രാഷ്ട്രദീപിക മുൻ മാനേജിംഗ് ഡയറക്ടർ ഡോ. പി.കെ. ഏബ്രഹാം അന്തരിച്ചു
Saturday, April 5, 2025 1:49 PM IST
കൊച്ചി: രാഷ്ട്രദീപിക മുൻ മാനേജിംഗ് ഡയറക്ടർ ഡോ. പി.കെ. ഏബ്രഹാം(83) അന്തരിച്ചു. ഇന്ന് രാവിലെയായിരുന്നു അന്ത്യം.
മൃതദേഹം ഞായറാഴ്ച രാവിലെ എട്ട് മുതൽ കളമശേരിയിലെ ശാന്തിനഗറിൽ പൊതുദർശനത്തിന് വയ്ക്കും. ഉച്ചയ്ക്ക് 2:30 ന് വീട്ടിലെ ചടങ്ങുകൾക്ക് ശേഷം മൃതദേഹം ഇടപ്പള്ളി സെന്റ് ജോർജ് ഫൊറോന പള്ളിയിലേക്ക് കൊണ്ടുപോകും. തുടർന്ന് കൊച്ചിയിലെ മുണ്ടംപാലത്തുള്ള വിജോഭവൻ സെമിത്തേരിയിൽ സംസ്കരിക്കും.
1992 ഫെബ്രുവരി ഒന്നിനാണ് ഡോ. പി.കെ. ഏബ്രഹാം ദീപികയുടെ മാനേജിംഗ് എഡിറ്ററും രാഷ്ട്രദീപിക കമ്പനിയുടെ മാനേജിംഗ് ഡയറക്ടറുമായി സ്ഥാനമേറ്റത്.
അധ്യാപകനായിരുന്ന പി.കെ.ഏബ്രഹാം, പ്ലാന്റേഷന് കോര്പറേഷന് അസിസ്റ്റന്റ് സൂപ്രണ്ട്, ഫാക്ട് റീജിയണല് മാനേജര്, ഫാക്ട് പേഴ്സണല് മാനേജര്, ഫാക്ടിന്റെ കേരളം-കര്ണാടക സംസ്ഥാനങ്ങളുടെ പൂര്ണ നിയന്ത്രണമുള്ള ഏരിയാ മാനേജര് എന്നീ നിലകളില് പ്രവര്ത്തിച്ചിട്ടുണ്ട്. 1988ല് അദ്ദേഹത്തെ ഫാക്ട് ഡെപ്യൂട്ടി ജനറല് മാനേജറായി നിയമിച്ചു.
അപ്ലൈഡ് ഇക്കണോമിക്സില് ഡോക്ടറേറ്റ് എടുത്തിട്ടുള്ള അദ്ദേഹം നിരവധി ചെറുകിട വ്യവസായ സംരംഭങ്ങള് തുടങ്ങാന് നേതൃത്വം നല്കിയിട്ടുണ്ട്.