ഉപരാഷ്ട്രപതി ഡോ. ജഗ്ദീപ് ധൻകർ ഇന്ന് കേരളത്തിൽ
Saturday, July 6, 2024 4:52 AM IST
തിരുവനന്തപുരം: രണ്ട് ദിവസത്തെ സന്ദർശനത്തിനായി ഉപരാഷ്ട്രപതി ഡോ. ജഗ്ദീപ് ധൻകർ ഇന്ന് കേരളത്തിലെത്തും. വ്യോമസേനയുടെ പ്രത്യേക വിമാനത്തിൽ ശനിയാഴ്ച രാവിലെ 10.55 ന് ഉപരാഷ്ട്രപതി തിരുവനന്തപുരം വിമാനത്താവളത്തിൽ എത്തും.
11.30 ന് വലിയമലയിലെ ഇന്ത്യൻ ഇൻസ്റ്റ്യൂട്ട് ഓഫ് സ്പേസ് സയൻസ് ആൻഡ് ടെക്നോളജിയിൽ നടക്കുന്ന ബിരുദദാന ചടങ്ങിൽ പങ്കെടുത്ത് വിദ്യാർഥികൾക്ക് ഇൻസ്റ്റിറ്റ്യൂട്ടിന്റെ മെഡൽ സമ്മാനിക്കും.
മൂന്നിന് ഹെലികോപ്റ്ററിൽ കൊല്ലത്തേക്ക് യാത്ര തിരിക്കുന്ന അദ്ദേഹം അഷ്ടമുടി കായലിൽ ബോട്ട് യാത്രനടത്തും. ഞായറാഴ്ച രാവിലെ 9.15ന് കൊല്ലത്ത് നിന്ന് ഹെലികോപ്റ്ററിൽ തിരുവനന്തപുരത്ത് മടങ്ങിയെത്തുന്ന അദ്ദേഹം 9.45ന് ഡൽഹിക്ക് മടങ്ങും.