ബം​ഗു​ളൂ​രു: സ്ത്രീ​ക​ൾ​ക്കെ​തി​രാ​യ അ​തി​ക്ര​മ​ങ്ങ​ളെ നി​സാ​ര​വ​ത്ക്ക​രി​ച്ച് വി​വാ​ദ പ്ര​സ്താ​വ​ന ന​ട​ത്തി​യ ക​ർ​ണാ​ട​ക ആ​ഭ്യ​ന്ത​ര മ​ന്ത്രി മാ​പ്പ് പ​റ​ഞ്ഞു.

ബം​ഗു​ളൂ​രു ന​ഗ​ര​ത്തി​ലൂ​ടെ പു​ല​ർ​ച്ചെ ന​ട​ന്നു​പോ​യ ര​ണ്ട് യു​വ​തി​ക​ളി​ലൊ​രാ​ളെ അ​ജ്ഞാ​ത​ൻ ക​ട​ന്നു​പി​ടി​ച്ചെ​ന്ന കേ​സി​ൽ, ആ​ഭ്യ​ന്ത​ര​മ​ന്ത്രി ന​ട​ത്തി​യ പ​രാ​മ​ർ​ശ​മാ​ണ് വി​വാ​ദ​മാ​യ​ത്. വ​ൻ ന​ഗ​ര​ങ്ങ​ളി​ൽ അ​ങ്ങി​ങ്ങ് ഇ​ത്ത​രം സം​ഭ​വ​ങ്ങ​ളു​ണ്ടാ​കു​ന്ന​തി​ൽ അ​സ്വാ​ഭാ​വി​ക​ത ഇ​ല്ലെ​ന്നാ​യി​രു​ന്നു മ​ന്ത്രി ജി.​പ​ര​മേ​ശ്വ​ര​യു​ടെ പ​രാ​മ​ർ​ശം.

"സ്ത്രീ​ക​ളു​ടെ സു​ര​ക്ഷ​യെ​ക്കു​റി​ച്ച് എ​പ്പോ​ഴും വ​ള​രെ​യ​ധി​കം ആ​ശ​ങ്ക​യു​ള്ള ഒ​രാ​ളാ​ണ് ഞാ​ൻ. സ്ത്രീ​ക​ളു​ടെ സു​ര​ക്ഷ​യ്ക്കാ​യി നി​ർ​ഭ​യ ഫ​ണ്ടു​ക​ൾ ന​ന്നാ​യി വി​നി​യോ​ഗി​ക്കു​ന്നു​ണ്ടെ​ന്ന് ഞാ​ൻ ഉ​റ​പ്പാ​ക്കി​യി​ട്ടു​ണ്ട്. എ​ന്‍റെ പ്ര​സ്താ​വ​ന വ​ള​ച്ചൊ​ടി​ക്കാ​ൻ ഞാ​ൻ ആ​ഗ്ര​ഹി​ക്കു​ന്നി​ല്ല. ഇ​തി​ൽ ഏ​തെ​ങ്കി​ലും സ്ത്രീ​ക്ക് വേ​ദ​ന​യു​ണ്ടാ​യി​ട്ടു​ണ്ടെ​ങ്കി​ൽ, ഞാ​ൻ ഖേ​ദം പ്ര​ക​ടി​പ്പി​ക്കു​ക​യും ക്ഷ​മ ചോ​ദി​ക്കു​ക​യും ചെ​യ്യു​ന്നു.' അ​ദ്ദേ​ഹം പ​റ​ഞ്ഞു.

മ​ന്ത്രി​യു​ടെ പ്ര​സ്താ​വ​ന വി​വാ​ദ​മാ​യ​തി​നെ തു​ട​ർ​ന്ന് രാ​ജി ആ​വ​ശ്യ​പ്പെ​ട്ട് ബി​ജെ​പി പ്ര​തി​ഷേ​ധ​വു​മാ​യി രം​ഗ​ത്തെ​ത്തി​യി​രു​ന്നു. 2017ലും ​പ​ര​മേ​ശ്വ​ര ഇ​ത്ത​ര​ത്തി​ൽ പ്ര​കോ​പ​ന​പ​ര​മാ​യ സ്ത്രീ​വി​രു​ദ്ധ പ്ര​സ്താ​വ​ന ന​ട​ത്തി​യി​ട്ടു​ണ്ടെ​ന്ന് ബി​ജെ​പി ദേ​ശീ​യ വ​ക്താ​വ് ഷെ​ഹ്സാ​ദ് പൂ​നാ​വാ​ല ആ​രോ​പി​ച്ചു. ഈ ​സ​ർ​ക്കാ​രി​നു കീ​ഴി​ൽ സ്ത്രീ​ക​ൾ സു​ര​ക്ഷി​ത​ര​ല്ലെ​ന്നും ഹം​പി​യി​ൽ ക​ഴി​ഞ്ഞ മാ​സം ഇ​സ്ര​യേ​ലി യു​വ​തി കൂ​ട്ട ബ​ലാ​ത്സം​ഗ​ത്തി​ന് ഇ​ര​യാ​യ സം​ഭ​വം ഉ​യ​ർ​ത്തി​ക്കാ​ട്ടി അ​വ​ർ ആ​രോ​പി​ച്ചു.