പ​ത്ത​നം​തി​ട്ട: കോ​വി​ഡ് ബാ​ധി​ത​യെ ആം​ബു​ല​ൻ​സി​ൽ വ​ച്ച് പീ​ഡി​പ്പി​ച്ച കേ​സി​ലെ പ്ര​തി​ക്കു​ള്ള ശി​ക്ഷ ഇ​ന്ന് വി​ധി​ക്കും. കേ​സി​ലെ പ്ര​തി​യാ​യ കാ​യം​കു​ളം കീ​രി​ക്കാ​ട് സൗ​ത്ത് പ​ന​യ്ക്ക​ച്ചി​റ​യി​ല്‍ നൗ​ഫ​ൽ (29) കു​റ്റ​ക്കാ​ര​നാ​ണെ​ന്ന് കോ​ട​തി ക​ഴി​ഞ്ഞ ദി​വ​സം വി​ധി​ച്ചി​രു​ന്നു. പ്രി​ൻ​സി​പ്പ​ൽ സെ​ഷ​ൻ​സ് കോ​ട​തി​യാ​ണ് ഇ​ന്ന് ശി​ക്ഷ വി​ധി​ക്കു​ക.

ഐ​പി​സി 366, 376, 354 എ​ന്നീ വ​കു​പ്പു​ക​ൾ പ്ര​കാ​ര​വും പ​ട്ടി​ക​ജാ​തി പീ​ഡ​ന നി​രോ​ധ​ന നി​യ​മം 5 എ ​വ​കു​പ്പു​പ്ര​കാ​ര​വു​മാ​ണ് ഇ​യാ​ൾ കു​റ്റം ചെ​യ്ത​താ​യി കോ​ട​തി വ്യ​ക്ത​മാ​ക്കി​യി​ട്ടു​ള്ള​ത്. പ്ര​തി​ക്കു ജീ​വ​പ​ര്യ​ന്തം ത​ട​വ് ന​ൽ​ക​ണ​മെ​ന്ന് പ്രോ​സി​ക്യൂ​ട്ട​ർ ടി. ​ഹ​രി​കൃ​ഷ്ണ​ൻ വാ​ദി​ച്ചു.

2020 സെ​പ്റ്റം​ബ​ര്‍ അ​ഞ്ചി​നാ​ണ് സം​ഭ​വം ഉ​ണ്ടാ​യ​ത്. പ​ന്ത​ളം സ്വ​ദേ​ശി​യാ​യ യു​വ​തി​യെ അ​ടൂ​രി​ലെ ആ​ശു​പ​ത്രി​യി​ല്‍​നി​ന്നും പ​ന്ത​ളം അ​ര്‍​ച്ച​ന ആ​ശു​പ​ത്രി​യി​ലെ കോ​വി​ഡ് സെ​ന്‍റ​റി​ലേ​ക്ക് കൊ​ണ്ടു​പോ​കു​ന്ന​തി​നി​ടെ ആ​റ​ന്മു​ള വി​മാ​ന​ത്താ​വ​ള പ​ദ്ധ​തി​പ്ര​ദേ​ശ​ത്ത് കൊ​ണ്ടു​പോ​യി ആം​ബു​ല​ന്‍​സി​ല്‍ വ​ച്ച് ക്രൂ​ര​മാ​യി പീ​ഡി​പ്പി​ച്ചെ​ന്നാ​ണ് കേ​സ്. പീ​ഡ​ന വി​വ​രം പെ​ണ്‍​കു​ട്ടി ആ​രോ​ടും പ​റ​യി​ല്ലെ​ന്നാ​ണ് നൗ​ഫ​ൽ ക​രു​തി​യ​ത്.

പെ​ണ്‍​കു​ട്ടി പ​റ​യു​ന്ന​ത് മു​ഴു​വ​ന്‍ ക​ള​വാ​ണെ​ന്നും കു​ട്ടി​ക്ക് മാ​ന​സി​ക​നി​ല ശ​രി​യ​ല്ലെ​ന്നു​മാ​യി​രു​ന്നു ഇ​യാ​ൾ ആ​ദ്യം പോ​ലീ​സി​നോ​ടു പ​റ​ഞ്ഞ​ത്. എ​ന്നാ​ൽ ഫോ​ണി​ൽ വി​ളി​ച്ച് പോ​ലീ​സ് പെ​ൺ​കു​ട്ടി​യു​ടെ മൊ​ഴി എ​ടു​ത്ത​പ്പോ​ൾ ഞെ​ട്ടി​ക്കു​ന്ന വി​വ​ര​മാ​യി​രു​ന്നു ല​ഭി​ച്ച​ത്.

പീ​ഡ​ന​ത്തി​ന് ശേ​ഷം നൗ​ഫ​ൽ മാ​പ്പ് പ​റ​ഞ്ഞെ​ന്നും അ​തി​ന്‍റെ ശ​ബ്ദ​രേ​ഖ ത​ന്‍റെ ഫോ​ണി​ലു​ണ്ടെ​ന്നും പെ​ൺ​കു​ട്ടി വെ​ളി​പ്പെ​ടു​ത്തി. ഇ​യാ​ൾ വി​വാ​ഹി​ത​നും ഒ​രു കു​ട്ടി​യു​ടെ പി​താ​വു​മാ​ണ്.