പെരുമ്പാവൂരിൽ പബ്ലിക് പ്രോസിക്യൂട്ടറുടെ വീട്ടിൽ മോഷണം; 11 പവൻ നഷ്ടപ്പെട്ടതായി പരാതി
Monday, March 17, 2025 3:22 PM IST
കൊച്ചി: പബ്ലിക് പ്രോസിക്യൂട്ടറുടെ വീട്ടിൽ നിന്ന് സ്വർണാഭരണങ്ങൾ മോഷണം പോയതായി പരാതി. എറണാകുളം പെരുമ്പാവൂരിൽ ആണ് സംഭവം.
എറണാകുളം പോക്സോ കോടതിയിലെ പബ്ലിക്ക് പ്രോസിക്യൂട്ടർ അഡ്വക്കേറ്റ് ബിന്ദുവിന്റെ പെരുമ്പാവൂർ മരുതുകവലയിലെ വീട്ടിലാണ് മോഷണം നടന്നത്. പതിനൊന്നര പവൻ സ്വർണം നഷ്ടമായെന്നാണ് പരാതി.
അലമാരയിൽ സൂക്ഷിച്ചിരുന്ന വജ്രം പതിച്ച രണ്ടു പവന്റെ സ്വർണമാലയും വളകളും പാദസരവും ആണ് മോഷണം പോയത്. ഇവരുടെ വീട്ടിൽ മുൻപ് ജോലി ചെയ്തിരുന്ന സ്ത്രീക്കെതിരേയാണ് പരാതി. സംഭവത്തിൽ പോലീസ് കേസെടുത്ത് ആന്വേഷണം ആരംഭിച്ചു.