ഗ്രാമ്പിയിലെ കടുവ ദൗത്യം തുടരും; രണ്ട് കൂടുകൾ കൂടി സ്ഥാപിക്കും
Sunday, March 16, 2025 5:56 PM IST
ഇടുക്കി: ഗ്രാമ്പിയിൽ ഇറങ്ങിയ കടുവയെ കണ്ടെത്താനുള്ള ശ്രമം തുടരും. കടുവ വനത്തിലേക്ക് കയറിയെന്ന് കരുതുന്നതായി വനംവകുപ്പ്.
കടുവയെ പിടികൂടാനായി പുതിയതായി രണ്ട് കൂടുകൾ കൂടി സ്ഥാപിക്കുമെന്ന് കോട്ടയം ഡിഎഫ്ഒ അറിയിച്ചു. ഹില്ലാഷ്, അരണക്കൽ മേഖലകളിലാണ് പുതിയ കൂടുകൾ സ്ഥാപിക്കുക.
ജനവാസമേഖലയിലെ സുരക്ഷ ഉറപ്പാക്കുമെന്നും ഡിഎഫ്ഒ അറിയിച്ചു. ഗ്രാമ്പിയിൽ ഇറങ്ങിയ കടുവ രണ്ട് ദിവസമായി വനംവകുപ്പിന്റെ നിരീക്ഷണത്തിൽ ഉണ്ടായിരുന്നു.
എന്നാൽ ഏറെ അവശനായ കടുവയെ പിന്നീട് കാണാതായിരുന്നു. കടുവയുടെ കാലിന് ഗുരുതരമായി പരിക്കേറ്റതിനാൽ സഞ്ചരിക്കാൻ ബുദ്ധിമുട്ടുള്ളതായി നേരത്തെ വനംവകുപ്പ് അറിയിച്ചിരുന്നു.