കണ്ടുകൊണ്ടിരിക്കെ ടിവി പൊട്ടിത്തെറിച്ചു, പിന്നാലെ തീപിടിത്തം; വിദ്യാര്ഥിക്ക് പരിക്ക്
Wednesday, April 30, 2025 2:32 PM IST
കല്പ്പറ്റ: വയനാട് കല്പ്പറ്റയിൽ ടിവി പൊട്ടിത്തെറിച്ച് വിദ്യാര്ഥിക്ക് പരിക്ക്. കല്പ്പറ്റ അമ്പിലേരിയിലാണ് സംഭവം. കുട്ടികൾ ടിവി കണ്ടുകൊണ്ടിരിക്കെ വലിയ ശബ്ദത്തോടെ പൊട്ടിത്തെറിക്കുകയായിരുന്നു. തുടർന്ന് വീട്ടിലേക്ക് തീ ആളിപ്പടർന്നതോടെ ഫയര്ഫോഴ്സെത്തിയാണ് തീയണച്ചത്.
കൈക്ക് പരിക്കേറ്റ വിദ്യാർഥിയെ കൽപ്പറ്റയിലെ സ്വകാര്യ ആശുപത്രിയിൽ പ്രവേശിപ്പിച്ചു. വിദ്യാര്ഥിയുടെ ആരോഗ്യ നില ഗുരുതരമല്ല. ഷോർട്ട് സർക്യൂട്ട് ആണ് പൊട്ടിത്തെറിക്ക് കാരണമെന്നാണ് സൂചന. തീപിടിത്തത്തിൽ വീടിനും വീട്ടിലെ സാധനങ്ങള്ക്കും കേടുപാടു സംഭവിച്ചു.