തിരുവല്ല : സിസ്റ്റർ ജയിൻ എസ്ഐസി
തിരുമൂലപുരം ബഥനി മഠാംഗമായ സിസ്റ്റർ ജയിൻ എസ്ഐസി (90) അന്തരിച്ചു. സംസ്കാരം തിങ്കളാഴ്ച 10.30ന് മലങ്കര സുറിയാനി കത്തോലിക്ക സഭ കൂരിയ ബിഷപ് ഡോ. ആന്റണി മാർ സിൽവാനോസ്, മൂവാറ്റുപുഴ മുൻ രൂപതാധ്യക്ഷൻ ഡോ. ഏബ്രഹാം മാർ യൂലിയോസ് എന്നിവരുടെ കാർമികത്വത്തിൽ തിരുമൂലപുരം മഠം ചാപ്പലിൽ.
മൃതദേഹം ഞായറാഴ്ച വൈകുന്നേരം ആറിന് തിരുമൂലപുരം ബഥനി മഠത്തിൽ കൊണ്ടുവരും. പരേത അമയന്നൂർ ചുണ്ടേവാലേൽ പരേതരായ ഫാ.ജേക്കബ്അന്നമ്മ ദമ്പതികളുടെ മകളും തിരുവല്ല രൂപത മുൻ അധ്യക്ഷൻ ഗീവറുഗീസ് മാർ തിമോത്തിയോസ് മെത്രാപ്പോലീത്തയുടെ സഹോദരിയുമാണ്.
പ്രൊവിൻഷൽ സുപ്പീരിയർ, പ്രൊവിൻഷൽ കൗൺസിലർ, ചെങ്ങരൂർ സെന്റ് തെരേസാസ് എച്ച്എസ്, തിരുമൂല വിലാസം യുപിഎസ്, വെണ്ണിക്കുളം സെന്റ് തോമസ് യുപിഎസ് എന്നിവിടങ്ങളിൽ പ്രധാനാധ്യാപിക, പഴവങ്ങാടി, ചെറുകുളഞ്ഞി, വെച്ചൂച്ചിറ മഠങ്ങളിൽ സുപ്പീരിയർ പദവികളിലും സേവനം അനുഷ്ഠിച്ചു.
പരേതരായ സിസ്റ്റർ അപ്പളോണിയ, ഫാ.ജോൺ ചുണ്ടേവാലേൽ, ഗ്രേസി, ഏബ്രഹാം ജോയി എന്നിവർ മറ്റു സഹോദരങ്ങളാണ്.
Other Death Announcements