ഭാര്യാ മാതാവിനെ തലയ്ക്കടിച്ചശേഷം മരുമകൻ വീടിനു തീയിട്ടു
Sunday, March 16, 2025 3:55 PM IST
കൊല്ലം: പാരിപ്പള്ളി മീനമ്പലത്ത് ഭാര്യാ മാതാവിനെ തലയ്ക്ക് അടിച്ചു പരിക്കേൽപ്പിച്ചശേഷം മരുമകൻ പാചകവാതക സിലിണ്ടർ തുറന്നുവിട്ട് വീട് കത്തിച്ചു. പിന്നാലെ മരുമകൻ മണിയപ്പൻ (60) ജീവനൊടുക്കാൻ ശ്രമിച്ചു.
കഴുത്തും കൈ ഞരമ്പും മുറിച്ചാണ് ആത്മഹത്യാ ശ്രമം നടത്തിയത്. ഇന്നു രാവിലെയാണ് സംഭവം. ഭാര്യാ മാതാവ് രത്നമ്മ (80) ഗുരുതരമായി പരിക്കേറ്റ് പാരിപ്പള്ളി മെഡിക്കൽ കോളജ് ആശുപത്രിയിൽ ചികിത്സയിലാണ്.
മണിയപ്പന്റെ ആരോഗ്യനിലയും ഗുരുതരമാണ്. പരവൂരിൽനിന്ന് അഗ്നി രക്ഷാ സേനാംഗങ്ങൾ എത്തിയാണ് വീട്ടിലെ തീ അണച്ചത്.