കൊ​ച്ചി: നെ​ടു​മ്പാ​ശേ​രി​യി​ൽ വാ​ഹ​ന​ത്തി​നു സൈ​ഡ് കൊ​ടു​ക്കു​ന്ന​തി​ലെ ത​ർ​ക്ക​ത്തി​നി​ടെ സി​ഐ​എ​സ്എ​ഫ് ഉ​ദ്യോ​ഗ​സ്ഥ​ർ കാ​റി​ടി​ച്ച് കൊ​ല​പ്പെ​ടു​ത്തി​യ ഐ​വി​ൻ ജി​ജോ​യു​ടെ സം​സ്കാ​രം ഇ​ന്ന് ന​ട​ക്കും. ഉ​ച്ച​യ്ക്ക് 2.30ന് ​തു​റ​വൂ‍​ർ സെ​ന്‍റ് അ​ഗ​സ്റ്റി​ൻ പ​ള്ളി​യി​ലാ​ണ് സം​സ്കാ​രം.

അ​തേ​സ​മ​യം കേ​സി​ല്‍ പ്ര​തി​ക​ളാ​യ ര​ണ്ട് സി​ഐ​എ​സ്എ​ഫ് ഉ​ദ്യോ​ഗ​സ്ഥ​രെ സ​സ്പെ​ൻ​ഡു​ചെ​യ്തു. സി​ഐ​എ​സ്എ​ഫ് എ​സ്ഐ വി​ന​യ​കു​മാ​ര്‍, കോ​ണ്‍​സ്റ്റ​ബി​ള്‍ മോ​ഹ​ന്‍ എ​ന്നി​വ​രെ​യാ​ണ് സ​സ്പെ​ൻ​ഡ് ചെ​യ്ത​ത്.

തു​റ​വൂ​ര്‍ സ്വ​ദേ​ശി ഐ​വി​ന്‍ ജി​ജോ (24) യു​ടെ മ​ര​ണ​മാ​ണ് കൊ​ല​പാ​ത​ക​മാ​ണെ​ന്ന് പോ​ലീ​സ് സ്ഥി​രീ​ക​രി​ച്ച​ത്. പി​ന്നാ​ലെ പ്ര​തി​ക​ളെ പോ​ലീ​സ് അ​റ​സ്റ്റ് ചെ​യ്തി​രു​ന്നു. നെ​ടു​മ്പാ​ശേ​രി വി​മാ​ന​ത്താ​വ​ള​ത്തി​ന് സ​മീ​പ​മു​ള്ള നാ​യ​ത്തോ​ട് ബു​ധ​നാ​ഴ്ച രാ​ത്രി​യാ​ണ് സം​ഭ​വം. കാ​റി​ല്‍ ര​ണ്ട് സി​ഐ​എ​സ്എ​ഫ് ഉ​ദ്യോ​ഗ​സ്ഥ​രാ​ണ് ഉ​ണ്ടാ​യി​രു​ന്ന​ത്.

വാ​ഹ​ന​ത്തി​ന് സൈ​ഡ് ന​ല്‍​കു​ന്ന​തു​മാ​യി ബ​ന്ധ​പ്പെ​ട്ട് സി​ഐ​എ​സ്എ​ഫ് ഉ​ദ്യോ​ഗ​സ്ഥ​രും ഐ​വി​നും ത​മ്മി​ല്‍ ത​ര്‍​ക്കം ഉ​ണ്ടാ​യി. ഇ​തി​നി​ടെ ഐ​വി​ന്‍ സി​ഐ​എ​സ്എ​ഫ് ഉ​ദ്യോ​ഗ​സ്ഥ​ന്‍ ഓ​ടി​ച്ച കാ​റി​ന് മു​ന്നി​ല്‍ ക​യ​റി നി​ന്നു. ഇ​ത് ക​ണ​ക്കാ​ക്കാ​തെ സി​ഐ​എ​സ്എ​ഫ് ഉ​ദ്യോ​ഗ​സ്ഥ​ന്‍ കാ​ര്‍ മു​ന്നോ​ട്ടെ​ടു​ത്ത​താ​യാ​ണ് പോ​ലീ​സി​ന്‍റെ പ്രാ​ഥ​മി​ക നി​ഗ​മ​നം.

കാ​ര്‍ ഇ​ടി​ച്ച് ബോ​ണ​റ്റി​ലേ​ക്ക് വീ​ണ ഐ​വി​നെ കു​റ​ച്ചു​ദൂ​രം വ​ലി​ച്ചി​ഴ​ച്ചു. തു​ട​ര്‍​ന്ന് താ​ഴേ​ക്ക് വീ​ണ് ഐ​വി​ന് ഗു​രു​ത​ര​മാ​യി പ​രി​ക്കേ​റ്റെ​ന്നാ​ണ് വി​വ​രം. വി​മാ​ന​ത്താ​വ​ള​ത്തി​ന് അ​ടു​ത്തു​ള്ള ഹോ​ട്ട​ലി​ലെ ഷെ​ഫാ​ണ് ഐ​വി​ന്‍. ജോ​ലി ക​ഴി​ഞ്ഞ് രാ​ത്രി​യി​ല്‍ തി​രി​കെ പോ​കു​ന്ന​തി​നി​ടെ​യാ​ണ് സം​ഭ​വം ഉ​ണ്ടാ​യ​ത്.