലോ​ക​യു​ദ്ധ​ത്തി​ൽ ര​ണ്ടു ചേ​രി​ക​ളു​ണ്ടാ​യി​രു​ന്നു. സ​ഖ്യ​ക​ക്ഷി​ക​ളും അ​ച്ചു​ത​ണ്ട് ശ​ക്തി​ക​ളും. സ​ഖ്യ​ക​ക്ഷി​ക​ളി​ൽ മൂ​പ്പ​ന്മാ​ർ അ​മേ​രി​ക്ക, സോ​വി​യ​റ്റ് യൂ​ണി​യ​ൻ, ബ്രി​ട്ട​ൺ, ഫ്രാ​ൻ​സ്, ചൈ​ന എ​ന്നീ രാ​ജ്യ​ങ്ങ​ളാ​യി​രു​ന്നു. ജ​ർ​മ​നി, ജ​പ്പാ​ൻ, ഇ​റ്റ​ലി തു​ട​ങ്ങി​യ​വ​ർ അ​ച്ച​ത​ണ്ട് ശ​ക്തി​ക​ളെ​ന്ന് അ​റി​യ​പ്പെ​ട്ടു.

1945ൽ ​അ​ച്ചു​ത​ണ്ട് ശ​ക്തി​ക​ൾ പ​രാ​ജ​യ​ത്തി​ന്‍റെ വ​ക്കി​ലെ​ത്തി. ഇ​റ്റ​ലി​യു​ടെ ഫാ​സി​സ്റ്റ് നേ​താ​വ് മു​സോ​ളി​നി​യെ ജ​നം ത​ല്ലി​ക്കൊ​ന്നു കെ​ട്ടി​ത്തൂ​ക്കി. ഹി​റ്റ്‌​ല​ർ സ്വ​യം ജീ​വ​നൊ​ടു​ക്കി. ജ​പ്പാ​ൻ കീ​ഴ​ട​ങ്ങാ​ൻ ത​യാ​റാ​യി​ല്ല. പെ​ട്ടെ​ന്നൊ​രു വ​ഴി​ത്തി​രി​വു​ണ്ടാ​യി. 1945 ഏ​പ്രി​ൽ 12ന് ​അ​മേ​രി​ക്ക​ൻ പ്ര​സി​ഡ​ന്‍റ് റൂ​സ്‌​വെ​ൽ​റ്റ് അ​ന്ത​രി​ച്ചു.

വൈ​സ് പ്ര​സി​ഡ​ന്‍റാ​യി​രു​ന്ന ഹാ​രി എ​സ്. ട്രൂ​മാ​ൻ പ്ര​സി​ഡ​ന്‍റാ​യി. അ​പ്പോ​ഴാ​ണ് അ​തീ​വ​ര​ഹ​സ്യ​മാ​യി അ​മേ​രി​ക്ക ത​യാ​റാ​ക്കി​വ​ച്ചി​രു​ന്ന അ​ണു​ബോം​ബി​നെ​ക്കു​റി​ച്ച് ട്രൂ​മാ​ൻ പോ​ലും അ​റി​ഞ്ഞ​ത്. അ​തു പ്ര​യോ​ഗി​ക്കാ​ൻ പ്ര​സി​ഡ​ന്‍റി​നു മാ​ത്ര​മാ​ണ് അ​ധി​കാ​ര​മെ​ന്ന​റി​ഞ്ഞ​തോ​ടെ ആ ​പ​ര​മാ​ധി​കാ​രം അ​ദ്ദേ​ഹം ഉ​പ​യോ​ഗി​ച്ചു. ജ​പ്പാ​നെ ബോം​ബി​ട്ട് തോ​ൽ​പ്പി​ക്കാ​ൻ ജൂ​ലൈ 25ന് ​പ്ര​സി​ഡ​ന്‍റ് ഉ​ത്ത​ര​വി​ട്ടു.

അ​ന്ത​ക​നാ​യ "പ​യ്യ​ൻ'

ഓ​പ്പ​ൻ​ഹൈ​മ​റും സം​ഘ​വും ബോം​ബ് നി​ർ​മി​ച്ച ന്യൂ​മെ​ക്സി​ക്കോ​യി​ലെ ലോ​സ് അ​ലാ​മോ​സ് ല​ബോ​റ​ട്ട​റി​യി​ൽ​നി​ന്ന് കൊ​ണ്ടു​വ​ന്ന ഭാ​ഗ​ങ്ങ​ൾ ടി​നി​യ​ൻ ദ്വീ​പി​ൽ​വ​ച്ച് കൂ​ട്ടി​ച്ചേ​ർ​ക്കു​ക​യാ​യി​രു​ന്നു. അ​മേ​രി​ക്ക​ൻ വ്യോ​മ​സേ​ന​യു​ടെ 'എ​നോ​ലാ ഗേ' ​എ​ന്ന ബി-29 ​വി​മാ​ന​ത്തി​ലാ​ണ് ബോം​ബ് ക​യ​റ്റി​യ​ത്. പ​യ്യ​ൻ എ​ന്ന​ർ​ഥം വ​രു​ന്ന "ലി​റ്റി​ൽ ബോ​യ്' എ​ന്ന ബോം​ബി​ന് മൂ​ന്ന​ര മീ​റ്റ​ർ നീ​ള​വും നാ​ലു ട​ൺ ഭാ​ര​വു​മു​ണ്ടാ​യി​രു​ന്നു.

ഓ​ഗ​സ്റ്റ് ആ​റി​ന് അ​തി​രാ​വി​ലെ അ​വ​ർ പു​റ​പ്പെ​ട്ടു. ഹി​രോ​ഷി​മ എ​ന്ന വ്യ​വ​സാ​യ ന​ഗ​ര​ത്തി​ലേ​ക്ക് മൂ​ന്ന് അ​മേ​രി​ക്ക​ൻ വി​മാ​ന​ങ്ങ​ൾ പ​റ​ന്ന​ടു​ക്കു​ന്ന​ത് ജ​പ്പാ​ൻ റ​ഡാ​റി​ൽ ക​ണ്ടു. സൈ​റ​ൺ മു​ഴ​ങ്ങി​യ​തോ​ടെ തെ​രു​വു​ക​ളി​ൽ​നി​ന്ന് ആ​ളു​ക​ൾ ഓ​ടി. കൗ​ണ്ട് ഡൌ​ൺ തു​ട​ങ്ങി. പ​തി​ന​ഞ്ചി​ൽ​നി​ന്ന് സീ​റോ​യി​ലെ​ത്തി​പ്പോ​ഴേ​ക്കും "പ​യ്യ​ൻ' ഹി​രോ​ഷി​മ​യു​ടെ നെ​ഞ്ച് ല​ക്ഷ്യ​മാ​ക്കി വി​മാ​ന​ത്തി​ൽ​നി​ന്നി​റ​ങ്ങി.

ഷി​മ ക്ലി​നി​ക്കി​ന്‍റെ ഇ​രു​നി​ല​ക്കെ​ട്ടി​ട​ത്തി​നു​മേ​ൽ ലോ​ക​ത്തെ ആ​ദ്യ അ​ണു​ബോ​ബ് വീ​ണു. രോ​ഗി​ക​ളും ഡോ​ക്ട​ർ​മാ​രും ന​ഴ്സു​മാ​രു​മു​ൾ​പ്പെ​ടെ 80 പേ​രും ഒ​രു തെ​ളി​വ് പോ​ലു​മി​ല്ലാ​തെ അ​പ്ര​ത്യ​ക്ഷ​മാ​യി. 12,500 ടി​എ​ൻ​ടി ശേ​ഷി​യു​ള്ള ബോം​ബ് പ​തി​ച്ച​തോ​ടെ ചൂ​ട് 10 ല​ക്ഷം ഡി​ഗ്രി സെ​ന്‍റി​ഗ്രേ​ഡി​ലേ​ക്കു കു​തി​ച്ചു.

നി​മി​ഷ​ങ്ങ​ൾ​കൊ​ണ്ട് സൂ​ര്യ​നെ​പ്പോ​ലെ പ്ര​കാ​ശി​ച്ച സ്ഫോ​ട​ന​സ്ഥ​ല​ത്തു​നി​ന്ന് ഉ​യ​ർ​ന്ന തീ​ജ്വാ​ല​ക​ൾ ഹി​രോ​ഷി​മ​യെ വി​ഴു​ങ്ങി. കൂ​ൺ ആ​കൃ​തി​യി​ൽ പു​ക 40,000 അ​ടി ഉ​യ​ര​ത്തി​ലേ​ക്കു പൊ​ങ്ങി. ആ ​കു​ടെ കു​ഞ്ഞു​ങ്ങ​ള​ട​ക്കം 80,000 മ​നു​ഷ്യ​രു​ടെ ആ​ത്മാ​ക്ക​ളു​മു​ണ്ടാ​യി​രു​ന്നു. പൊ​ടി​ക്കാ​റ്റ് 1000 അ​ടി ഉ​യ​രെ ന​ഗ​ര​മാ​കെ പ​ട​ർ​ന്നു. ബി-29 ​ബോം​ബ് വാ​ഹി​നി​ക്കൊ​പ്പ​മു​ണ്ടാ​യി​രു​ന്ന പോ​ർ​വി​മാ​നം അ​പ്പോ​ൾ ആ​കാ​ശ​ത്തു​നി​ന്ന് ഫോ​ട്ടോ​യെ​ടു​ക്കു​ക​യാ​യി​രു​ന്നു; വി​ജ​യ​ക​ര​മാ​യി ന​ട​ത്തി​യ ഒ​രു വെ​ടി​ക്കെ​ട്ടി​ന്‍റേ​തെ​ന്ന​പോ​ലെ. ഹി​രോ​ഷി​മ​യി​ൽ​നി​ന്നു വ​ള​ർ​ന്നു​കൊ​ണ്ടി​രു​ന്ന "വി​ഷ​ക്കൂ​ൺ' വി​മാ​ന​ത്തി​ലി​രു​ന്ന​വ​ർ ക​ണ്ടു. വി​ജ​യ​ശ്രീ​ലാ​ളി​ത​ർ മ​ട​ങ്ങി​പ്പോ​യി.

സ്ഫോ​ട​ന​ത്തി​ലൂ​ടെ ഉ​രു​ത്തി​രി​ഞ്ഞ മേ​ഘ​ങ്ങ​ൾ 11 മ​ണി​ക്ക് മ​ഴ​യാ​യി തി​രി​കെ ഹി​രോ​ഷി​മ​യി​ലെ​ത്തി. ക​റു​ത്ത മ​ഴ. ആ​പ​ത്ക​ര​മാ​യ റേ​ഡി​യോ ആ​ക്ടീ​വ് അ​വ​ശി​ഷ്ട​ങ്ങ​ളു​ൾ​പ്പെ​ടെ അ​തി​ലു​ണ്ടാ​യി​രു​ന്നു. ആ​ദ്യം സ്ഫോ​ട​ന​മാ​യും പി​ന്നെ മ​ഴ​യാ​യും മ​ര​ണം മ​നു​ഷ്യ​ർ​ക്കു​മേ​ൽ പെ​യ്തു.

കൊ​ക്കൂ​റ വ​ഴി നാ​ഗ​സാ​ക്കി

ഹി​രോ​ഷി​മ​യെ തു​ട​ച്ചു​നീ​ക്കി​യി​ട്ടും ജ​പ്പാ​ൻ കീ​ഴ​ട​ങ്ങി​യി​ല്ല. എ​ങ്കി​ൽ, ജ​പ്പാ​ന്‍റെ ആ​യു​ധ​പ്പു​ര​ക​ളും പ​ട്ടാ​ള ബാ​ര​ക്കു​ക​ളും സ്ഥി​തി ചെ​യ്യു​ന്ന കൊ​ക്കൂ​റ​യി​ൽ ബോം​ബി​ടാ​ൻ അ​മേ​രി​ക്ക തീ​രു​മാ​നി​ച്ചു. ഓ​ഗ​സ്റ്റ് ഒ​ന്പ​തി​ന് ബോ​ക്സ് കാ​ർ എ​ന്നു പേ​രാ​യ ബി-29 ​വി​മാ​ന​ത്തി​ൽ ത​ടി​യ​ൻ എ​ന്ന "ഫാ​റ്റ്മാ​ൻ' ബോം​ബ് ക​യ​റ്റി.

ഹി​രോ​ഷി​മ​യി​ൽ​നി​ന്ന് 215 കി​ലോ​മീ​റ്റ​ർ അ​ക​ലെ​യാ​ണ് കൊ​ക്കൂ​റ. പ​ക്ഷേ, അ​ന്ത​രീ​ഷം മേ​ഘാ​വൃ​ത​മാ​യ​തി​നാ​ൽ വി​മ​നം കൊ​ക്കൂ​റ​യു​ടെ ആ​കാ​ശ​ത്ത് ക‍​യ​റ്റാ​നാ​യി​ല്ല. ഹി​രോ​ഷി​മ ദൗ​ത്യ​ത്തി​ന്‍റെ പൈ​ല​റ്റാ​യ ചാ​ൾ​സ് സ്വീ​നി ത​ന്നെ​യാ​ണ് ഇ​ത്ത​വ​ണ‍​യും വി​മാ​ന​ത്തി​ലു​ള്ള​ത്. കൊ​ക്കൂ​റ​യി​ൽ ബോം​ബി​ടാ​ൻ ആ​കു​ന്ന​ത് ശ്ര​മി​ച്ചെ​ങ്കി​ലും സാ​ധി​ച്ചി​ല്ല. തീ​രു​മാ​നം മാ​റി. ഏ​താ​യാ​ലും വ​ന്ന​ത​ല്ലേ, തി​രി​ച്ചു​പോ​കു​ന്ന​തി​നു പ​ക​രം 210 കി​ലോ​മീ​റ്റ​ർ അ​ക​ലെ​യു​ള്ള നാ​ഗ​സാ​ക്കി​യി​ലേ​ക്കു വി​മാ​നം പ​റ​ന്നു. 11.02ന് ​പ​യ്യ​നെ​ക്കാ​ൾ സം​ഹാ​ര​ശേ​ഷി​യു​ള്ള ത​ടി​യ​നെ ന​ഗ​ര​ത്തി​നു മു​ക​ളി​ൽ​നി​ന്ന് ഇ​റ​ക്കി.

അ​തി​ന്‍റെ ശേ​ഷി 20,000 ട​ൺ ടി​എ​ൻ​ടി ആ​യി​രു​ന്നു. നി​മി​ഷ​ങ്ങ​ൾ​കൊ​ണ്ട് 75,00 മ​നു​ഷ്യ​ർ​ക്കൊ​പ്പം നാ​ഗ​സാ​ക്കി ചാ​ര​മാ​യി. പ്ര​ഹ​ര​ശേ​ഷി കൂ​ടു​ത​ലു​ള്ള ബോം​ബാ​ണ് വ​ർ​ഷി​ച്ച​തെ​ങ്കി​ലും ര​ണ്ടു മ​ല​ക​ൾ​ക്കി​ട​യി​ലു​ള്ള ന​ഗ​ര​മാ​യി​രു​ന്ന​തു​കൊ​ണ്ട് നാ​ശം കു​റ​ഞ്ഞു. 1945 ഓ​ഗ​സ്റ്റ് 15ന് ​ജ​പ്പാ​ൻ കീ​ഴ​ട​ങ്ങി. സ​ഖ്യ​ക​ക്ഷി​ക​ൾ വി​ജ​യി​ച്ചു..‍?

കൊ​ന്നൊ​ടു​ക്കു​ന്ന​തി​ൽ ഒ​ന്നാ​മ​താ​കു​ന്ന​വ​രെ പ​രാ​ജി​ത​ൻ എ​ന്ന​തി​നു പ​ക​രം വി​ജ​യി എ​ന്നു വി​ളി​ക്കു​ന്ന ച​രി​ത്ര​ത്തി​ൽ, മ​നു​ഷ്യ​ന്‍റെ ഹിം​സാ​ത്മ​ക ചി​ന്ത​യു​ടെ പ്ര​ലോ​ഭ​ന​ങ്ങ​ളും ശ​ത്രു​ത​യു​ടെ അ​നാ​ട്ട​മി​യും മ​റ​യി​ല്ലാ​തെ കി​ട​പ്പു​ണ്ട്.

ര​ണ്ടാം ലോ​ക​യു​ദ്ധ​ത്തി​ന്‍റെ കാ​ര്യ​മാ​ണെ​ങ്കി​ൽ, വം​ശ​ഹ​ത്യ​യി​ലൂ​ടെ ഹി​റ്റ‌​ല​റും ഫാ​സി​സ്റ്റ് ഏ​കാ​ധി​പ​ത്യ​ത്തി​ലൂ​ടെ മു​സോ​ളി​നി​യും ഹി​രോ​ഷി​മ​യു​ടെ ആ​ർ​ത്ത​നാ​ദം അ​ട​ങ്ങും​മു​ന്പ് നാ​ഗ​സാ​ക്കി​യി​ൽ ബോം​ബി​ട്ട പ്ര​സി​ഡ​ന്‍റ് ഹാ​രി എ​സ് ട്രൂ​മാ​നും അ​ങ്ങ​നെ വി​ജ​യി​ച്ച​വ​രാ​ണ്. ലോ​ക​ത്ത് ആ​ദ്യ​മാ​യി മ​നു​ഷ്യ​ർ​ക്കു​മേ​ൽ അ​ണു​ബോം​ബ് വ​ർ​ഷി​ച്ച​തി​ന്‍റെ 80-ാം വ​ർ​ഷ​ത്തി​ലേ​ക്കു ക​ട​ക്കു​ന്പോ​ഴും ആ ​ച​രി​ത്ര​ത്തി​നു മാ​റ്റ​മി​ല്ല. കൊ​ല്ലാ​നു​ള്ള കൊ​തി​ട​യ​ങ്ങി​യി​ട്ടി​ല്ല. ക​റു​ത്ത കൂ​ണു​ക​ളി​ൽ​നി​ന്ന് മ​നു​ഷ്യ​വം​ശ​ത്തി​ന് എ​ത്ര​നാ​ൾ മാ​റി​നി​ൽ​ക്കാ​നാ​കും?

അ​മേ​രി​ക്ക, റ​ഷ്യ, യു​കെ, ഫ്രാ​ൻ​സ്, ചൈ​ന, ഇ​ന്ത്യ, പാ​ക്കി​സ്ഥാ​ൻ, ഇ​സ്ര​യേ​ൽ, ഉ​ത്ത​ര​കൊ​റി​യ എ​ന്നീ രാ​ജ്യ​ങ്ങ​ളു​ടെ പ​ക്ക​ൽ 12,000 ആ​ണ​വാ​യു​ധ​ങ്ങ​ൾ ഇ​പ്പോ​ഴു​ണ്ട്. അ​തി​ന്‍റെ ചെ​റി​യൊ​രം​ശം മ​തി ഭൂ​ഗോ​ള​ത്തെ ഒ​രു വി​ഷ​ക്കൂ​ണി​ൽ ഇ​ല്ലാ​താ​ക്കാ​ൻ. ജ​യി​ക്കാ​ൻ ആ​രു​മു​ണ്ടാ​കി​ല്ല.

അ​പ്പോ​ൾ ന​മ്മു​ടെ ഹിം​സ​യു​ടെ പ്ര​ലോ​ഭ​ന​ങ്ങ​ളും ശ​ത്രു​ത​യു​ടെ അ​നാ​ട്ട​മി​യും വി​ശ്വ​രൂ​പം പ്രാ​പി​ച്ച് ഇ​ങ്ങ​നെ പ​റ​യും. ""ഞാ​ൻ മ​ര​ണ​മാ​കു​ന്നു, ലോ​ക​ത്തി​ന്‍റെ അ​ന്ത​ക​ൻ.'' പി​ന്നെ വെ​റു​പ്പും സ്നേ​ഹ​വും ഒ​ന്നു​മി​ല്ല. ആ​ദി​യി​ലെ​ന്ന​പോ​ലെ ഭൂ​മി പാ​ഴാ​യും ശൂ​ന്യ​മാ​യും കി​ട​ക്കും.


ജോ​സ് ആ​ൻ​ഡ്രൂ​സ്