തണുപ്പിക്കാൻ വേനൽ മഴയെത്തുന്നു; ഏഴ് ജില്ലകളില് മഴയ്ക്ക് സാധ്യത
Sunday, March 16, 2025 4:28 PM IST
തിരുവനന്തപുരം: പൊള്ളുന്ന ചൂടില് ആശ്വാസമായി കേരളത്തില് വരും ദിവസങ്ങളില് ഇടിമിന്നലോടുകൂടിയ മഴയ്ക്ക് സാധ്യതയെന്ന് കാലാവസ്ഥാ വകുപ്പ്. ഇന്ന് ഏഴ് ജില്ലകളിലാണ് മഴയ്ക്ക് സാധ്യത.
തിരുവനന്തപുരം, കൊല്ലം, ആലപ്പുഴ, എറണാകുളം, കോഴിക്കോട്, കണ്ണൂർ, കാസർഗോഡ് ജില്ലകളിലാണ് മഴക്ക് സാധ്യതയുള്ളത്. ഒറ്റപ്പെട്ടയിടങ്ങളില് ഇടിമിന്നലോടെ നേരിയ മഴയ്ക്കുള്ള സാധ്യതയാണ് പ്രവചിച്ചിട്ടുള്ളത്.
അടുത്ത മൂന്ന് ദിവസവും സംസ്ഥാനത്ത് 12 ജില്ലകളില് മഴയ്ക്ക് സാധ്യതയുണ്ട്. കണ്ണൂരും കാസർഗോഡും ഒഴികെയുള്ള ജില്ലകളിലാണ് മഴയ്ക്ക് സാധ്യത. ഒരു ജില്ലകളിലും പ്രത്യേക മുന്നറിയിപ്പുകള് പ്രഖ്യാപിച്ചിട്ടില്ല.