ബംഗാള് ഉള്ക്കടലില് ന്യൂനമര്ദ്ദത്തിന് സാധ്യത; ജാഗ്രത
Friday, October 18, 2024 7:36 AM IST
തിരുവനന്തപുരം: ബംഗാള് ഉള്ക്കടലില് വീണ്ടും ഒരു ന്യൂനമര്ദ്ദം രൂപപ്പെടാന് സാധ്യത. ലക്ഷദ്വീപിന് മുകളില് ചക്രവാത ചുഴി രൂപപ്പെട്ടിട്ടുണ്ട്.
ഇതിന്റെ സ്വാധീനഫലമായി സംസ്ഥാനത്ത് വരും ദിവസങ്ങളില് വ്യാപകമായി മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ഒറ്റപ്പെട്ട സ്ഥലങ്ങളില് ഇടിമിന്നലോട് കൂടിയ മഴയ്ക്ക് സാധ്യതയുള്ളതിനാല് ജാഗ്രത പാലിക്കണം. നിലവില് ബംഗാള് ഉള്ക്കടലില് ഒരു ന്യൂനമര്ദ്ദം സ്ഥിതി ചെയ്യുന്നുണ്ട്. വടക്കന് ആന്ഡമാന് കടലിനു മുകളില് ഞായറാഴ്ചയോടെ ചക്രവാതചുഴി രൂപപ്പെടാന് സാധ്യതയുണ്ട്.
ചൊവ്വാഴ്ചയോടെ മധ്യ ബംഗാള് ഉള്ക്കടലിന് മുകളില് ഇത് ന്യൂനമര്ദ്ദമായി ശക്തി പ്രാപിക്കാന് സാധ്യതയുണ്ടെന്നാണ് കാലാവസ്ഥ വകുപ്പിന്റെ പ്രവചനം.