കോ​ഴി​ക്കോ​ട്: ആ​രോ​ഗ്യ​വ​കു​പ്പി​ന്‍റെ പ്ര​വ​ര്‍​ത്ത​ന​ങ്ങ​ളെ​ത്ത​ന്നെ താ​ളം തെ​റ്റി​ക്കു​ന്ന ത​ര​ത്തി​ല്‍ ഡ​യ​റ​ക്ട​റു​ടെ ഭാ​ഗ​ത്തു​നി​ന്നു​ണ്ടാ​കു​ന്ന നി​ല​പാ​ടു​ക​ളി​ല്‍ പ്ര​തി​ഷേ​ധി​ച്ച് കേ​ര​ള ഗ​വ. മെ​ഡി​ക്ക​ല്‍ ഓ​ഫീ​സേ​ഴ്‌​സ് അ​സോ​സി​യേ​ഷ​ന്‍ പ്ര​വ​ര്‍​ത്ത​ക​ര്‍ ഇ​ന്നു പ്ര​തി​ഷേ​ധി​ക്കും. ആ​രോ​ഗ്യ​വ​കു​പ്പ് ഡ​യ​റ​ക്ട​റേ​റ്റി​നു മു​ന്നി​ല്‍ ഡോ​ക്ട​ര്‍​മാ​ര്‍ ഇ​ന്ന് ധ​ര്‍​ണ ന​ട​ത്തും.

ഡോ​ക്ട​ര്‍​മാ​ര്‍​ക്കു നേ​രേ അ​ന്യാ​യ​മാ​യും തി​ടു​ക്ക​ത്തി​ലു​മു​ള്ള ശി​ക്ഷാ​ന​ട​പ​ടി​ക​ള്‍​ക്കു മു​തി​രു​ന്ന മേ​ധാ​വി സ​ര്‍​വീ​സ് സം​ബ​ന്ധ​മാ​യ പ്ര​ശ്‌​ന​ങ്ങ​ള്‍​ക്കു സ​മ​യ​ബ​ന്ധി​ത​മാ​യി പ​രി​ഹാ​രം കാ​ണു​ന്ന​തി​ല്‍ ആ ​ജാ​ഗ്ര​ത കാ​ട്ടു​ന്നി​ല്ലെ​ന്ന് അ​സോ​സി​യേ​ഷ​ന്‍ സം​സ്ഥാ​ന പ്ര​സി​ഡ​ന്‍റ് ഡോ. ​പി.​കെ. സു​നി​ല്‍ പ​റ​ഞ്ഞു.

പൊ​തു​ജ​ന​ങ്ങ​ളെ നേ​രി​ട്ടു ബാ​ധി​ക്കു​ന്ന ത​ര​ത്തി​ല്‍ മാ​ന​വ വി​ഭ​വ​ശേ​ഷി​യി​ല്‍ ക​ടു​ത്ത കു​റ​വ് നേ​രി​ടു​ന്ന വ​കു​പ്പി​ല്‍ നി​ല​വി​ലു​ള്ള​തി​ല്‍​ത്ത​ന്നെ അ​ഞ്ഞൂ​റോ​ളം ത​സ്തി​ക​ക​ള്‍ ഒ​ഴി​ഞ്ഞു​കി​ട​ക്കു​ക​യാ​ണ്. ഇ​തു നി​ക​ത്താ​ന്‍ സം​ഘ​ട​ന സ​മ​ര്‍​പ്പി​ച്ച പ്രാ​യോ​ഗി​ക നി​ര്‍​ദേ​ശ​ങ്ങ​ള്‍ ഒ​ന്നും​ത​ന്നെ വ​കു​പ്പ് സ്വീ​ക​രി​ച്ചി​ട്ടി​ല്ല.

ഒ​ഴി​വു​ക​ള്‍ നി​ക​ത്താ​തെ കി​ട​ക്കു​മ്പോ​ള്‍​ത്ത​ന്നെ ഡോ​ക്ട​ര്‍​മാ​രു​ടെ വി​വി​ധ സ​ര്‍​വീ​സ് വി​ഷ​യ​ങ്ങ​ളി​ലെ ഫ​യ​ലു​ക​ള്‍ മാ​സ​ങ്ങ​ളാ​യി തീ​ര്‍​പ്പാ​കാ​തെ ഡ​യ​റ​ക്ട​റേ​റ്റി​ല്‍ കി​ട​ക്കു​ക​യാ​ണെ​ന്ന് അ​ദ്ദേ​ഹം പ​റ​ഞ്ഞു. വ​കു​പ്പു​ത​ല അ​ച്ച​ട​ക്ക ന​ട​പ​ടി​ക​ളു​ടെ പേ​രി​ല്‍ ന​ട​ക്കു​ന്ന​ത് അ​ക്ഷ​രാ​ര്‍​ഥ​ത്തി​ല്‍ പ്ര​തി​കാ​ര​ബു​ദ്ധി​യോ​ടെ​യു​ള്ള കാ​ര്യ​ങ്ങ​ളാ​ണ്.

സ​മൂ​ഹ​മ​നഃ​സാ​ക്ഷി​യെ ഞെ​ട്ടി​ച്ച ഡോ. ​വ​ന്ദ​ന ദാ​സ് കൊ​ല​പാ​ത​ക​ത്തി​ല്‍ പ്ര​തി​ഷേ​ധി​ച്ച് കെ​ജി​എം​ഒ​എ​യു​ടെ നേ​തൃ​ത്വ​ത്തി​ല്‍ ന​ട​ന്ന നി​സ​ഹ​ക​ര​ണ പ്ര​തി​ഷേ​ധ​ത്തി​ന്‍റെ ഭാ​ഗ​മാ​യി ഒ​രു ഉ​ദ്ഘാ​ട​ന​ച്ച​ച​ട​ങ്ങി​ല്‍​നി​ന്ന് വി​ട്ടു​നി​ന്ന ഡോ​ക്ട​ര്‍​ക്ക് വാ​ര്‍​ഷി​ക ഇ​ന്‍​ക്രി​മെ​ന്‍റ് ത​ട​യു​ന്ന ശി​ക്ഷ​യാ​ണ് ഡി​എ​ച്ച്എ​സ് ന​ല്‍​കി​യി​രി​ക്കു​ന്ന​ത്. ഉ​ദ്ഘാ​ട​ന​ത്തി​ല്‍ പ​ങ്കെ​ടു​ക്കാ​തെ ആ ​സ​മ​യം ത​ന്‍റെ ആ​ശു​പ​ത്രി​യി​ല്‍ എ​ത്തി​യ രോ​ഗി​ക​ളെ ചി​കി​ത്സി​ച്ച ഡോ​ക്ട​റാ​ണ് പ്ര​സ്തു​ത ശി​ക്ഷാ​ന​ട​പ​ടി​ക്ക് വി​ധേ​യ​നാ​യി​രി​ക്കു​ന്ന​ത്.

മാ​ന​ദ​ണ്ഡ​ങ്ങ​ള്‍ പാ​ലി​ക്കാ​തെ​യു​ള്ള വി​ഐ​പി ഡ്യൂ​ട്ടി​ക​ളി​ല്‍​നി​ന്ന് വി​ട്ടു​നി​ന്ന​തി​ന്‍റെ പേ​രി​ല്‍ ഡോ​ക്ട​ര്‍​മാ​ര്‍​ക്കെ​തി​രേ പ്ര​തി​കാ​ര മ​നോ​ഭാ​വ​ത്തോ​ടു​കൂ​ടി അ​ച്ച​ട​ക്ക ന​ട​പ​ടി​ക​ള്‍ ആ​രം​ഭി​ച്ചി​രി​ക്കു​ക​യാ​ണെ​ന്ന് അ​ദ്ദേ​ഹം പ​റ​ഞ്ഞു.