മും​ബൈ: മ​ഹാ​രാ​ഷ്ട്ര​യി​ൽ ആ​ളൊ​ഴി​ഞ്ഞ ബ​സി​നു​ള്ളി​ൽ വ​ച്ച് യു​വ​തി​യെ പീ​ഡി​പ്പി​ച്ച കേ​സി​ൽ പി​ടി​യി​ലാ​യ പ്ര​തി ദ​ത്താ​ത്ര​യ് രാം​ദാ​സ് ഗ​ഡെ​യെ പോ​ലീ​സ് ക​സ്റ്റ​ഡി​യി​ൽ വി​ട്ടു. മാ​ർ​ച്ച് 12വ​രെ​യാ​ണ് ഇ​യാ​ളെ കോ​ട​തി പോ​ലീ​സ് ക​സ്റ്റ​ഡി​യി​ൽ വി​ട്ട​ത്.

പൂ​നെ​യി​ലെ ഷി​രൂ​ർ ത​ഹ​സി​ലെ വ​യ​ലി​ൽ നി​ന്നു​മാ​ണ് പൂ​നെ പോ​ലീ​സ് ഇയാളെ ക​സ്റ്റ​ഡി​യി​ലെ​ടു​ത്ത​ത്. തുടർന്ന് ക​ന​ത്ത പോ​ലീ​സ് സു​ര​ക്ഷ​യി​ൽ ഇ​യാ​ളെ പൂ​നെ സെ​ഷ​ൻ​സ് കോ​ട​തി​യി​ൽ ഹാ​ജ​രാ​ക്കി​.

പോ​ലീ​സ് കോ​ട​തി​യി​ൽ റി​മാ​ൻ​ഡ് അ​പേ​ക്ഷ സ​മ​ർ​പ്പി​ക്കു​ക​യും ഗേ​ഡി​നെ 14 ദി​വ​സ​ത്തേ​ക്ക് ക​സ്റ്റ​ഡി​യി​ൽ വേ​ണ​മെ​ന്ന് ആ​വ​ശ്യ​പ്പെ​ടു​ക​യും ചെ​യ്തു.

ന​ഗ​ര​ത്തി​ലെ സ്വാ​ര്‍​ഗേ​റ്റ് ബ​സ് സ്റ്റേ​ഷ​നി​ല്‍ നി​ര്‍​ത്തി​യി​ട്ട ബ​സി​ല്‍ വ​ച്ചാ​ണ് 26കാ​രി​യാ​യ യു​വ​തി പീ​ഡ​ന​ത്തി​നി​ര​യാ​യ​ത്. ചൊ​വ്വാ​ഴ്ച പു​ല​ര്‍​ച്ചെ 5.45-ന് ​എം​എ​സ്ആ​ര്‍​ടി​സി​യു​ടെ ശി​വ്ഷാ​ഹി എ​സി ബ​സി​ലാ​ണ് സം​ഭ​വം.

നി​ര​വ​ധി കേ​സു​ക​ളി​ല്‍ പ്ര​തി​യാ​യ ദ​ത്താ​ത്രേ​യ ഗ​ഡെ (36)യെ ​പി​ടി​കൂ​ടാ​ൻ പോ​ലീ​സ് എ​ട്ട് അ​ന്വേ​ഷ​ണ സം​ഘ​ത്തെ രൂ​പീ​ക​രി​ച്ചി​രു​ന്നു. വീ​ട്ടു​ജോ​ലി​ക്കാ​രി​യാ​യ യു​വ​തി സ​ത്താ​റ​യി​ലേ​ക്ക് പോ​കാ​ന്‍ ബ​സ് കാ​ത്ത് നി​ല്‍​ക്കു​മ്പോ​ള്‍ പ്ര​തി സ​ഹാ​യി​ക്കാ​നെ​ന്ന വ്യാ​ജേ​ന സ​മീ​പി​ച്ച് ബ​സി​ല്‍ ക​യ​റ്റു​ക​യാ​യി​രു​ന്നു. ബ​സി​ല്‍ ആ​രും ഉ​ണ്ടാ​യി​രു​ന്നി​ല്ല. വാ​തി​ലു​ക​ള്‍ അ​ട​ച്ച​ശേ​ഷം ഇ​യാ​ള്‍ യു​വ​തി​യെ പീ​ഡി​പ്പി​ക്കു​ക​യാ​യി​രു​ന്നു.

സം​ഭ​വ​ത്തി​നു​ശേ​ഷം മ​റ്റൊ​രു ബ​സി​ല്‍ ക​യ​റി​യ യു​വ​തി സു​ഹൃ​ത്തി​നോ​ട് വി​വ​രം പ​റ​ഞ്ഞു. തു​ട​ര്‍​ന്ന് സു​ഹൃ​ത്തി​ന്‍റെ നി​ർ​ദേ​ശ​പ്ര​കാ​രം പോ​ലീ​സി​ല്‍ പ​രാ​തി ന​ല്‍​കു​ക​യാ​യി​രു​ന്നു.

മോ​ഷ​ണം, പി​ടി​ച്ചു​പ​റി, മാ​ല​പൊ​ട്ടി​ക്ക​ല്‍ കേ​സു​ക​ളി​ല്‍ പ്ര​തി​യാ​ണ് ദ​ത്താ​ത്രേ​യ. പു​നെ​യി​ലും സ​മീ​പ ജി​ല്ല​ക​ളി​ലും ഇ​യാ​ള്‍​ക്കെ​തി​രെ കേ​സു​ക​ളു​ണ്ട്. സി​സി​ടി​വി ദൃ​ശ്യ​ങ്ങ​ളി​ല്‍​നി​ന്നാ​ണ് ദ​ത്താ​ത്രേ​യ​യാ​ണ് യു​വ​തി​യെ ബ​ലാ​ത്സം​ഗം ചെ​യ്ത​തെ​ന്ന് തി​രി​ച്ച​റി​ഞ്ഞ​തെ​ന്ന് പോ​ലീ​സ് പ​റ​ഞ്ഞു.