വടക്കാഞ്ചേരിയിൽ ഓട്ടോറിക്ഷയ്ക്ക് മുകളിലേക്ക് പന കടപുഴകിവീണു; മൂന്ന് പേർക്ക് ഗുരുതര പരിക്ക്
Saturday, April 5, 2025 8:01 PM IST
തൃശൂര്: ഓടിക്കൊണ്ടിരുന്ന ഓട്ടോറിക്ഷയ്ക്ക് മുകളിലേക്ക് പന കടപുഴകി വീണ് യാത്രികർക്ക് ഗുരുതര പരിക്ക്. തൃശൂര് വടക്കാഞ്ചേരിയിൽ ആണ് സംഭവം.
പഴയന്നൂർ സ്വദേശികളായ ഓട്ടോ ഡ്രൈവർ കാക്കരകുന്ന് വീട്ടിൽ സന്തോഷ്, അനുജൻ സനീഷ്, അമ്മ തങ്കം എന്നിവർക്കാണ് പരിക്കേറ്റത്. പഴയന്നൂരിൽ നിന്ന് തൃശൂർ മെഡിക്കൽ കോളജിലേക്ക് പോകുന്നതിനിടെയാണ് അപകടം ഉണ്ടായത്. തങ്കത്തിന്റെ തലയ്ക്ക് സാരമായി പരിക്കേറ്റിട്ടുണ്ട്.
കാറ്റിൽ പാതയോരത്തെ കുന്നിൻ ചെരുവിൽ നിന്നിരുന്ന പന മരം ഓട്ടോയുടെ മുകളിലേക്ക് കടപുഴകി വീഴുകയായിരുന്നു. തുടർന്ന് നിയന്ത്രണംവിട്ട ഓട്ടോറിക്ഷ റോഡിൽ മറിഞ്ഞു.