കൊ​ല്ലം: അ​പ​ക​ട​ങ്ങ​ളോ അ​ത്യാ​ഹി​ത​ങ്ങ​ളോ സം​ഭ​വി​ച്ചാ​ൽ അ​തി​നെ അ​തി​വേ​ഗം നേ​രി​ടു​ന്ന​തി​നു റെ​യി​ൽ​വേ സ്റ്റേ​ഷ​നു​ക​ളു​ടെ പ​രി​സ​ര​ത്ത് പാ​നി​ക് ബ​ട്ട​ണു​ക​ൾ സ്ഥാ​പി​ക്കു​ന്നു. തി​ര​ക്കേ​റി​യ പ്ര​ധാ​ന ന​ഗ​ര​ങ്ങ​ളി​ലെ സ്റ്റേ​ഷ​നു​ക​ളി​ലാ​ണ് ഇ​ത്ത​രം സം​വി​ധാ​നം ഏ​ർ​പ്പെ​ടു​ത്തു​ന്ന​ത്.

ആ​ദ്യ​ഘ​ട്ട​ത്തി​ൽ സെ​ൻ​ട്ര​ൽ റെ​യി​ൽ​വേ​യി​ലെ 117 സ്റ്റേ​ഷ​നു​ക​ളി​ലാ​ണ് പാ​നി​ക് ബ​ട്ട​ണു​ക​ൾ സ്ഥാ​പി​ക്കു​ന്ന​ത്. പ​രീ​ക്ഷ​ണാ​ർ​ഥം ചി​ല സ്റ്റേ​ഷ​നു​ക​ളി​ൽ ഇ​ത് ഏ​ർ​പ്പെ​ടു​ത്തി​ക്ക​ഴി​ഞ്ഞു.​ സ്റ്റേ​ഷ​നു​ക​ൾ​ക്ക് ഉ​ള്ളി​ൽ യാ​ത്ര​ക്കാ​ർ ശ്ര​ദ്ധി​ക്കു​ന്ന ത​ര​ത്തി​ൽ ഇ​രു​വ​ശ​ത്തു​മാ​യി​ട്ടാ​ണ് ബ​ട്ട​ണു​ക​ൾ സ്ഥാ​പി​ക്കു​ക.

അ​ടി​യ​ന്ത​ര സാ​ഹ​ച​ര്യ​ങ്ങ​ളി​ൽ യാ​ത്ര​ക്കാ​ർ​ക്ക് പ്ര​ത്യേ​കി​ച്ച് സ്ത്രീ​ക​ൾ​ക്ക് റെ​യി​ൽ​വേ സം​ര​ക്ഷ​ണ സേ​ന​യെ വി​വ​ര​ങ്ങ​ൾ വേ​ഗ​ത്തി​ൽ അ​റി​യി​ക്കാ​ൻ സാ​ധി​ക്കു​ന്ന ത​ര​ത്തി​ലാ​ണ് ഈ ​സം​വി​ധാ​നം രൂ​പ​ക​ൽ​പ്പ​ന ചെ​യ്തി​ട്ടു​ള്ള​ത്. യാ​ത്ര​ക്കാ​ര​ൻ പാ​നി​ക് ബ​ട്ട​ൺ അ​മ​ർ​ത്തു​മ്പോ​ൾ ആ​ർ​പി​എ​ഫ് ക​ൺ​ട്രോ​ൾ റൂ​മി​ലേ​ക്കും സ്റ്റേ​ഷ​നി​ലെ ഉ​ദ്യോ​ഗ​സ്ഥ​ർ​ക്കും ഉ​ട​ൻ ജാ​ഗ്ര​താ സ​ന്ദേ​ശം ല​ഭി​ക്കും.

ഇ​തു​വ​ഴി സി​സി​ടി​വി ദൃ​ശ്യ​ങ്ങ​ൾ പ​രി​ശോ​ധി​ച്ച് അ​ധി​കൃ​ത​ർ​ക്ക് സാ​ഹ​ച​ര്യ​ങ്ങ​ൾ വി​ല​യി​രു​ത്തി ഉ​ട​ൻ സ​ഹാ​യം എ​ത്തി​ക്കാ​നോ ഉ​ചി​ത​മാ​യ ന​ട​പ​ടി​ക​ൾ സ്വീ​ക​രി​ക്കാ​നോ സാ​ധി​ക്കും. എ​ന്നാ​ൽ ഈ ​സൗ​ക​ര്യം ദു​രൂ​പ​യോ​ഗം ചെ​യ്യാ​ൻ സാ​ധ്യ​ത​യു​ണ്ടെ​ന്ന ആ​ശ​ങ്ക​യും റെ​യി​ൽ​വേ അ​ധി​കൃ​ത​ർ​ക്കു​ണ്ട്.

പ​ക്ഷേ ട്രെ​യി​നു​ക​ളി​ലെ കോ​ച്ചു​ക​ളി​ൽ നി​ന്ന് വ്യ​ത്യ​സ്ഥ​മാ​യി ഇ​പ്പോ​ൾ രാ​ജ്യ​ത്തെ എ​ല്ലാ പ്ര​മു​ഖ റെ​യി​ൽ​വേ സ്റ്റേ​ഷ​നു​ക​ളി​ലും സി​സി​ടി​വി​ക​ൾ പ്ര​വ​ർ​ത്തി​ക്കു​ന്നു​ണ്ട്. അ​തി​നാ​ൽ ഏ​ത് നി​യ​മ​വി​രു​ദ്ധ പ്ര​വ​ർ​ത്ത​ന​വും നി​രീ​ക്ഷി​ക്ക​പ്പെ​ടും എ​ന്നും അ​ധി​കൃ​ത​ർ പ​റ​യു​ന്നു. രാ​ജ്യ​ത്തെ പ്ര​ധാ​ന റെ​യി​ൽ​വേ സ്റ്റേ​ഷ​നു​ക​ളി​ൽ പാ​നി​ക് ബ​ട്ട​ണു​ക​ൾ സ്ഥാ​പി​ക്കാ​ൻ 2023 ൽ ​റെ​യി​ൽ​വേ മ​ന്ത്രാ​ല​യം തീ​രു​മാ​നം എ​ടു​ത്തി​രു​ന്ന​താ​ണ്.

എ​ന്നാ​ൽ പി​ന്നീ​ട് തു​ട​ർ ന​ട​പ​ടി​ക​ൾ ഒ​ന്നും അ​ധി​കൃ​ത​രു​ടെ ഭാ​ഗ​ത്ത് നി​ന്ന് ഉ​ണ്ടാ​യി​ല്ല. ജൂ​ൺ ഒ​മ്പ​തി​ന് മും​ബൈ​യി​ലെ സ​ബ​ർ​ബ​ൻ മേ​ഖ​ല​യി​ൽ ഉ​ണ്ടാ​യ ലോ​ക്ക​ൽ ട്രെ​യി​ൻ ദു​ര​ന്ത​ത്തെ തു​ട​ർ​ന്നാ​ണ് അ​ടി​യ​ന്ത​ര​മാ​യി പാ​നി​ക് ബ​ട്ട​ൺ സ്ഥാ​പി​ക്കാ​ൻ മ​ന്ത്രാ​ല​യം ന​ട​പ​ടി എ​ടു​ത്ത​ത്.

റെ​യി​ൽ​ടെ​ൽ കോ​ർ​പ്പ​റേ​ഷ​ൻ ഇ​ന്ത്യ ലി​മി​റ്റ​ഡി​നാ​ണ് സ്റ്റേ​ഷ​നു​ക​ളി​ൽ ഇ​ത്ത​രം ബ​ട്ട​ണു​ക​ൾ സ്ഥാ​പി​ക്കു​ന്ന​തി​നു​ള്ള ചു​മ​ത​ല ന​ൽ​കി​യി​ട്ടു​ള്ള​ത്.