ഇഡി മുൻ മേധാവി സഞ്ജയ് കുമാര് മിശ്ര പ്രധാനമന്ത്രിയുടെ പുതിയ സാമ്പത്തിക ഉപദേഷ്ടാവ്
Wednesday, March 26, 2025 2:11 PM IST
ന്യൂഡല്ഹി: ഇഡി മുൻ മേധാവി സഞ്ജയ് കുമാര് മിശ്രയെ പ്രധാനമന്ത്രി നരേന്ദ്ര മോദിയുടെ സാമ്പത്തിക ഉപദേഷ്ടാവായി നിയമിച്ചു. ബുധനാഴ്ചയാണ് ഇതുസംബന്ധിച്ച സർക്കാർ ഉത്തരവ് പുറത്തുവന്നത്.
പ്രധാനമന്ത്രിയുടെ സാമ്പത്തിക ഉപദേശക സമിതിയില് (ഇക്കണോമിക് അഡ്വൈസറി കൗണ്സില് ടു ദി പ്രൈം മിനിസ്റ്റര് - ഇഎസിപിഎം) സെക്രട്ടറി തലത്തിലാണ് നിയമനം. പ്രധാനമന്ത്രിയെ സാമ്പത്തിക കാര്യങ്ങളില് ഉപദേശിക്കുന്ന സമിതിയാണ് ഇഎസിപിഎം.
കൗണ്സിലിന്റെ മുന്-ചെയര്മാന് ബിബേക് ഡെബ്റോയിയുടെ മരണത്തിന് പിന്നാലെയാണ് സഞ്ജയ് കുമാര് മിശ്ര തല്സ്ഥാനത്തേക്ക് നിയമിതനായിരിക്കുന്നത്. 2024 നവംബര് ഒന്നിനാണ് ഡെബ്റോയ് മരിച്ചത്.
ഉത്തര്പ്രദേശില് നിന്നുള്ള 1984-ലെ ഇന്ത്യന് റവന്യു സര്വീസ് ബാച്ചിലെ (ഐആര്എസ്) ഉദ്യോഗസ്ഥനാണ് സഞ്ജയ് കുമാര് മിശ്ര.