കൊ​ച്ചി: സി​ഐ​എ​സ്എ​ഫ് ഉ​ദ്യോ​ഗ​സ്ഥ​ര്‍ യു​വാ​വി​നെ കാ​റി​ടി​പ്പി​ച്ച് കൊ​ല​പ്പെ​ടു​ത്തി​യ കേ​സി​ലെ റി​മാ​ന്‍റ് റി​പ്പോ​ര്‍​ട്ട് പു​റ​ത്ത്. ഐ​വി​ന്‍ ജി​ജോ​യെ പ്ര​തി​ക​ൾ കാ​റി​ടി​പ്പി​ച്ച​ത് കൊ​ല​പ്പെ​ടു​ത്തു​ക​യെ​ന്ന ഉ​ദ്ദേ​ശ്യ​ത്തോ​ടെ​യാ​ണെ​ന്ന് റി​മാ​ന്‍റ് റി​പ്പോ​ര്‍​ട്ടി​ൽ പ​റ​യു​ന്നു.

ക​ഴി​ഞ്ഞ ദി​വ​സം നെ​ടു​മ്പാ​ശേ​രി​യി​ൽ വ​ച്ച് വാ​ഹ​ന​ത്തി​ന് സൈ​ഡ് കൊ​ടു​ക്കു​ന്ന​തി​നെ ചൊ​ല്ലി​യു​ണ്ടാ​യ ത​ർ​ക്ക​മാ​ണ് കൊ​ല​പാ​ത​ക​ത്തി​ൽ ക​ലാ​ശി​ച്ച​ത്. നെ​ടു​മ്പാ​ശേ​രി​യി​ൽ സ്വ​കാ​ര്യ കാ​റ്റ​റിം​ഗ് സ്ഥാ​പ​ന​ത്തി​ലെ ഷെ​ഫാ​യ ഐ​വി​ൻ രാ​ത്രി വീ​ട്ടി​ൽ നി​ന്ന് ജോ​ലി​ക്ക് പോ​യ സ​മ​യ​ത്ത് സി​ഐ​എ​സ്എ​ഫ് ഉ​ദ്യോ​ഗ​സ്ഥ​രു​ടെ വാ​ഹ​നം ഐ​വി​ന്‍റെ കാ​റി​ൽ ഉ​ര​സി.

തു​ട​ർ​ന്ന് കാ​റ് മു​ന്നോ​ട്ട് എ​ടു​ക്കാ​ൻ സി​ഐ​എ​സ്എ​ഫ് ഉ​ദ്യോ​ഗ​സ്ഥ​ർ ശ്ര​മി​ച്ച​പ്പോ​ൾ ഐ​വി​ൻ കാ​റി​ന് മു​ന്നി​ൽ ഇ​രു​ന്നു. ഫോ​ണി​ൽ വീ​ഡി​യോ ചി​ത്രീ​ക​രി​ക്കാ​നും തു​ട​ങ്ങി. ഇ​തോ​ടെ കാ​ർ പെ​ട്ട​ന്ന് മു​ന്നോ​ട്ട് എ​ടു​ത്ത ഉ​ദ്യോ​ഗ​സ്ഥ​ർ ബോ​ണ​റ്റി​ൽ തൂ​ങ്ങി കി​ട​ന്ന ഐ​വി​നെ റോഡിലൂടെ വ​ലി​ച്ചി​ഴ​ച്ച് ഒ​രു കി​ലോ​മീ​റ്റ​റോ​ളം കൊ​ണ്ടു​പോ​കു​ക​യാ​യി​രു​ന്നു.

തു​ട​ർ​ന്ന് റോ​ഡി​ലേ​ക്ക് തെ​റി​ച്ച് വീ​ണ ഐ​വി​ന്‍റെ ദേ​ഹ​ത്തു​കൂ​ടെ കാ​ർ ക​യ​റ്റി​യി​റ​ക്കു​ക​യാ​യി​രു​ന്നു. പിന്നീട് പോ​ലീ​സ് ന​ട​ത്തി​യ അ​ന്വേ​ഷ​ണ​ത്തി​ലാ​ണ് സി​ഐ​എ​സ്എ​ഫ് എ​സ്ഐ വി​ന​യ​കു​മാ​ര്‍, കോ​ണ്‍​സ്റ്റ​ബി​ള്‍ മോ​ഹ​ന്‍ എ​ന്നി​വ​ർ അ​റ​സ്റ്റി​ലാ​യ​ത്.