ന്യൂ​ഡ​ല്‍​ഹി: വോ​ട്ട​ര്‍​പ​ട്ടി​ക കൂ​ടു​ത​ൽ സു​താ​ര്യ​മാ​ക്കാ​ന്‍ മൂ​ന്ന് പ​രി​ഷ്ക്കാ​ര​ങ്ങ​ളു​മാ​യി തെ​ര​ഞ്ഞെ​ടു​പ്പ് ക​മ്മീ​ഷ​ന്‍. മാ​ർ​ച്ചിൽ ന​ട​ത്തിയ സം​സ്ഥാ​ന തെ​ര​ഞ്ഞെ​ടു​പ്പ് ഓ​ഫീ​സ​ർ​മാ​രു​ടെ സ​മ്മേ​ള​ന​ത്തി​ൽ മു​ഖ്യ തെ​ര​ഞ്ഞെ​ടു​പ്പ് ക​മ്മീ​ഷ​ണ​ർ ഗ്യാ​നേ​ഷ് കു​മാ​ർ നൽകിയ നിർദേശങ്ങൾക്ക​നു​സൃ​ത​മാ​യാ​ണ് ഈ ​ന​ട​പ​ടി.

ഇ​നി മു​ത​ൽ ര​ജി​സ്ട്രാ​ർ ജ​ന​റ​ലി​ൽ നി​ന്ന് ഇ​ല​ക്ട്രോ​ണി​ക് മാ​ർ​ഗം മ​ര​ണ ര​ജി​സ്ട്രേ​ഷ​ൻ ഡാ​റ്റ തെ​ര​ഞ്ഞെ​ടു​പ്പ് ക​മ്മീ​ഷ​ന് ല​ഭ്യ​മാ​ക്കും. ബി​എ​ല്‍​ഒ മാ​ര്‍​ക്ക് സ്റ്റാ​ന്‍​ഡേ​ര്‍​ഡ് ഫോ​ട്ടോ ഐ​ഡി കാ​ര്‍​ഡ് ന​ല്‍​കും. വോ​ട്ട​ര്‍ ഇ​ന്‍​ഫ​ര്‍​മേ​ഷ​ന്‍ സ്ലി​പ്പു​ക​ള്‍ കൂ​ടു​ത​ല്‍ വോ​ട്ട​ര്‍ സൗ​ഹൃ​ദ​മാ​ക്കു​ക തു​ട​ങ്ങി​യ പ​രി​ഷ്‌​ക്കാ​ര​ങ്ങ​ളാ​ണ് ന​ട​ത്തു​ന്ന​ത്.

മ​രി​ച്ച​വ​രെ ഒ​ഴി​വാ​ക്കാ​ന്‍ ഔ​ദ്യോ​ഗി​ക​മാ​യി അ​പേ​ക്ഷ ന​ല്‍​കേ​ണ്ട​തി​ല്ലെ​ന്നും ക​മ്മീ​ഷ​ന്‍ അ​റി​യി​ച്ചു. മ​ര​ണ ര​ജി​സ്‌​ട്രേ​ഷ​ന്‍ ന​ട​ക്കു​മ്പോ​ള്‍ ഇ​ല​ക്ട്ര​ല്‍ ഡാ​റ്റ ബേ​സി​ല്‍ എ​ത്തു​ന്ന ത​ല​ത്തി​ലാ​ണ് പു​തി​യ ക്ര​മീ​ക​ര​ണ​ങ്ങ​ൾ.

വോ​ട്ട​ര്‍ സ്ലി​പ്പി​ന്‍റെ ഡി​സൈ​ന്‍ പ​രി​ഷ്‌​ക​രി​ക്കു​ന്ന​തി​ന്‍റെ ഭാ​ഗ​മാ​യി വോ​ട്ട​ര്‍​മാ​രു​ടെ പേ​രും സീ​രി​യ​ല്‍ ന​മ്പ​റും വ​ലി​യ അ​ക്ഷ​ര​ത്തി​ല്‍ ഡി​സ്‌​പ്ലേ ചെ​യ്യും. ഇ​തു​മൂ​ലം പോ​ളിം​ഗ് സ്റ്റേ​ഷ​ന്‍ വേ​ഗം തി​രി​ച്ച​റി​യാ​നും, പോ​ളിം​ഗ് ഉ​ദ്യോ​ഗ​സ്ഥ​ര്‍​ക്ക് വോ​ട്ട​ര്‍ പ​ട്ടി​ക​യി​ല്‍ പേ​രു​ക​ള്‍ എ​ളു​പ്പ​ത്തി​ല്‍ ക​ണ്ടെ​ത്താ​നു​മാ​കും.

ഫോ​ട്ടോ​ക​ള്‍ കൂ​ടു​ത​ല്‍ വ്യ​ക്ത​മാ​കു​ന്ന നി​ല​യി​ല്‍ പ്രി​ന്‍റ് ചെ​യ്യാ​നും തെ​ര​ഞ്ഞെ​ടു​പ്പ് ക​മ്മീ​ഷ​ന്‍ നി​ര്‍​ദേ​ശി​ച്ചു.