വാ​ഴ​ക്കു​ളം: വാ​ഹ​ന പ​രി​ശോ​ധ​ന​യ്ക്കി​ടെ എ​സ്ഐ​യെ കാ​റി‌​ടി​പ്പി​ച്ച് കൊ​ല​പ്പെ​ടു​ത്താ​ൻ ശ്ര​മി​ച്ച കേ​സി​ൽ മു​ഖ്യ പ്ര​തി​ക​ൾ​ക്കാ​യി അ​ന്വേ​ഷ​ണം ഊ​ർ​ജി​ത​മാ​ക്കി പോ​ലീ​സ്. കാ​റി​ലു​ണ്ടാ​യി​രു​ന്ന തൊ​ടു​പു​ഴ സ്വ​ദേ​ശി​ക​ളാ​യ ഷെ​റീ​ഫ് (ചാ​ർ സൗ​ബീ​സ്), ആ​സി​ഫ് എ​ന്നി​വ​ർ​ക്കാ​യാ​ണ് അ​ന്വേ​ഷ​ണം ന​ട​ക്കു​ന്ന​ത്.

കേ​സി​ൽ ര​ണ്ടു​പേ​രെ പോ​ലീ​സ് ക​സ്റ്റ​ഡി​യി​ലെ​ടു​ത്തി​രു​ന്നു. കാ​റി​ലു​ണ്ടാ​യി​രു​ന്ന​വ​രു​ടെ സു​ഹൃ​ത്തു​ക്ക​ളാ​യ ഈ​രാ​റ്റു​പേ​ട്ട സ്വ​ദേ​ശി​ക​ളാ​യ ഷാ​ഹി​ദ്, റ​ഫ്സ​ൽ എ​ന്നി​വ​രാ​ണ് പോ​ലീ​സ് ക​സ്റ്റ​ഡി​യി​ലു​ള്ള​ത്. പ്ര​തി​ക​ളെ ര​ക്ഷ​പ്പെ​ടു​ത്താ​ൻ സ​ഹാ​യം ന​ൽ​കി​യ​വ​രാ​ണ് ക​സ്റ്റി​ഡി​യി​ലു​ള്ള​തെ​ന്ന് ക​ല്ലൂ​ർ​ക്കാ​ട് പോ​ലീ​സ് അ​റി​യി​ച്ചു.

ഇ​തി​നി​ടെ ഉ​പേ​ക്ഷി​ക്ക​പ്പെ​ട്ട നി​ല​യി​ൽ ക​ണ്ടെ​ത്തി​യ കാ​ർ പോ​ലീ​സ് ക​സ്റ്റ​ഡി​യി​ലെ​ടു​ത്തു. കെ​എ​ൽ 63 ഡി 7933 ​ന​മ്പ​റി​ലു​ള്ള സാ​ൻ​ട്രോ കാ​ർ വെ​ങ്ങ​ല്ലൂ​ർ ഭാ​ഗ​ത്താ​ണ് ഉ​പേ​ക്ഷി​ക്ക​പ്പെ​ട്ട നി​ല​യി​ൽ ക​ണ്ട​ത്. പി​ടി​ച്ചെ​ടു​ത്ത കാ​റി​ൽ ഫോ​റ​ൻ​സി​ക് വി​ഭാ​ഗം ഉ​ദ്യോ​ഗ​സ്ഥ​ർ പ​രി​ശോ​ധ​ന ന​ട​ത്തി.

ക​ല്ലൂ​ർ​ക്കാ​ട് പോ​ലീ​സ് സ്റ്റേ​ഷ​നി​ലെ ഗ്രേ​ഡ് എ​സ്ഐ ഇ.​എം.​മു​ഹ​മ്മ​ദി​നെ​യാ​ണ് ശ​നി​യാ​ഴ്ച വൈ​കു​ന്നേ​രം നാ​ലോ​ടെ ക​ല്ലൂ​ർ​ക്കാ​ട് വ​ഴി​യാ​ഞ്ചി​റ ഭാ​ഗ​ത്തു വ​ച്ച് വാ​ഹ​നം ക​യ​റ്റി കൊ​ല​പ്പെ​ടു​ത്താ​ൻ ശ്ര​മി​ച്ച​ത്. ഗു​രു​ത​ര പ​രി​ക്കേ​റ്റ എ​സ്ഐ​ക്ക് തൊ​ടു​പു​ഴ സെ​ന്‍റ് മേ​രീ​സ് ആ​ശു​പ​ത്രി​യി​ൽ ചി​കി​ത്സ​യി​ൽ ക​ഴി​യു​ക​യാ​ണ്.

പ​തി​വു വാ​ഹ​ന പ​രി​ശോ​ധ​ന​യ്ക്കാ​യി പോ​കു​മ്പോ​ഴാ​ണ് വ​ഴി​യാ​ഞ്ചി​റ ഭാ​ഗ​ത്ത് വ​ഴി​യ​രി​കി​ൽ സം​ശ​യാ​സ്പ​ദ​മാ​യ സാ​ഹ​ച​ര്യ​ത്തി​ൽ കാ​ർ നി​ർ​ത്തി​യി​ട്ടി​രി​ക്കു​ന്ന​ത് എസ്ഐ​യു​ടെ ശ്ര​ദ്ധ​യി​ൽ​പ്പെ​ട്ട​ത്. കാ​റി​ന​ടു​ത്തെ​ത്തി ചോ​ദ്യം ചെ​യ്ത​തോ​ടെ ഡ്രൈ​വ​ർ കാ​റെ​ടു​ത്ത് എ​സ്ഐ​യെ അ​പാ​യ​പ്പെ​ടു​ത്താ​ൻ ശ്ര​മി​ച്ച ശേ​ഷം ര​ക്ഷ​പ്പെ​ടു​ക​യാ​യി​രു​ന്നു.