കോ​ത​മം​ഗ​ലം: പ​ഴ​യ ആ​ലു​വ - മൂ​ന്നാ​ർ രാ​ജ​പാ​ത തു​റ​ക്ക​ണ​മെ​ന്നാ​വ​ശ്യ​പ്പെ​ട്ട് ന​ട​ത്തി​യ ജ​ന​മു​ന്നേ​റ്റ യാ​ത്ര​യ്ക്ക് നേ​തൃ​ത്വം കൊ​ടു​ത്ത ബി​ഷ​പ് മാ​ർ ജോ​ർ​ജ് പു​ന്ന​ക്കോ​ട്ടി​ലി​നെ​തി​രെ എ​ടു​ത്ത കേ​സ് വ​നം​വ​കു​പ്പ് പി​ൻ​വ​ലി​ക്കും. സ​ഭ​യു​ടെ പ്ര​തി​ഷേ​ധം ശക്തമാകുന്ന പ​ശ്ചാ​ത്ത​ല​ത്തി​ലാ​ണ് കേ​സ് പി​ൻ​വ​ലി​ക്കു​ന്ന​ത്.

ബി​ഷ​പ് മാ​ർ ജോ​ർ​ജ് പു​ന്ന​ക്കോ​ട്ടി​ല​ട​ക്കം 23 പേ​ർ​ക്കെ​തി​രെ​യാ​ണ് വ​നം വ​കു​പ്പ് കേ​സെ​ടു​ത്തത്. പൊ​തു​മു​ത​ൽ ന​ശി​പ്പി​ച്ച​തി​നാ​ണു കേ​സ്. വ​നം​വ​കു​പ്പി​നു പി​ന്നാ​ലെ പോ​ലീ​സും കേ​സെ​ടു​ത്തി​രു​ന്നു.

ഇ​ന്ന് മ​ന്ത്രി പി. ​രാ​ജീ​വി​ന്‍റെ ചേം​ബ​റി​ൽ ചേ​ർ​ന്ന യോ​ഗ​ത്തി​ലാ​ണ് കേ​സ് പി​ൻ​വ​ലി​ക്കാ​ൻ തീ​രു​മാ​നി​ച്ച​ത്. ബി​ഷ​പ് മാ​ർ ജോ​ർ​ജ് പു​ന്ന​ക്കോ​ട്ടി​ലിനു പുറമേ സ​മ​ര​ത്തി​ൽ പ​ങ്കെ​ടു​ത്ത ജ​ന​പ്ര​തി​നി​ധി​ക​ൾ ഉ​ൾ​പ്പെ​ടെ​യു​ള്ള​വ​ർ​ക്കെ​തി​രാ​യ കേ​സു​ക​ളും പി​ൻ​വ​ലി​ക്കും.

പൂ​യം​കു​ട്ടി​യി​ൽ രാ​ജ​പാ​ത​യി​ലെ യാ​ത്ര ത​ട​സ​പ്പെ​ടു​ത്തി വ​നം വ​കു​പ്പ് സ്ഥാ​പി​ച്ച ക്രോ​സ് ബാ​ർ ത​ക​ർ​ത്തെ​ന്നും വാ​ഹ​ന​ത്തി​ന്‍റെ ചി​ല്ല് പൊ​ട്ടി​ച്ചു എ​ന്നു​ള്ള​തി​നും 50,000 രൂ​പ​യാ​ണു ന​ഷ്ടം ക​ണ​ക്കാ​ക്കി​യി​രി​ക്കു​ന്ന​ത്.
‌
ആ​ലു​വ-​മൂ​ന്നാ​ർ രാ​ജ​പാ​ത ഗ​താ​ഗ​ത​ത്തി​നു തു​റ​ന്നു​കൊ​ടു​ക്ക​ണ​മെ​ന്ന ആ​വ​ശ്യം വ​ർ​ഷ​ങ്ങ​ളാ​യു​ള്ള​താ​ണ്. ഇ​തി​ന്‍റെ തു​ട​ർ​ച്ച​യാ​യി​ട്ടാ​ണ് ഡീ​ൻ കു​ര്യാ​ക്കോ​സ് എം​പി​യും പ്ര​ദേ​ശ​ത്തെ മ​റ്റു ജ​ന​പ്ര​തി​നി​ധി​ക​ളും ബി​ഷ​പ് മാ​ർ ജോ​ർ​ജ് പു​ന്ന​ക്കോ​ട്ടി​ലും ന​യി​ച്ച ജ​ന​കീ​യ അ​വ​കാ​ശ​പ്ര​ഖ്യാ​പ​ന യാ​ത്ര മാ​ർ​ച്ച് 16ന് ​പൂ​യം​കു​ട്ടി​യി​ൽ ന​ട​ത്തി​യ​ത്.

1857ൽ ​തി​രു​വി​താം​കൂ​ർ രാ​ജാ​വാ​യി​രു​ന്ന ആ​യി​ല്യം തി​രു​നാ​ൾ ബാ​ല​രാ​മ​വ​ർ​മ​യു​ടെ ഉ​ത്ത​ര​വോ​ടെ​യാ​ണ് ബ്രി​ട്ടീ​ഷ് എ​ൻ​ജി​നി​യ​റാ​യ ജോ​ൺ മ​ൺ​റോ അ​ക്കാ​ല​ത്തെ പ്ര​മു​ഖ വാ​ണി​ജ്യ​കേ​ന്ദ്ര​മാ​യി​രു​ന്ന ആ​ലു​വ​യി​ൽ​നി​ന്ന് മൂ​ന്നാ​റി​ലേ​ക്കു​ള്ള പാ​ത​യു​ടെ നി​ർ​മാ​ണം തു​ട​ങ്ങി​യ​ത്.

1878ൽ ​തു​റ​ന്നു​കൊ​ടു​ത്തെ​ങ്കി​ലും 1924ലെ ​പ്ര​ള​യ​ത്തി​ൽ ര​ണ്ട് കി​ലോ​മീ​റ്റ​റോ​ളം റോ​ഡ് ഒ​ലി​ച്ചു​പോ​യ​തോ​ടെ ഗ​താ​ഗ​തം നി​ല​ച്ചു. പ​ക​രം പ​ണി​ത​താ​ണ് നേ​ര്യ​മം​ഗ​ലം വ​ഴി മൂ​ന്നാ​റി​ലേ​ക്കു​ള്ള പാ​ത. നി​ർ​മാ​താ​ക്ക​ൾ മു​ൻ​കൂ​ട്ടി ക​ണ്ട​തു​പോ​ലെ ഈ ​വ​ഴി​യി​ൽ മ​ണ്ണി​ടി​യു​ന്ന​തും റോ​ഡ് ഒ​ലി​ച്ചു​പോ​കു​ന്ന​തും പ​തി​വാ​യി.

മൂ​ന്നാ​ർ, രാ​ജ്യ​ത്തെ പ്ര​മു​ഖ വി​നോ​ദ​സ​ഞ്ചാ​ര കേ​ന്ദ്ര​മാ​യ​തോ​ടെ അ​നി​യ​ന്ത്രി​ത​മാ​യ തി​ര​ക്കു​മു​ണ്ടാ​യി. പ​ക്ഷേ, പി​ഡ​ബ്ല്യു​ഡി വ​ക​യാ​യി​രു​ന്ന രാ​ജ​പാ​ത​യി​ലെ ഗ​താ​ഗ​തം പൂ​യം​കു​ട്ടി മു​ത​ൽ വ​നം​വ​കു​പ്പ് ത​ട​ഞ്ഞി​രി​ക്കു​ക​യാ​ണ്.