ക​ണ്ണൂ​ർ: ക​ണ്ണൂ​ർ വി​മാ​ന​ത്താ​വ​ള​ത്തി​നാ​യി കൂ​ടു​ത​ലാ​യി ഏ​റ്റെ​ടു​ക്കു​ന്ന ഭൂ​മി​യു​ടെ വി​ല നി​ർ​ണ​യ ന​ട​പ​ടി​ക​ൾ ന​ട​ക്കു​ക​യാ​ണെ​ന്ന് റ​വ​ന്യൂ​മ​ന്ത്രി കെ. ​രാ​ജ​ൻ. രേ​ഖ​ക​ൾ പ​രി​ശോ​ധി​ച്ച് ന​ഷ്ട​പ​രി​ഹാ​ര​ത്തു​ക നി​ർ​ണ​യി​ക്കു​മെ​ന്നും മ​ന്ത്രി നി​യ​മ​സ​ഭ​യി​ൽ പ​റ​ഞ്ഞു.

ഭൂ​മി ഏ​റ്റെ​ടു​ക്ക​ൽ ന​ട​പ​ടി​ക​ൾ വേ​ഗ​ത്തി​ലാ​ക്കാ​ൻ മു​ഖ്യ​മ​ന്ത്രി​യു​ടെ അ​ധ്യ​ക്ഷ​ത​യി​ൽ ഈ ​മാ​സം യോ​ഗം ചേ​രും. റ​വ​ന്യൂ റി​ക്ക​വ​റി ഒ​ഴി​വാ​ക്കാ​ൻ ന​ട​പ​ടി സ്വീ​ക​രി​ക്കു​മെ​ന്നും പു​ന​ര​ധി​വാ​സ​ത്തി​ന് പ്ര​ത്യേ​ക പാ​ക്കേ​ജ് ത​യാ​ക്കാ​ൻ ജി​ല്ലാ ക​ള​ക്ട​ർ​ക്ക് നി​ർ​ദേ​ശം ന​ൽ​കി​യെ​ന്നും മ​ന്ത്രി പ​റ​ഞ്ഞു.

200 കു​ടും​ബ​ങ്ങ​ളെ​യും പു​ന​ര​ധി​വ​സി​പ്പി​ക്കും. ഭൂ​മി വി​ട്ടു ന​ൽ​കി​യ​വ​ർ​ക്ക് നി​യ​മ​ത്തി​ന്‍റെ പ​രി​ധി​യി​ൽ നി​ന്നു​കൊ​ണ്ട് ചെ​യ്യാ​ൻ ക​ഴി​യു​ന്ന എ​ല്ലാ കാ​ര്യ​ങ്ങ​ളും പ​ര​മാ​വ​ധി വേ​ഗ​ത്തി​ൽ ചെ​യ്യും. വി​ജ്ഞാ​പ​നം ചെ​യ്ത ഭൂ​മി​യി​ൽ, വി​ല​നി​ർ​ണ​യ​ത്തി​ലെ കാ​ല​താ​മ​സ​ത്തി​ന് 12 ശ​ത​മാ​നം പ​ലി​ശ ന​ൽ​കും.

കേ​ര​ളം നി​ല​വി​ൽ വ​ന്ന ശേ​ഷം 7282.98 ഏ​ക്ക​ർ ഭൂ​മി​യാ​ണ് വി​ക​സ​ന പ്ര​വ​ർ​ത്ത​ന​ങ്ങ​ൾ​ക്കാ​യി ഏ​റ്റെ​ടു​ത്ത​ത്. ഇ​തു​വ​രെ 31267 കോ​ടി രൂ​പ ഏ​റ്റെ​ടു​ക്ക​ലി​നാ​യി ചെ​ല​വ​ഴി​ച്ചി​ട്ടു​ണ്ടെ​ന്നും മ​ന്ത്രി കൂ​ട്ടി​ച്ചേ​ർ​ത്തു.