കോ​ൽ​ക്ക​ത്ത: ഐ​പി​എ​ല്ലി​ൽ രാ​ജ​സ്ഥാ​ൻ റോ​യ​ൽ​സി​നെ​തി​രെ കോ​ൽ​ക്ക​ത്ത നൈ​റ്റ് റൈ​ഡേ​ഴ്സി​ന് ത​ക​ർ​പ്പ​ൻ ജ​യം. ഒ​രു റ​ണ്ണി​ന്‍റെ ജ​യ​മാ​ണ് കോ​ൽ​ക്ക​ത്ത സ്വ​ന്ത​മാ​ക്കി​യ​ത്.

ടോ​സ് നേ​ടി ആ​ദ്യം ബാ​റ്റു​ചെ​യ്ത കോ​ൽ​ക്ക​ത്ത ഉ​യ​ർ​ത്തി​യ 206 റ​ൺ​സ് മ​റി​ക​ട​ക്കാ​ൻ രാ​ജ​സ്ഥാ​നാ​യി​ല്ല. 20 ഓ​വ​റി​ൽ എ​ട്ട് വി​ക്ക​റ്റ് ന​ഷ്ട​ത്തി​ൽ 205 റ​ൺ​സാ​ണ് രാ​ജ​സ്ഥാ​ന് നേ​ടാ​നാ​യ​ത്.

ക്യാ​പ്റ്റ​ൻ റി​യാ​ൻ പ​രാ​ഗ് ത​ക​ർ​ത്ത​ടി​ച്ച് സെ​ഞ്ചു​റി​ക്ക​രി​കെ​യെ​ത്തി​യെ​ങ്കി​ലും ഹ​ർ​ഷി​ത് റാ​ണ​യു​ടെ പ​ന്തി​ൽ പു​റ​ത്താ​കു​ക​യാ​യി​രു​ന്നു. 45 പ​ന്തി​ൽ എ​ട്ട് സി​ക്സും ആ​റ് ഫോ​റും അ​ട​ക്കം 95 റ​ൺ​സ് അ​ടി​ച്ചു​കൂ​ട്ടി​യ പ​രാ​ഗ് ആ​ണ് രാ​ജ​സ്ഥാ​ന്‍റെ ടോ​പ് സ്കോ​റ​ർ.

യ​ശ​സ്വി ജ​യ്സ്വാ​ൾ 21 പ​ന്തി​ൽ അ​ഞ്ച് ഫോ​റും ഒ​രു സി​ക്സും അ​ട​ക്കം 34 റ​ൺ​സും ഷിം​റോ​ൺ ഹെയ്റ്റ്മെ​യ്ർ 23 പ​ന്തി​ൽ 29 റ​ൺ​സു​മെ​ടു​ത്ത് തി​ള​ങ്ങി.

കോ​ൽ​ക്ക​ത്ത​യ്ക്കാ​യി മൊ​യീ​ൻ അ​ലി, ഹ​ർ​ഷി​ത് റാ​ണ, വ​രു​ൺ ച​ക്ര​വ​ർ​ത്തി എ​ന്നി​വ​ർ ര​ണ്ട് വി​ക്ക​റ്റു​ക​ൾ വീ​തം വീ​ഴ്ത്തി. വൈ​ഭ​വ് അ​രോ​ര ഒ​രു വി​ക്ക​റ്റും എ​ടു​ത്തു.

ടോ​സ് നേ​ടി ആ​ദ്യം ബാ​റ്റിം​ഗ് തെ​ര​ഞ്ഞെ​ടു​ത്ത കോ​ൽ​ക്ക​ത്ത 20 ഓ​വ​റി​ൽ നാ​ല് വി​ക്ക​റ്റ് ന​ഷ്ട​ത്തി​ൽ 206 റ​ൺ​സാ​ണ് അ​ടി​ച്ചെ​ടു​ത്ത​ത്. അ​ർ​ധ സെ​ഞ്ചു​റി നേ​ടി​യ ആ​ൻ​ഡ്രി റ​സ​ലി​ന്‍റെ (57) ഇ​ന്നിം​ഗ്സാ​ണ് കോ​ൽ​ക്ക​ത്ത​യെ മി​ക​ച്ച സ്കോ​ർ പ​ടു​ത്തു​യ​ർ​ത്താ​ൻ സ​ഹാ​യി​ച്ച​ത്. 25 പ​ന്തി​ൽ നാ​ല് ഫോ​റും ആ​റ് സി​ക്സും അ​ട​ങ്ങു​ന്ന​താ​യി​രു​ന്നു കോ​ൽ​ക്ക​ത്ത​യു​ടെ ടോ​പ് സ്കോ​റ​റാ​യ ആ​ൻ​ഡ്രി റ​സ​ലി​ന്‍റെ ഇ​ന്നിം​ഗ്സ്.

കോ​ൽ​ക​ത്ത​യ്ക്കാ​യി റ​ഹ്മാ​നു​ള്ള ഗു​ർ​ബാ​സ് 25 പ​ന്തി​ൽ 35 റ​ൺ​സും ക്യാ​പ്റ്റ​ൻ അ​ജി​ൻ​ക്യ റ​ഹാ​നെ 24 പ​ന്തി​ൽ 30 റ​ൺ​സും അ​ൻ​ഗ്ക്രി​ഷ് ര​ഘു​വ​ൻ​ശി 31 പ​ന്തി​ൽ 44 റ​ൺ​സും എ​ടു​ത്ത് തി​ള​ങ്ങി.

രാ​ജ​സ്ഥാ​നാ​യി ജോ​ഫ്ര ആ​ർ​ച്ച​ർ, ‍യു​ദ്ധ്‌​വീ​ർ സിം​ഗ് ച​ര​ക്, മ​ഹേ​ഷ് തീ​ക്ഷ​ണ, റി​യാ​ൻ പ​രാ​ഗ് എ​ന്നി​വ​ർ ഓ​രോ വി​ക്ക​റ്റ് വീ​തം വീ​ഴ്ത്തി.