ലാ​ഹോ​ർ‌: ചാ​ന്പ്യ​ൻ​സ് ട്രോ​ഫി​യി​ൽ ഇം​ഗ്ല​ണ്ടി​നെ​തി​രാ​യ മ​ത്സ​ര​ത്തി​ൽ‌ അ​ഫ്ഗാ​നി​സ്ഥാ​ന് ജ​യം. എ​ട്ട് റ​ൺ​സി​നാ​ണ് അ​ഫ്ഗാ​നി​സ്ഥാ​ൻ വി​ജ​യി​ച്ച​ത്. ഇ​തോ​ടെ സെ​മി കാ​ണാ​തെ ഇം​ഗ്ല​ണ്ട് പു​റ​ത്താ​യി.

അ​ഫ്ഗാ​നി​സ്ഥാ​ൻ ഉ​യ​ർ​ത്തി​യ 326 റ​ൺ​സ് വി​ജ​യ​ല​ക്ഷ്യം പി​ന്തു​ട​ർ​ന്ന ഇം​ഗ്ല​ണ്ട് 317 റ​ൺ​സി​ൽ ഓ​ൾ ഔ​ട്ടാ​യി. 120 റ​ൺ​സെ​ടു​ത്ത് ജോ ​റൂ​ട്ട് തി​ള​ങ്ങി​യെ​ങ്കി​ലും ടീ​മി​നെ വി​ജ​യ​ത്തി​ലെ​ത്തി​ക്കാ​നാ​യി​ല്ല. ബെ​ൻ ഡ​ക്ക​റ്റും ജോ​സ് ബ​ട്ട്ല​റും 38 റ​ൺ​സ് എ​ടു​ത്തു. ജാ​മി ഓ​വ​ർ​ട്ട​ൺ 32 റ​ൺ​സെ​ടു​ത്ത് വി​ജ​യ​ത്തി​ലേ​യ്ക്ക് ടീ​മി​നെ എ​ത്തി​ക്കാ​ൻ ശ്ര​മി​ച്ചെ​ങ്കി​ലും സാ​ധി​ച്ചി​ല്ല.

അ​ഫ്ഗാ​നി​സ്ഥാ​ന് വേ​ണ്ടി അ​ഞ്ച് വി​ക്ക​റ്റ് എ​ടു​ത്ത അ​സ​മ​ത്തു​ള്ള ഒമ​ർ​സാ​യി​യാ​ണ് ഇം​ഗ്ലീ​ഷ് ബാ​റ്റിം​ഗ് നി​ര​യെ ത​ക​ർ​ത്ത​ത്. മു​ഹ​മ്മ​ദ് ന​ബി ര​ണ്ട് വി​ക്ക​റ്റു​ക​ൾ വീ​ഴ്ത്തി. ഫ​സ​ൽ​ഹ​ഖ് ഫ​റൂ​ഖി​യും റാ​ഷി​ദ് ഖാ​നും ഗു​ൽ​ബാ​ദി​ൻ നാ​യ്ബും ഓ​രോ വി​ക്ക​റ്റ് വീ​ത​വും എ​ടു​ത്തു.

ആ​ദ്യം ബാ​റ്റ് ചെ​യ്ത അ​ഫ്ഗാ​നി​സ്ഥാ​ൻ 50 ഓ​വ​റി​ൽ ഏ​ഴ് വി​ക്ക​റ്റ് ന​ഷ്ട​ത്തി​ലാ​ണ് 325 റ​ൺ​സെ​ടു​ത്ത​ത്.177 റ​ൺ​സെ​ടു​ത്ത ഓ​പ്പ​ണ​ർ ഇ​ബ്രാ​ഹിം സ​ദ്രാ​ന്‍റെ മി​ക​വി​ലാ​ണ് അ​ഫ്ഗാ​നി​സ്ഥാ​ൻ വ​ന്പ​ൻ സ്കോ​ർ എ​ടു​ത്ത​ത്. 146 പ​ന്തി​ൽ 12 ബൗ​ണ്ട​റി​ക​ളും ആ​റ് സി​ക്സ​റും ഉ​ൾ​പ്പെ​ടു​ന്ന​താ​യി​രു​ന്നു സ​ദ്രാ​ന്‍റെ ഇ​ന്നിം​ഗ്സ്.

നാ​യ​ക​ൻ ഹ​സ​മ​ത്തു​ള്ള ഷാ​ഹി​ഡി​യും അ​സ​മ​ത്തു​ള്ള ഒ​മ​ർ​സാ​യി​യും മു​ഹ​മ്മ​ദ് ന​ബി​യും മി​ക​ച്ച പ്ര​ക​ട​ന​മാ​ണ് ന​ട​ത്തി​യ​ത്. ഒ​മ​ർ​സാ​യ് 41 റ​ൺ​സും ഷാ​ഹി​ഡി​യും ന​ബി​യും 40 റ​ൺ​സ് വീ​ത​വു​മെ​ടു​ത്തു.

ഇം​ഗ്ല​ണ്ടി​ന് വേ​ണ്ടി ജോ​ഫ്ര ആ​ർ​ച്ച​ർ മൂ​ന്ന് വി​ക്ക​റ്റു​ക​ൾ വീ​ഴ്ത്തി. ലി​ഗിം​ഗ്സ്റ്റ​ൺ ര​ണ്ടും ജാ​മി ഓ​വ​ർ​ട്ട​ണും ആ​ദി​ൽ റ​ഷീ​ദും ഓ​രോ വി​ക്ക​റ്റ് വീ​ത​വു​മെ​ടു​ത്തു.

വി​ജ​യ​ത്തോ​ടെ അ​ഫ്ഗാ​നി​സ്ഥാ​ൻ സെ​മി സാ​ധ്യ​ത സ​ജീ​വ​മാ​ക്കി. എ​ന്നാ​ൽ ആ​ദ്യ മ​ത്സ​ര​ത്തി​ൽ ഓ​സ്ട്രേ​ലി​യ​യോ​ട് പ​രാ​ജ​യ​പ്പെ​ട്ടി​രു​ന്ന ഇം​ഗ്ല​ണ്ട് ടൂ​ർ​ണ​മെ​ന്‍റി​ൽ നി​ന്ന് പു​റ​ത്താ​യി.