കൊ​ല്ലം: ചി​ത​റ​യി​ല്‍ പോ​ലീ​സു​കാ​ര​നാ​യ യു​വാ​വി​നെ ക​ഴു​ത്ത​റു​ത്തു കൊ​ല​പ്പെ​ടു​ത്തി​യ നി​ല​യി​ല്‍ ക​ണ്ടെ​ത്തി​യ സം​ഭ​വ​ത്തി​ല്‍ അ​റ​സ്റ്റി​ലാ​യ പ്ര​തി​യെ റി​മാ​ന്‍​ഡ് ചെ​യ്തു. അ​ടൂ​ര്‍ പോ​ലീ​സ് ക്യാ​ന്പി​ലെ ഹ​വി​ല്‍​ദാ​ർ നി​ല​മേ​ല്‍ വ​ള​യി​ടം ച​രു​വി​ള പു​ത്ത​ന്‍​വീ​ട്ടി​ല്‍ ഇ​ര്‍​ഷാ​ദാ​ണ് (26) കൊ​ല്ല​പ്പെ​ട്ട​ത്.

കേ​സി​ല്‍ ചി​ത​റ ക​ല്ലു​വെ​ട്ടാ​ന്‍​കു​ഴി വി​ശ്വാ​സ് ന​ഗ​ര്‍ യാ​സി​ന്‍ മ​ന്‍​സി​ലി​ല്‍ മു​ഹ​മ്മ​ദ് സ​ഹ​ദി​നെ(26) സം​ഭ​വ ദി​വ​സം ത​ന്നെ പോ​ലീ​സ് ക​സ്റ്റ​ഡി​യി​ലെ​ടു​ത്തി​രു​ന്നു. സം​ഭ​വ​വു​മാ​യി ബ​ന്ധ​പ്പെ​ട്ട് ന​ട​ത്തി​യ ചോ​ദ്യം ചെ​യ്യ​ലി​ല്‍ പ്ര​തി പ​ര​സ്പ​ര വി​രു​ദ്ധ​മാ​യ കാ​ര്യ​ങ്ങ​ളാ​ണ് പ​റ​യു​ന്ന​തെ​ന്നാ​ണ് വി​വ​രം. മൊ​ഴി​ക​ൾ പ​ല​തും വി​ശ്വാ​സ​യോ​ഗ്യ​വു​മ​ല്ല.

പ്ര​തി​യു​ടെ ബ​ന്ധു​ക്ക​ളു​ടെ മൊ​ഴി​ക​ളി​ൽ പോ​ലും വൈ​രു​ധ്യ​ങ്ങ​ൾ ഉ​ണ്ട്. ഒ​ട്ടേ​റെ ദു​രൂ​ഹ​ത​ക​ൾ നി​റ​ഞ്ഞ സം​ഭ​വ​ത്തി​ല്‍ കൂ​ടു​ത​ല്‍ തെ​ളി​വു​ക​ള്‍ ശേ​ഖ​രി​ച്ച് കൊ​ല​പാ​ത​ക​ത്തി​ല്‍ മ​റ്റാ​ര്‍​ക്കെ​ങ്കി​ലും പ​ങ്കു​ണ്ടോ​യെ​ന്ന അ​ന്വേ​ഷ​ണ​ത്തി​ലാ​ണ് പോ​ലീ​സ്.

അ​ഞ്ച് വ​ര്‍​ഷം മു​മ്പ് സ്‌​പോ​ര്‍​ട്‌​സ് ക്വാ​ട്ട​യി​ലാ​ണ് ഇ​ര്‍​ഷാ​ദി​ന് പോ​ലീ​സി​ൽ ജോ​ലി ല​ഭി​ച്ച​ത്. ക​ഴി​ഞ്ഞ കു​റേ​നാ​ളു​ക​ളാ​യി ഇ​യാ​ളെ ജോ​ലി​യി​ല്‍ നി​ന്നും മാ​റ്റി നി​ര്‍​ത്തി​യി​രി​ക്കു​ക​യാ​ണ്. ജോ​ലി​ക്ക് സ്ഥി​ര​മാ​യി എ​ത്താ​ത്ത​തി​നാ​ൽ കാ​ര​ണം കാ​ണി​ക്ക​ല്‍ നോ​ട്ടീ​സ് അ​ധി​കൃ​ത​ര്‍ ന​ല്‍​കി​യി​ട്ടും മ​റു​പ​ടി ന​ല്‍​കാ​ത്ത സാ​ഹ​ച​ര്യ​ത്തി​ലാ​ണ് ജോ​ലി​യി​ല്‍ നി​ന്നും മാ​റ്റി നി​ര്‍​ത്തി​യി​രു​ന്ന​ത്.

മാ​താ​പി​താ​ക്ക​ളു​ടെ മ​ര​ണ​ശേ​ഷം നി​ല​മേ​ല്‍ വ​ള​യി​ട​ത്തെ വീ​ടു​മാ​യി ഇ​ര്‍​ഷാ​ദി​ന് വ​ലി​യ ബ​ന്ധ​മി​ല്ലാ​യി​രു​ന്നു. സു​ഹൃ​ത്തു​ക്ക​ളു​മാ​യി ക​റ​ങ്ങി ന​ട​ക്കു​ക​യാ​യി​രു​ന്നു. അ​വ​രോ​ടൊ​പ്പ​മാ​യി​രു​ന്നു താ​മ​സ​വും. അ​റ​സ്റ്റി​ലാ​യ പ്ര​തി സ​ഹ​ദ് ബാ​ല്യ​കാ​ല സു​ഹൃ​ത്താ​ണ്.

സ​ഹ​ദ് ഉ​ള്‍​പ്പെ​ട്ട ല​ഹ​രി​മ​രു​ന്ന് സം​ഘ​വു​മാ​യി ഇ​ര്‍​ഷാ​ദി​ന് ബ​ന്ധ​മു​ണ്ടാ​യി​രു​ന്ന​താ​യും ഇ​രു​വ​രും ല​ഹ​രി മ​രു​ന്ന് ഉ​പ​യോ​ഗി​ച്ചി​രു​ന്ന​താ​യും പോ​ലീ​സ് ക​ണ്ടെ​ത്തി​യി​ട്ടു​ണ്ട്. ച​ട​യ​മം​ഗ​ലം കേ​ന്ദ്ര​മാ​യി ത​ട്ടി​പ്പ് ന​ട​ത്തു​ന്ന മ​ന്ത്ര​വാ​ദി സം​ഘ​വു​മാ​യും ഇ​വ​ര്‍​ക്ക് ബ​ന്ധ​മു​ണ്ടെ​ന്നു​ള്ള ചി​ല സൂ​ച​ന​ക​ളും പോ​ലീ​സി​ന് ല​ഭി​ച്ചി​ട്ടു​ണ്ട്.

തി​ങ്ക​ളാ​ഴ്ച രാ​വി​ലെ സ​ഹ​ദി​ന്‍റെ വീ​ട്ടി​ലാ​യി​രു​ന്നു കൊ​ല​പാ​ത​കം ന​ട​ന്ന​ത്. കു​റ​ച്ച് ദി​വ​സ​മാ​യി ഇ​യാ​ൾ​ക്കൊ​പ്പ​മാ​ണ് ഇ​ര്‍​ഷാ​ദ് താ​മ​സി​ച്ചി​രു​ന്ന​ത്. പാ​രി​പ്പ​ള്ളി മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ല്‍ പോ​സ്റ്റ്മോ​ര്‍​ട്ടം ന​ട​ത്തി​യ മൃ​ത​ദേ​ഹം നി​ല​മേ​ല്‍ ക​ണ്ണ​ങ്കോ​ട് മു​സ്ലിം ജ​മാ അ​ത്ത് പ​ള്ളി ഖ​ബ​ര്‍​സ്ഥാ​നി​ല്‍ സം​സ്ക​രി​ച്ചു.