കോ​ഴി​ക്കോ​ട്: കൊ​യി​ലാ​ണ്ടി കു​റു​വ​ങ്ങാ​ട് മ​ണ​ക്കു​ള​ങ്ങ​ര ക്ഷേ​ത്ര​ത്തി​ലെ ഉ​ത്സ​വ​ത്തി​നി​ടെ അ​ന​യി​ട​ഞ്ഞ് മൂ​ന്നു​പേ​ർ​ക്ക് ദാ​രു​ണാ​ന്ത്യം. ആ​ന ഉ​ത്സ​വ​ക​മ്മി​റ്റി ഓ​ഫീ​സ് ത​ക​ർ​ത്ത​പ്പോ​ഴു​ണ്ടാ​യ അ​പ​ക​ട​ത്തി​ൽ കു​റു​വ​ങ്ങാ​ട്‌ വെ​ട്ടാം ക​ണ്ടി താ​ഴെ​കു​നി ലീ​ല (65), വ​ട​ക്ക​യി​ല്‍ അ​മ്മു​ക്കു​ട്ടി അ​മ്മ (70), രാ​ജ​ൻ എ​ന്നി​വ​രാ​ണ് മ​രി​ച്ച​ത്.

വ്യാ​ഴാ​ഴ്ച വൈ​കു​ന്നേ​രം ആ​റി​നു​ണ്ടാ​യ സം​ഭ​വ​ത്തി​ൽ 30 ഓ​ളം പേ​ർ​ക്ക് പ​രി​ക്കേ​റ്റു. അ​ടു​ത്ത​ടു​ത്ത് നി​ന്ന ആ​ന​ക​ൾ പ​ര​സ്പ​രം കു​ത്തി വി​ര​ണ്ട് ഓ​ടു​ക​യാ​യി​രു​ന്നു. പീ​താം​ബ​ര​ൻ, ഗോ​കു​ൽ എ​ന്നീ ആ​ന​ക​ളാ​ണ് ഇ​ട​ഞ്ഞോ​ടി​യ​ത്.

ആ​ന​ക​ൾ വ​രു​ന്ന​തു ക​ണ്ട് ഓ​ടി ര​ക്ഷ​പ്പെ​ടു​ന്ന​തി​നി​ടെ​യാ​ണ് പ​ല​ർ​ക്കും പ​രി​ക്കേ​റ്റ​ത്. പ​രി​ക്കേ​റ്റ​വ​രെ കോ​ഴി​ക്കോ​ട് മെ​ഡി​ക്ക​ല്‍ കോ​ള​ജി​ലും കൊ​യി​ലാ​ണ്ടി താ​ലൂ​ക്ക് ആ​ശു​പ​ത്രി​യി​ലും പ്ര​വേ​ശി​പ്പി​ച്ചു. ചി​കി​ത്സ​യി​ൽ ക​ഴി​യു​ന്ന അ​ഞ്ചു​പേ​രു​ടെ നി​ല ഗു​രു​ത​ര​മാ​ണെ​ന്ന് ആ​ശു​പ​ത്രി അ​ധി​കൃ​ത​ർ പ​റ​ഞ്ഞു.

ഉ​ത്സ​വ​ക​മ്മി​റ്റി ഓ​ഫീ​സ് ത​ക​ർ​ത്ത് റോ​ഡി​ലേ​ക്ക് ഇ​റ​ങ്ങി​യ ആ​ന​ക​ളെ പാ​പ്പാ​ൻ​മാ​രു​ടെ നേ​തൃ​ത്വ​ത്തി​ൽ ത​ള​ച്ചു. വെ​ടി​ക്കെ​ട്ടി​ന്‍റെ ശ​ബ്ദം കേ​ട്ടാ​ണ് ആ​ന വി​ര​ണ്ട​തെ​ന്നാ​ണ് പ്രാ​ഥ​മി​ക വി​വ​രം.