പാ​ല​ക്കാ​ട്: ഭി​ന്ന​ശേ​ഷി​ക്കാ​ർ​ക്കാ​യു​ള്ള കെ​യ​ർ സെ​ന്‍റ​റി​ന് ആ​ർ​എ​സ്എ​സ് നേ​താ​വ് ഹെ​ഡ്ഗേ​വാ​റി​ന്‍റെ പേ​ര് ന​ൽ​കാ​നു​ള്ള ന​ട​പ​ടി​യി​ൽ ശ​ക്ത​മാ​യ പ്ര​തി​ഷേ​ധ​വു​മാ​യി കോ​ൺ​ഗ്ര​സ്. ഹെ​ഡ്ഗേ​വാ​റി​ന്‍റെ പേ​രി​ൽ ഇ​ങ്ങ​നൊ​രു സ്ഥാ​പ​നം പാ​ല​ക്കാ​ട് ഉ​യ​രി​ല്ല എ​ന്ന് ഉ​റ​പ്പി​ച്ച് പ​റ​യു​ന്ന ത​ര​ത്തി​ലു​ള്ള പ്ര​തി​ഷേ​ധ​ങ്ങ​ളു​മാ​യി മു​ന്നോ​ട്ടു​പോ​കു​മെ​ന്ന് രാ​ഹു​ൽ മാ​ങ്കൂ​ട്ട​ത്തി​ൽ എം​എ​ൽ​എ പ​റ​ഞ്ഞു.

"ഇ​ത് ആ​രു​ടെ തീ​രു​മാ​ന​മാ​ണ്. ഇ​ത്ത​ര​മൊ​രു സ്ഥാ​പ​ന​ത്തി​ന് പേ​ര് കൊ​ടു​ക്കു​മ്പോ​ൾ മു​ൻ​സി​പ്പ​ൽ കൗ​ൺ​സി​ലി​ൽ ആ ​തീ​രു​മാ​നം വ​ച്ചി​ട്ടു​ണ്ടോ. ഗാ​ന്ധി​ജി​യു​ടെ പേ​രോ നെ​ഹ്റു​വി​ന്‍റെ പേ​രോ ഒ​രു സ്ഥാ​പ​ന​ത്തി​ന് ഇ​ടു​ക​യാ​ണെ​ങ്കി​ൽ ര​ഹ​സ്യ​മാ​യി ഇ​ടു​മോ. ഇ​എം​എ​സി​ന്‍റെ പേ​ര് ഒ​രു സ്ഥാ​പ​ന​ത്തി​ന് ഇ​ടു​ന്ന​ത് ര​ഹ​സ്യ​മാ​യാ​ണോ. ഇ​ത് പ​ര​സ്യ​മാ​യി പ​റ​യാ​ൻ കൊ​ള്ളാ​ത്ത​താ​ണെ​ന്ന് ഇ​വ​ർ​ക്ക് ത​ന്നെ ഒ​രു ബോ​ധ്യ​മു​ണ്ട്. അ​ത്കൊ​ണ്ടാ​ണ് ര​ഹ​സ്യ​മാ​യി ഒ​ളി​ച്ച് ക​ട​ത്താ​ൻ ശ്ര​മി​ക്കു​ന്ന​ത്' .

"ഇ​ത് ആ​ർ​എ​സ്എ​സു​കാ​ര​ന്‍റെ പാ​ര​മ്പ​ര്യ ഭൂ​മി​യ​ല്ല. അ​ങ്ങ​നെ​യു​ള്ള ഭൂ​മി​യി​ൽ അ​വ​ർ ഇ​ഷ്ട​മു​ള്ള പേ​ര് കൊ​ടു​ത്തോ​ട്ടെ. എ​ന്നാ​ൽ ന​മ്മ​ളുടെ ക​രം​കൊ​ടു​ത്ത് മു​ൻ​സി​പ്പാ​ലി​റ്റി വാ​ങ്ങി​യ ഒ​രു പൊ​തു​വി​ട​ത്തി​ൽ ഒ​രു കാ​ര​ണ​വ​ശാ​ലും ഇ​ങ്ങ​നൊ​രു പേ​ര് അ​നു​വ​ദി​ക്കി​ല്ല. ഞ​ങ്ങ​ൾ ഈ ​പ്ര​തി​ഷേ​ധം തു​ട​രും'.

"ഈ ​രാ​ജ്യ​ത്തെ ക്രി​സ്ത്യാ​നി​ക​ളും മു​സ്‌​ലീ​ങ്ങ​ളും ആ​ഭ്യ​ന്ത​ര ശ​സ്ത്രു​ക്ക​ളാ​ണെ​ന്ന് പ​റ​യു​ന്ന​താ​ണോ പ്ര​ത്യ​യ​ശാ​സ്ത്രം. ഹി​റ്റ്ല​ർ ജ​ർ​മ​നി​യി​ൽ തെ​ര​ഞ്ഞെ​ടു​പ്പി​ൽ മ​ത്സ​രി​ച്ച് 33 ശ​ത​മാ​നം വോ​ട്ട് നേ​ടി​ജ​യി​ച്ച​യാ​ളാ​ണ്. അ​തു​കൊ​ണ്ട് ഹി​റ്റ്ല​ർ ശ​രി​യാ​ണെ​ന്ന് പ​റ​യാ​ൻ ക​ഴി​യു​മോ. ആ ​ഹി​റ്റ​ല​റി​ന്‍റെ അ​വ​സ്ഥ എ​ന്താ​യി​രു​ന്നു​വെ​ന്ന് ച​രി​ത്രം അ​റി​യാ​വു​ന്ന​വ​ർ​ക്ക് അ​റി​യാം'.

"ബ്രി​ട്ടീ​ഷു​കാ​ർ ഇ​ന്ത്യ​ഭ​രി​ച്ചി​രു​ന്ന​കാ​ല​ത്ത് തേ​ങ്ങ മോ​ഷ​ണ​ത്തി​ന് അ​റ​സ്റ്റി​ലാ​യ വ്യ​ക്തി​യെ സ്വാ​ത​ന്ത്ര സ​മ​ര​സേ​നാ​നി​യെ​ന്ന് വി​ളി​ക്കു​മോ. സ്വാ​ത​ന്ത്ര്യ​ത്തി​ന് വേ​ണ്ടി​പോ​രാ​ടു​ക​യും ഒ​രു മ​തേ​ത​ര ജ​നാ​ധി​പ​ത്യ റി​പ്പ​ബ്ലി​ക്കാ​യ ഇ​ന്ത്യ​ക്ക് വേ​ണ്ടി പ്ര​വ​ർ​ത്തി​ച്ച​രെ​യാ​ണ് സ്വാ​ത​ന്ത്ര്യ സ​മ​ര​സേ​നാ​നി​ക​ൾ എ​ന്ന് വി​ളി​ക്കു​ന്ന​ത്'.

"പൊ​തു​വി​ട​ത്തി​ൽ ഹെ​ഡ്ഗേ​വാ​റി​ന്‍റെ പേ​രി​ൽ ഒ​രു കെ​ട്ടി​ട​മു​ണ്ടാ​വു​ക​യി​ല്ല. ഇ​ക്കാ​ര്യ​ത്തി​ൽ അ​ടി​സ്ഥാ​ന​പ​ര​മാ​യ നി​യ​മ​ലം​ഘ​നം ന​ട​ന്നി​ട്ടു​ണ്ട്. അ​തോ​ടൊ​പ്പം ത​ന്നെ ഇ​ത് സി​എ​സ്ആ​ർ ഫ​ണ്ടി​ലാ​ണ് വ​രു​ന്ന​ത്. ആ ​സ്ഥാ​പ​ന​ത്തോ​ടും ചോ​ദ്യം​ചോ​ദി​ക്കാ​നു​ണ്ട്. ഈ ​രാ​ജ്യ​ത്തെ വി​ഭ​ജി​ച്ച ഹെ​ഡ്ഗേ​വാ​റി​ന്‍റെ പേ​രി​ലാ​ണോ ഈ ​സ്ഥാ​പ​ന​ത്തി​ന് പ​ണം കൊ​ടു​ക്കു​ന്ന​തെ​ന്ന് ഓ​ഷ്യാ​നെ​സ് എ​ന്ന ക​മ്പ​നി​യോ​ടും ചോ​ദി​ക്കും. അ​തോ​ടൊ​പ്പം ത​ദ്ദേ​ശ സ്വ​യം​ഭ​ര​ണ​വ​കു​പ്പ് മ​ന്ത്രി​ക്ക് കോ​ൺ​ഗ്ര​സും യൂ​ത്ത്കോ​ൺ​ഗ്ര​സും പ​രാ​തി ന​ൽ​കും'.-​രാ​ഹു​ൽ മാ​ങ്കൂ​ട്ട​ത്തി​ൽ പ​റ​ഞ്ഞു.

അതേസമയം, രാ​ഹു​ൽ മാ​ങ്കൂ​ട്ട​ത്തി​ലി​ന്‍റെ നേ​തൃ​ത്വ​ത്തി​ൽ പാ​ല​ക്കാ​ട് ന​ഗ​ര​സ​ഭ​യി​ലേ​ക്ക് മാ​ർ​ച്ച് ന​ട​ന്നു. പ്ര​തി​ഷേ​ധം ശ​ക്ത​മാ​യ​തോ​ടെ പ്ര​തി​ഷേ​ധ​ക്കാ​രും പോ​ലീ​സും ത​മ്മി​ൽ ഉ​ന്തും​ത​ള്ളു​മു​ണ്ടാ​യി. പ്ര​വ​ർ​ത്ത​ക​രെ പോ​ലീ​സ് ക​സ്റ്റ​ഡി​യി​ലെ​ടു​ത്തു.