പൂ​നെ: ബ​സി​ൽ ഇ​രു​പ​ത്തി​യാ​റു​കാ​രി​യെ ബ​ലാ​ത്സം​ഗം ചെ​യ്ത കേ​സി​ലെ പ്ര​തി ദ​ത്താ​ത്രേ​യ ഗ​ഡെ (37) അ​റ​സ്റ്റി​ൽ. പു​നെ​യി​ലെ ഷി​രൂ​രി​ൽ​നി​ന്ന് അ​ർ​ധ​രാ​ത്രി​യോ​ടെ​യാ​ണ് ഇ​യാ​ളെ അ​റ​സ്റ്റ് ചെ​യ്ത​തെ​ന്ന് പോലീ​സ് അ​റി​യി​ച്ചു.

പു​നെ​യി​ലും അ​ഹ​ല്യാ​ന​ഗ​ർ ജി​ല്ല​യി​ലു​മാ​യി മോ​ഷ​ണം, ക​വ​ർ​ച്ച, മാ​ല പൊ​ട്ടി​ക്ക​ൽ കേ​സു​ക​ളി​ലെ പ്ര​തി​യാ​ണു ഇ​യാ​ൾ. ഇ​തി​ലെ ഒ​രു കേ​സി​ൽ 2019 മു​ത​ൽ ജാ​മ്യ​ത്തി​ലാ​ണ്. പ്ര​തി​യെ പി​ടി​ക്കാ​ൻ സം​സ്ഥാ​ന​ത്തി​ന്‍റെ വി​വി​ധ ഭാ​ഗ​ങ്ങ​ളി​ലാ​യി 13 പോലീ​സ് സം​ഘ​ങ്ങ​ളെ വി​ന്യ​സി​ച്ചി​രു​ന്നു.

പോ​ലീ​സ് സ്റ്റേ​ഷ​നി​ൽ നി​ന്നും 100 മീ​റ്റ​ർ മാ​ത്രം അ​ക​ലെ​യു​ള്ള പൂ​ണെ​യി​ലെ സ്വ​ർ​ഗേ​റ്റ് ബ​സ് സ്റ്റാ​ൻ​ഡി​ൽ ചൊ​വ്വാ​ഴ്ച പു​ല​ർ​ച്ചെ​യാ​യി​രു​ന്നു യു​വ​തി​ക്കെ​തി​രേ അ​തി​ക്ര​മം ന​ട​ന്ന​ത്. പു​ല​ർ​ച്ചെ അ​ഞ്ച​ര​യോ​ടെ നാ​ട്ടി​ലേ​ക്ക് പോ​കാ​നാ​യി ബ​സ് കാ​ത്തു​നി​ൽ​ക്കു​ക​യാ​യി​രു​ന്ന യു​വ​തി​യു​ടെ അ​ടു​ത്തേ​ക്ക് ക​ണ്ട​ക്ട​റാ​ണെ​ന്ന് പ​റ​ഞ്ഞാ​ണു പ്ര​തി​യെ​ത്തി​യ​ത്.

സ​ത്ര​യി​ലേ​ക്കു​ള്ള ബ​സ് വ​രു​ന്ന​ത് ഇ​വി​ടെ​യ​ല്ലെ​ന്നും താ​ൻ അ​വി​ടെ​യെ​ത്തി​ക്കാ​മെ​ന്നും ഇ​യാ​ൾ യു​വ​തി​യെ വി​ശ്വ​സി​പ്പി​ച്ചു. വി​ജ​ന​മാ​യ ഭാ​ഗ​ത്ത് കി​ട​ന്നി​രു​ന്ന ആ​ളൊ​ഴി​ഞ്ഞ ബ​സി​ൽ ക​യ​റ്റി പീ​ഡി​പ്പി​ക്കു​ക​യാ​യി​രു​ന്നു. പ്ര​തി​ക്കെ​തി​രെ ഭാ​ര​തീ​യ ന്യാ​യ സം​ഹി​ത​യു​ടെ സെ​ക്‌​ഷ​ൻ 64 (ബ​ലാ​ത്സം​ഗം), 351 (2) വ​കു​പ്പു​ക​ൾ പ്ര​കാ​ര​മാ​ണ് കേ​സെ​ടു​ത്ത​ത്.