റി​യാ​ദ്: യു​ക്രെ​യ്നു​മാ​യു​ള്ള യു​ദ്ധം അ​വ​സാ​നി​പ്പി​ക്കാ​ൻ റ​ഷ്യ ഒ​രു​ങ്ങു​ന്നു. യു​എ​സ് പ്ര​സി​ഡ​ന്‍റ് ഡോ​ണ​ൾ​ഡ് ട്രം​പി​ന്‍റെ ഇ​ട​പെ​ട​ലി​നെ തു​ട​ർ​ന്ന് സൗ​ദി​യി​ൽ ന​ട​ത്തി​യ ച​ർ​ച്ച​യി​ലാ​ണ് യു​ദ്ധം അ​വ​സാ​നി​പ്പി​ക്കാ​നു​ള്ള സ​ന്ന​ദ്ധ​ത റ​ഷ്യ അ​റി​യി​ച്ച​ത്.

നാ​ല​ര മ​ണി​ക്കൂ​ര്‍ നീ​ണ്ട ച​ര്‍​ച്ച വി​ജ​യ​മാ​ണെ​ന്നും യു​ദ്ധം അ​വ​സാ​നി​പ്പി​ക്കാ​ൻ ഒ​രു​മി​ച്ചു പ്ര​വ​ര്‍​ത്തി​ക്കാ​ന്‍ ധാ​ര​ണ​യാ​യെ​ന്നും യോ​ഗ​ത്തി​നു​ശേ​ഷം റ​ഷ്യ​യു​ടെ പ്ര​തി​നി​ധി​ക​ൾ പ​റ​ഞ്ഞു. റി​യാ​ദി​ലെ ദി​രി​യ്യ കൊ​ട്ടാ​ര​ത്തി​ലാ​യി​രു​ന്ന ച​ർ​ച്ച.

സൗ​ദി വി​ദേ​ശ​കാ​ര്യ​മ​ന്ത്രി ഫൈ​സ​ൽ ബി​ൻ ഫ​റാ​ൻ അ​ൽ സൗ​ദി​ന്‍റെ​യും ദേ​ശീ​യ സു​ര​ക്ഷാ ഉ​പ​ദേ​ശ​ക​ൻ മു​സാ​ദ് ബി​ൻ മു​ഹ​മ്മ​ദ് അ​ൽ ഐ​ബാ​ന്‍റെ​യും മ​ധ്യ​സ്ഥ​ത​യി​ലാ​യി​രു​ന്നു കൂ​ടി​ക്കാ​ഴ്ച. ട്രം​പി​ന്‍റെ പ്ര​തി​നി​ധി​ക​ളാ​യി യു​എ​സ് സ്റ്റേ​റ്റ് സെ​ക്ര​ട്ട​റി മാ​ർ​ക്കോ റൂ​ബി​യോ, യു​എ​സ് മ​ധ്യേ​ഷ്യ ദൂ​ത​ൻ സ്റ്റീ​വ് വി​റ്റ്‌​കോ​ഫ്, ദേ​ശീ​യ സു​ര​ക്ഷാ ഉ​പ​ദേ​ഷ്ടാ​വ് മൈ​ക്ക് വാ​ൽ​സ് എ​ന്നി​വ​ർ പ​ങ്കെ​ടു​ത്തു.

യു​ക്രെ​യ്നു മാ​നു​ഷി​ക സ​ഹാ​യം ഉ​റ​പ്പാ​ക്കു​ന്ന ധാ​ര​ണ പ​ത്ര​വും ഒ​പ്പി​ട്ടു. തു​ട​ർ​ച​ർ​ച്ച​ക​ൾ​ക്കും അ​മേ​രി​ക്ക​യും റ​ഷ്യ​യും പ്ര​ത്യേ​ക സം​ഘ​ത്തെ നി​യോ​ഗി​ക്കാ​നും തീ​രു​മാ​ന​മാ​യി. യോ​ഗ​ത്തി​ൽ യു​ക്രെ​യ്ൻ പ്ര​തി​നി​ധി​ക​ൾ പ​ങ്കെ​ടു​ത്തി​ല്ല.

യു​ക്രെ​യ്ൻ പ​ങ്കെ​ടു​ക്കാ​ത്ത ച​ർ​ച്ച​ക​ളി​ലെ ഒ​രു തീ​രു​മാ​ന​വും രാ​ജ്യം അം​ഗീ​ക​രി​ക്കി​ല്ലെ​ന്നു പ്ര​സി​ഡ​ന്‍റ് വൊ​ളോ​ഡി​മ​ർ സെ​ലെ​ൻ​സ്‌​കി പ​റ​ഞ്ഞു. ച​ർ​ച്ച​ക​ളി​ൽ​നി​ന്നു മാ​റ്റി​നി​ർ​ത്തു​ന്ന​തി​ൽ യൂ​റോ​പ്യ​ൻ സ​ഖ്യ​ക​ക്ഷി​ക​ളും ആ​ശ​ങ്ക രേ​ഖ​പ്പെ​ടു​ത്തി.