വ​ത്തി​ക്കാ​ൻ: ചി​കി​ത്സ​യി​ൽ ക​ഴി​യു​ന്ന ഫ്രാ​ൻ​സി​സ് മാ​ർ​പാ​പ്പ​യു​ടെ ആ​രോ​ഗ്യ​സ്ഥി​തി അ​തീ​വ ഗു​രു​ത​രാ​വ​സ്ഥ​യി​ലെ​ന്ന് റി​പ്പോ​ർ​ട്ട്. ര​ണ്ട് ത​വ​ണ ശ്വാ​സ ത​ട​സ​മു​ണ്ടാ​യെ​ന്നും ക​ടു​ത്ത അ​ണു​ബാ​ധ​യും ക​ഫ​കെ​ട്ടും അ​നു​ഭ​വ​പ്പെ​ടു​ന്നു​ണ്ടെ​ന്നും വ​ത്തി​ക്കാ​ൻ അ​റി​യി​ച്ചു.

സാ​ധ്യ​മാ​യ എ​ല്ലാ പ​രി​ച​ര​ണ​വും ന​ൽ​കു​ന്നു​ണ്ടെ​ന്നും നി​ല​വി​ൽ പോ​പ്പി​ന് കൃ​ത്രി​മ ശ്വാ​സം ന​ൽ​കു​ന്നു​ണ്ടെ​ന്നും ആ​ശു​പ​ത്രി അ​ധി​കൃ​ത​ർ വ്യ​ക്ത​മാ​ക്കി. ന്യു​മോ​ണി​യ ബാ​ധ ഗു​രു​ത​ര​മാ​യ​തി​നെ തു​ട​ര്‍​ന്ന് ഫെ​ബ്രു​വ​രി 14നാ​ണ് മാ​ർ​പാ​പ്പ​യെ റോ​മി​ലെ ജെ​മെ​ല്ലി ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​ത്.

ശ്വാ​സ ത​ട​സം ഇ​ല്ലാ​ത്ത​തി​നാ​ൽ ക​ഴി​ഞ്ഞ ദി​വ​സം വെ​ന്‍റി​ലേ​റ്റ​ർ ഒ​ഴി​വാ​ക്കി​യി​രു​ന്നു. എ​ന്നാ​ൽ പി​ന്നീ​ട് സ്ഥി​തി ഗു​രു​ത​ര​മാ​കു​ക​യാ​യി​രു​ന്നു. മാ​ർ​പാ​പ്പ​യു​ടെ രോ​ഗ​മു​ക്തി​ക്കാ​യി സെ​ന്‍റ് പീ​റ്റേ​ഴ്സ് ച​ത്വ​ര​ത്തി​ൽ ജ​പ​മാ​ല സ​മ​ർ​പ്പ​ണം തു​ട​രു​ക​യാ​ണ്.