കോ​ഴി​ക്കോ​ട്: ന​ഗ​ര​ത്തെ ന​ടു​ക്കി​യ തീ​പി​ടി​ത്ത​ത്തി​ന്‍റെ കാ​ര​ണം ക​ണ്ടെ​ത്താ​ൻ ഇ​ന്ന് പ​രി​ശോ​ധ​ന ന​ട​ത്തും. കെ​ട്ടി​ട​പ​രി​പാ​ല​ന ച​ട്ടം പാ​ലി​ച്ചോ എ​ന്ന​ത് അ​ട​ക്കം പ​രി​ശോ​ധി​ക്കും. തീ​പി​ടി​ത്ത​ത്തിൽ ല​ക്ഷ​ങ്ങ​ളു​ടെ നാ​ശ​ന​ഷ്ട​മാ​ണ് വ്യാ​പാ​രി​ക​ൾ​ക്കു​ണ്ടാ​യ​ത്.

അ​തേ​സ​മ​യം അ​ഞ്ചു മ​ണി​ക്കൂ​റോ​ളം നീ​ണ്ട പ​രി​ശ്ര​മ​ങ്ങ​ൾ​ക്കൊ​ടു​വി​ലാ​ണ് കോ​ഴി​ക്കോ​ട് പു​തി​യ ബ​സ് സ്റ്റാ​ൻ​ഡി​ലെ ഷോ​പ്പിം​ഗ് കോം​പ്ല​ക്സി​ലു​ണ്ടാ​യ തീ​യ​ണ​ച്ച​ത്. ജി​ല്ല​യി​ലെ​യും പു​റ​ത്തു​നി​ന്നു​മു​ള്ള മു​പ്പ​തോ​ളം അ​ഗ്നി​ശ​മ​ന സേ​നാ യൂ​ണി​റ്റു​ക​ളെ​ത്തി​യാ​ണ് രാ​ത്രി പ​ത്ത​ര​യോ​ടെ തീ​യ​ണ​ച്ച​ത്.

‌തീ​പി​ടി​ത്ത​ത്തി​ന്‍റെ കാ​ര​ണം വ്യ​ക്ത​മ​ല്ലെ​ന്നും തീ ​അ​ണ​യ്ക്കാ​ൻ സാ​ധ്യ​മാ​യ​തെ​ല്ലാം ചെ​യ്തു​വെ​ന്നും എ​സ്‌​പി ടി.​നാ​രാ​യ​ണ​ൻ പ​റ​ഞ്ഞു. ജെ​സി​ബി എ​ത്തി​ച്ച് കെ​ട്ടി​ട​ത്തി​ന്‍റെ ചി​ല്ല് പൊ​ട്ടി​ച്ച് വെ​ള്ളം ശ​ക്തി​യാ​യി അ​ടി​ച്ചാ​ണ് തീ ​പൂ​ർ​ണ​മാ​യും അ​ണ​ച്ച​ത്.

തീ​പി​ടി​ത്ത​ത്തെ​ക്കു​റി​ച്ച് അ​ന്വേ​ഷി​ച്ച് റി​പ്പോ​ർ​ട്ട് സ​മ​ർ​പ്പി​ക്കാ​ൻ ജി​ല്ലാ ക​ള​ക്ട​ർ​ക്ക് ചീ​ഫ് സെ​ക്ര​ട്ട​റി നി​ർ​ദേ​ശം ന​ൽ​കി. മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍റെ നി​ർ​ദേ​ശ പ്ര​കാ​ര​മാ​ണ് അ​ന്വേ​ഷ​ണം. ര​ണ്ട് ദി​വ​സ​ത്തി​നു​ള്ളി​ൽ അ​ന്വേ​ഷി​ച്ച് റി​പ്പോ​ർ​ട്ട് ന​ൽ​കാ​നാ​ണ് ജി​ല്ലാ ക​ള​ക്ട​ർ​ക്ക് ചീ​ഫ് സെ​ക്ര​ട്ട​റി ന​ൽ​കി​യ നി​ർ​ദേ​ശം.

ഞാ​യ​റാ​ഴ്ച വൈ​കു​ന്നേ​രം അ​ഞ്ചി​നാ​ണ് പു​തി​യ ബ​സ്‌​സ്റ്റാ​ൻ​ഡി​നു സ​മീ​പ​ത്തെ വ​സ്ത്ര​വ്യാ​പാ​ര​ശാ​ല​യി​ൽ തീ​പി​ടി​ത്ത​മു​ണ്ടാ​യ​ത്.