കൊ​ച്ചി: ക​ഴി​ഞ്ഞ ദി​വ​സം അ​ന്ത​രി​ച്ച ഗാ​ന​ര​ച​യി​താ​വ് മ​ങ്കൊ​മ്പ് ഗോ​പാ​ല​കൃ​ഷ്ണ​ന്‍റെ സം​സ്കാ​രം ഇ​ന്നു ര​ണ്ടി​ന് തൃ​പ്പൂ​ണി​ത്തു​റ പൊ​തു​ശ്മ​ശാ​ന​ത്തി​ൽ ന​ട​ക്കും.

രാ​വി​ലെ ഒ​ന്പ​തു മു​ത​ൽ 11 വ​രെ എ​റ​ണാ​കു​ളം ടൗ​ൺ​ഹാ​ളി​ലും തു​ട​ർ​ന്ന് തൈ​ക്കൂ​ട​ത്തു​ള്ള വീ​ട്ടി​ലും പൊ​തു​ദ​ർ​ശ​ന​മു​ണ്ടാ​കും.

പ്ര​മു​ഖ ഗാ​ന​ര​ച​യി​താ​വും അ​ന്യ​ഭാ​ഷാ സി​നി​മ​ക​ളെ മ​ല​യാ​ള​ത്തി​ലേ​ക്കു പ​രി​ഭാ​ഷ​പ്പെ​ടു​ത്തി ശ്ര​ദ്ധേ​യ​നു​മാ​യ മ​ങ്കൊ​മ്പ് ഗോ​പാ​ല​കൃ​ഷ്ണ​ന്‍ (78) ക​ഴി​ഞ്ഞ ദി​വ​സം കൊ​ച്ചി​യി​ലെ സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ​യി​ലി​രി​ക്കെ ഹൃ​ദ​യാ​ഘാ​ത​ത്തെ​ത്തു​ട​ര്‍​ന്നാ​ണ് അ​ന്ത​രി​ച്ച​ത്.

ഇ​രു​നൂ​റി​ലേ​റെ മ​ല​യാ​ള സി​നി​മ​ക​ളി​ലാ​യി എ​ഴു​നൂ​റോ​ളം ഗാ​ന​ങ്ങ​ള്‍ ര​ചി​ച്ചി​ട്ടു​ണ്ട്. പ​ത്തോ​ളം സി​നി​മ​ക​ള്‍​ക്കു തി​ര​ക്ക​ഥ​യെ​ഴു​തി. ബാ​ഹു​ബ​ലി, ആ​ര്‍.​ആ​ര്‍.​ആ​ര്‍, യാ​ത്ര, ധീ​ര, ഈ​ച്ച, ദേ​വ​ര തു​ട​ങ്ങി ഇ​രു​നൂ​റി​ലേ​റെ ചി​ത്ര​ങ്ങ​ളു​ടെ മൊ​ഴി​മാ​റ്റ തി​ര​ക്ക​ഥ​യും ഗാ​ന​ങ്ങ​ളും ര​ചി​ച്ചു.

നാ​ട​ക​ഗാ​ന​ങ്ങ​ളി​ലൂ​ടെ ഗാ​ന​ര​ച​നാ​രം​ഗ​ത്തേ​ക്ക് ക​ട​ന്നു​വ​ന്ന മ​ങ്കൊ​മ്പ് ഗോ​പാ​ല​കൃ​ഷ്ണ​ന്‍ എം.​എ​സ്. വി​ശ്വ​നാ​ഥ​ന്‍, ദേ​വ​രാ​ജ​ന്‍, എം.​കെ. അ​ര്‍​ജു​ന​ന്‍, ബോം​ബെ ര​വി, ബാ​ബു​രാ​ജ്, ഇ​ള​യ​രാ​ജ, എ.​ആ​ര്‍. റ​ഹ്‌​മാ​ന്‍, കീ​ര​വാ​ണി, ഹാ​രി​സ് ജ​യ​രാ​ജ് തു​ട​ങ്ങി​യ പ്ര​മു​ഖ സം​ഗീ​ത സം​വി​ധാ​യ​ക​ര്‍​ക്കൊ​പ്പം പ്ര​വ​ര്‍​ത്തി​ച്ചു. ക​വി, ക​ഥാ​കൃ​ത്ത്, തി​ര​ക്ക​ഥാ​കൃ​ത്ത്, സം​ഭാ​ഷ​ണ​ര​ച​യി​താ​വ് എ​ന്നീ നി​ല​ക​ളി​ലും ശ്ര​ദ്ധേ​യ​നാ​യി​രു​ന്നു.

1971ല്‍ ​പു​റ​ത്തി​റ​ങ്ങി​യ ‘വി​മോ​ച​ന​സ​മ​രം’​എ​ന്ന സി​നി​മ​യി​ല്‍ ആ​ദ്യ​മാ​യി പാ​ട്ടെ​ഴു​തി. 1974ല്‍ ​പു​റ​ത്തി​റ​ങ്ങി​യ ‘അ​യ​ല​ത്തെ സു​ന്ദ​രി’​എ​ന്ന ചി​ത്ര​ത്തി​ലെ ‘ല​ക്ഷാ​ര്‍​ച്ച​ന ക​ണ്ടു മ​ട​ങ്ങു​മ്പോ​ള്‍...’ എ​ന്നാ​രം​ഭി​ക്കു​ന്ന ഗാ​നം സൂ​പ്പ​ര്‍​ഹി​റ്റാ​യി. ഇ​വി​ട​മാ​ണീ​ശ്വ​ര സ​ന്നി​ധാ​നം, കാ​ളി​ദാ​സ​ന്‍റെ കാ​വ്യ​ഭാ​വ​ന​യെ, ഗം​ഗ​യി​ല്‍ തീ​ര്‍​ഥ​മാ​ടി​യ കൃ​ഷ്ണ​ശി​ല, പാ​ല​രു​വീ ന​ടു​വി​ല്‍, ഒ​രു പു​ന്നാ​രം തു​ട​ങ്ങി​യ​വ അ​ദ്ദേ​ഹ​ത്തി​ന്‍റെ പ്ര​ശ​സ്ത​മാ​യ പാ​ട്ടു​ക​ളി​ല്‍ ചി​ല​താ​ണ്. ഭാ​ര്യ: ക​ന​ക​മ്മ. മ​ക്ക​ള്‍: രേ​ഖ (ചെ​ന്നൈ), സ്വ​പ്‌​ന (മും​ബൈ), യ​ദു​കൃ​ഷ്ണ​ന്‍ (നെ​ത​ര്‍​ലാ​ന്‍​സ്), ദി​വ്യ (തൃ​ക്കാ​ക്ക​ര).