കൊ​യി​ലാ​ണ്ടി: കോ​ഴി​ക്കോ​ട് കൊ​യി​ലാ​ണ്ടി മ​ണ​ക്കു​ള​ങ്ങ​ര ക്ഷേ​ത്ര ഉ​ത്സ​വ​ത്തി​ൽ ആ​ന ഇ​ട​ഞ്ഞ് മൂ​ന്നു​പേ​ര്‍ മ​രി​ച്ച സം​ഭ​വ​ത്തി​ല്‍ നാ​ട്ടാ​ന പ​രി​പാ​ല​ന ച​ട്ട​ത്തി​ന്‍റെ ലം​ഘ​നം ഉ​ണ്ടാ​യെ​ന്ന് സോ​ഷ്യ​ൽ ഫോ​റ​സ്ട്രി ക​ൺ​സ​ർ​വേ​റ്റ​ർ ആ​ര്‍. കീ​ര്‍​ത്തി.

റി​പ്പോ​ര്‍​ട്ട് സ​മ​ര്‍​പ്പി​ക്കു​ന്ന​തി​ന് മു​ന്നോ​ടി​യാ​യി ഫോ​റ​സ്റ്റ് ക​ണ്‍​സ​ര്‍​വേ​റ്റ​ര്‍ ക്ഷേ​ത്ര​ത്തി​ല്‍ പ​രി​ശോ​ധ​ന ന​ട​ത്തി​യി​രു​ന്നു. ഇ​ത് സം​ബ​ന്ധി​ച്ച റി​പ്പോ​ര്‍​ട്ട് വ​നം മ​ന്ത്രി​ക്ക് കൈ​മാ​റി. വീ​ഴ്ച​യി​ല്‍ ന​ട​പ​ടി​ക്ക് ശി​പാ​ര്‍​ശ ചെ​യ്തി​ട്ടു​ണ്ടെ​ന്നും കൂ​ടു​ത​ൽ കാ​ര്യ​ങ്ങ​ൾ വ​നം​മ​ന്ത്രി പ​റ​യു​മെ​ന്നും അ​വ​ർ കൂ​ട്ടി​ച്ചേ​ർ​ത്തു.

ആ​ന ഇ​ട​ഞ്ഞ​ത് പ​ട​ക്കം പൊ​ട്ടു​ന്ന ശ​ബ്ദം കേ​ട്ടാ​ണെ​ന്നാ​ണ് പ്രാ​ഥ​മി​ക നി​ഗ​മ​നം. പാ​പ്പാ​ൻ​മാ​രു​ടെ മൊ​ഴി​ക​ൾ വ​നം വ​കു​പ്പ് ഉ​ദ്യോ​ഗ​സ്ഥ​ർ രേ​ഖ​പ്പെ​ടു​ത്തി. സം​ഭ​വ​ത്തി​ൽ മ​ന്ത്രി എ.​കെ. ശ​ശീ​ന്ദ്ര​ന്‍ അ​ടി​യ​ന്ത​ര റി​പ്പോ​ർ​ട്ട് തേ​ടി​യി​രു​ന്നു.

റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ൽ തു​ട​ർ​ന​ട​പ​ടി​ക​ൾ സ്വീ​ക​രി​ക്കും. ആ​ശു​പ​ത്രി​യി​ൽ എ​ത്തി പ​രി​ക്കേ​റ്റ​വ​രു​ടെ മൊ​ഴി ഇ​ന്ന് എ​ടു​ക്കും. ആ​ന എ​ഴു​ന്ന​ള്ളി​പ്പി​നു​ള്ള അ​നു​മ​തി ക്ഷേ​ത്ര​ഭാ​ര​വാ​ഹി​ക​ള്‍ എ​ടു​ത്തി​രു​ന്നു​വെ​ന്ന് ഉ​ദ്യോ​ഗ​സ്ഥ​ര്‍ അ​റി​യി​ച്ചു.

അ​പ​ക​ട​ത്തി​ൽ മ​രി​ച്ച ഊ​ര​ള്ളൂ​ർ വ​ട​ക്ക​യി​ൽ രാ​ജ​ൻ (68), വ​ട്ടാ​ക്ക​ണ്ടി​ലീ​ല (65), വ​ട​ക്ക​യി​ല്‍ അ​മ്മു​ക്കു​ട്ടി (78) എ​ന്നി​വ​രു​ടെ പോ​സ്റ്റ്മോ​ർ​ട്ടം ന​ട​പ​ടി​ക​ൾ കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ൽ ഇ​ന്ന് ന​ട​ക്കും. സാ​ര​മാ​യി പ​രി​ക്കേ​റ്റ ര​ണ്ടു പേ​ർ ഉ​ൾ​പ്പെ​ടെ 13 പേ​ർ ചി​കി​ത്സ​യി​ലാ​ണ്.

വ്യാ​ഴാ​ഴ്ച വൈ​കു​ന്നേ​രം ആ​റോ​ടെ​യാ​ണ് നാ​ടി​നെ ന​ടു​ക്കി​യ സം​ഭ​വം ഉ​ണ്ടാ​യ​ത്. ഗു​രൂ​വാ​യൂ​രി​ല്‍​നി​ന്നെ​ത്തി​ച്ച പീ​താം​ബ​ര​ന്‍, ഗോ​കു​ല്‍ എ​ന്നീ ആ​ന​ക​ളാ​ണ് ഉ​ല്‍​സ​വ​ത്തി​നി​ടെ ഇ​ട​ഞ്ഞ​ത്. ക്ഷേ​ത്ര​ത്തി​ൽ ഉ​ണ്ടാ​യി രു​ന്ന​വ​ർ ചി​ത​റി​യോ​ടി. ഓ​ടു​ന്ന​തി​നി​ടെ താ​ഴെ വീ​ണ് ത​ല​യ്ക്കേ​റ്റ ക്ഷ​ത​മാ​ണ് മൂ​ന്നു​പേ​രു​ടെ​യും മ​ര​ണ​ത്തി​ലേ​ക്ക് ന​യി​ച്ച​ത്. ഒ​രു മ​ണി​ക്കൂ​റോ​ളം ആ​ന​ക​ൾ‍ പ​രി​ഭ്രാ​ന്തി പ​ര​ത്തി. പി​ന്നീ​ട് ആ​ന​ക​ളെ ത​ള​ച്ചു.