കൊ​ച്ചി: പാ​തി​വി​ല ത​ട്ടി​പ്പു​കേ​സി​ലെ പ്ര​തി അ​ന​ന്തു കൃ​ഷ്ണ​ന്‍റെ സ്ഥാ​പ​ന​ങ്ങ​ളി​ൽ ക്രൈം​ബ്രാ​ഞ്ച് റെ​യ്ഡ് ന​ട​ത്തി. കൊ​ച്ചി​യി​ലെ ഓ​ഫീ​സു​ക​ളി​ലാ​ണ് വി​ശ​ദ​മാ​യ പ​രി​ശോ​ധ​ന.

പ​ന​മ്പ​ള്ളി ന​ഗ​റി​ലെ സോ​ഷ്യ​ൽ​ബീ വെ​ഞ്ച്വേ​ഴ്സി​ലാ​ണ് ആ​ദ്യം പ​രി​ശോ​ധ​ന ന​ട​ത്തി​യ​ത്. പ​കു​തി വി​ല​യ്ക്ക് വാ​ഹ​ന​ങ്ങ​ൾ അ​ട​ക്കം ന​ൽ​കാ​മെ​ന്ന് പ​റ​ഞ്ഞ് പ്ര​തി ഉ​ണ്ടാ​ക്കി​യ ക​രാ​ർ രേ​ഖ​ക​ൾ ഇ​വി​ടെ നി​ന്ന് ക്രൈം​ബ്രാ​ഞ്ച് പി​ടി​ച്ചെ​ടു​ത്തെ​ന്ന് സൂ​ച​ന​യു​ണ്ട്.

സ്കൂ​ട്ട​റി​നും ലാ​പ്ടോ​പ്പി​നും കാ​ർ​ഷി​ക ഉ​പ​ക​ര​ണ​ങ്ങ​ൾ​ക്കു​മെ​ല്ലാ​മാ​യി ജ​ന​ങ്ങ​ളി​ൽ​നി​ന്ന് വി​വി​ധ സം​ഘ​ട​ന​ക​ൾ വ​ഴി പി​രി​ക്കു​ന്ന പ​ണം എ​ത്തി​യി​രു​ന്ന​ത് സോ​ഷ്യ​ൽ​ബീ വെ​ഞ്ച്വേ​ഴ്സ്, പ്ര​ഫ​ഷ​ന​ൽ സ​ർ​വീ​സ​സ് ഇ​ന്ന​വേ​ഷ​ൻ എ​ന്നീ സ്ഥാ​പ​ന​ങ്ങ​ളി​ലേ​ക്കാ​യി​രു​ന്നു. ഇ​ത്ത​ര​ത്തി​ൽ 500 കോ​ടി രൂ​പ ഈ ​ക​മ്പ​നി​ക​ളി​ൽ എ​ത്തി​യ​താ​യാ​ണ് സം​ശ​യം.

അ​ര​ല​ക്ഷ​ത്തി​ന​ടു​ത്ത് ആ​ളു​ക​ളി​ൽ​നി​ന്ന് ഇ​രു​ച​ക്ര വാ​ഹ​ന​ങ്ങ​ൾ ന​ൽ​കാ​മെ​ന്നു വാ​ഗ്ദാ​നം ന​ൽ​കി 60,000 രൂ​പ വീ​തം പി​രി​ച്ചി​ട്ടു​ണ്ട്. ലാ​പ്ടോ​പ്, ഗൃ​ഹോ​പ​ക​ര​ണ​ങ്ങ​ള്‍ ഉ​ൾ​പ്പെ​ടെ​യു​ള്ള​വ​യ്ക്ക് പി​രി​ച്ച പ​ണം ഇ​തി​നു പു​റ​മ​മെ​യാ​ണ്.

ഇ​തെ​ല്ലാം ഈ ​അ​ക്കൗ​ണ്ടു​ക​ളി​ലേ​ക്ക് എ​ത്തി​യെ​ങ്കി​ലും അ​ന​ന്തു കൃ​ഷ്ണ​ൻ പി​ടി​യി​ലാ​കു​മ്പോ​ൾ അ​ക്കൗ​ണ്ടി​ൽ ബാ​ക്കി​യു​ണ്ടാ​യി​രു​ന്ന​ത് നാ​ലു കോ​ടി രൂ​പ മാ​ത്ര​മാ​ണ്. ത​ട്ടി​പ്പി​ന് ഇ​യാ​ൾ കു​ടും​ബ​ശ്രീ​യെ​യും ഉ​പ​യോ​ഗി​ച്ച​താ​യി അ​ന്വേ​ഷ​ണ സം​ഘം ക​ണ്ടെ​ത്തി.