വിഎസ്ഡിപി നേതാവിന്റെ മകൻ അടക്കം മൂന്ന് പേർ എംഡിഎംഎയുമായി പിടിയിൽ
Wednesday, February 26, 2025 6:48 PM IST
തിരുവനന്തപുരം: വിഎസ്ഡിപി നേതാവ് നേതാവ് വിഷ്ണുപുരം ചന്ദ്രശേഖരന്റെ മകൻ ശിവജി അടക്കം മൂന്ന് പേർ എംഡിഎംഎയുമായി പിടിയിൽ. തൃശൂർ സ്വദേശി ഫവാസ്, കഴക്കൂട്ടം സ്വദേശിനി സൗമ്യ എന്നിവരാണ് ശിവജിക്കൊപ്പം പിടിയിലായത്.
ചൊവ്വാഴ്ച രാത്രി നെയ്യാറ്റിൻകര തിരുപുറത്താണ് സംഭവം. പൂവാർ പൊലീസാണ് മൂവരേയും അറസ്റ്റ് ചെയ്തത്. ഇവരിൽ നിന്ന് 110 മില്ലിഗ്രാം എംഡിഎംഎയാണ് പിടികൂടിയത്.
അറസ്റ്റ് രേഖപ്പെടുത്തിയ ശേഷം ഇവരെ സ്റ്റേഷൻ ജാമ്യത്തിൽ വിട്ടയച്ചു. എംഡിഎംഎ വലിക്കാൻ ഉപയോഗിക്കുന്ന രണ്ട് ഗ്ലാസ് ട്യൂബും പിടിച്ചിട്ടുണ്ട്.
പോലീസ് പട്രോളിംഗിന് ഇടയിൽ റോഡിൽ സംശയാസ്പദമായി കാർ കിടക്കുന്നത് കണ്ട് തെരച്ചിൽ നടത്തുകയായിരുന്നു. പോലീസ് രജിസ്റ്റർ ചെയ്ത കേസിൽ ഒന്നാം പ്രതിയാണ് ശിവജി.