കൊട്ടാരക്കരയിൽ മകൻ പിതാവിനെ കൊലപ്പെടുത്തി
Friday, October 18, 2024 1:33 PM IST
കൊട്ടാരക്കര: തൃക്കണ്ണമംഗലില് മകൻ പിതാവിനെ കൊലപ്പെടുത്തി. അജിത് നിലയത്തില് തങ്കപ്പന് ആചാരി(82) ആണ് കൊല്ലപ്പെട്ടത്. മകന് അജിത്തിനെ (45) കൊട്ടാരക്കര പോലീസ് അറസ്റ്റ് ചെയ്തു.
ഇന്ന് രാവിലെയായിരുന്നു സംഭവം. താന് അച്ഛനെ കൊലപ്പെടുത്തിയതായി അജിത്ത് സുഹൃത്തിനെ ഫോണില് അറിയിക്കുകയായിരുന്നു. പോലീസെത്തി പരിശോധിച്ചപ്പോഴാണ് വീട്ടിനുള്ളില് കഴുത്തില് തോര്ത്ത് മുറുകി മരിച്ച നിലയില് തങ്കപ്പന് ആചാരിയെ കണ്ടെത്തിയത്.
സമീപമുള്ള ആളൊഴിഞ്ഞ വീടിന്റെ തിണ്ണയില് മദ്യലഹരിയില് കിടന്നിരുന്ന അജിത്തിനെ പോലീസ് പിടികൂടുകയായിരുന്നു. വിരമിച്ച അഗ്നിശമന ഉദ്യോഗസ്ഥനായിരുന്നു തങ്കപ്പന് ആചാരി.
അജിത്തും തങ്കപ്പനാചാരിയും മാത്രമാണ് വീട്ടില് ഉണ്ടായിരുന്നത്. മദ്യപിച്ച് അച്ഛനും മകനും രാത്രി തര്ക്കമുണ്ടായതായി നാട്ടുകാര് പറയുന്നു. വിവാഹമോചിതനായ അജിത്തും മകനും ഒരുമിച്ചാണ് താമസിച്ചിരുന്നത്.