തി​രു​വ​ന​ന്ത​പു​രം: കി​ഫ്ബി​യെ ഓ​ഡി​റ്റ് ചെ​യ്താ​ല്‍ ഒ​രു വെ​ള്ളാ​ന​യെ​ന്ന് ബോ​ധ്യ​പ്പെ​ടു​മെ​ന്ന് പ്ര​തി​പ​ക്ഷ നേ​താ​വ് വി.​ഡി.​സ​തീ​ശ​ന്‍. അ​ത് ഊ​രേ​ണ്ട​ത് എ​പ്പോഴാ​ണെ​ന്ന് ചോ​ദി​ക്കേ​ണ്ട അ​വ​സ്ഥ​യാ​ണെ​ന്ന് സ​തീ​ശ​ൻ നി​​യ​മസ​ഭ​യി​ൽ പ​റ​ഞ്ഞു.

അ​ടി​യ​ന്ത​ര പ്ര​മേ​യ​ത്തി​ന് അ​വ​ത​രാ​ണാ​നു​മ​തി തേ​ടി​യു​ള്ള നോ​ട്ടീ​സി​ന് പി​ന്നാ​ലെ സ​ഭ​യി​ൽ സം​സാ​രി​ക്കു​ക​യാ​യി​രു​ന്നു സ​തീ​ശ​ൻ. സം​സ്ഥാ​ന ബ​ജ​റ്റി​ന്‍റെ മീ​തെ കി​ഫ്‌​ബി ഇ​ന്ന് ബാ​ധ്യ​ത ആ​യി നി​ൽ​ക്കു​ക​യാ​ണ്.

എ​ന്നി​രു​ന്നാ​ലും കി​ഫ്‌​ബി ഭ​യ​ങ്ക​ര സം​ഭ​വ​മാ​ണെ​ന്ന് വ​രു​ത്തി തീ​ർ​ക്കാ​നാ​ണ് സ​ർ​ക്കാ​ർ ശ്ര​മി​ക്കു​ന്ന​ത്. കി​ഫ്‌​ബി​യെ ഓ​ഡി​റ്റിംഗിൽ നി​ന്നു ഒ​ഴി​വാ​ക്കു​ന്നു. ഭ​ര​ണ​ഘ​ട​നാ​വി​രു​ദ്ധ​മാ​യ ബ​ദ​ല്‍ സം​വി​ധാ​ന​മാ​യി ഇ​ത് മാ​റി​.

കി​ഫ്‌​ബി പ​രാ​ജ​യ​പ്പെ​ട്ട മോ​ഡ​ലാ​ണ്. കി​ഫ്ബി ആ​രു​ടേ​യും ത​റ​വാ​ട് സ്വ​ത്ത് വി​റ്റ പ​ണം അ​ല്ല. പെ​ട്രോ​ൾ മോ​ട്ടോ​ർ വാ​ഹ​ന സെ​സ് ആ​ണ് കി​ഫ്‌​ബി​യു​ടെ അ​ടി​സ്ഥാ​നം. സം​സ്ഥാ​നം ട്രി​പ്പി​ൾ ടാ​ക്സ് പി​ടി​ക്കു​ക​യാ​ണ്. ഇ​ന്ധ​ന സെ​സ്, മോ​ട്ടോ​ർ വാ​ഹ​ന നി​കു​തി എ​ന്നി​വ​യ്ക്ക് പു​റ​മേ ഇ​പ്പോ​ൾ റോ​ഡ് ടോ​ളി​ലേ​ക്ക് ക​ട​ക്കു​ക​യാ​ണെ​ന്നും സ​തീ​ശ​ൻ കു​റ്റ​പ്പെ​ടു​ത്തി.

എ​ന്നാ​ൽ കി​ഫ്ബി ടോ​ളി​ന്‍റെ കാ​ര്യം പ​റ​ഞ്ഞ് ആ​ളു​ക​ളെ ആ​ശ​ങ്ക​യി​ലാ​ക്കേ​ണ്ട കാ​ര്യ​മി​ല്ലെ​ന്ന് ധ​ന​മ​ന്ത്രി കെ.​എ​ൻ.​ബാ​ല​ഗോ​പാ​ൽ സ​ഭ​യി​ൽ പ​റ​ഞ്ഞു. കി​ഫ്‌​ബി വ​ഴി വ​രു​മാ​ന​ദാ​യ​ക പ​ദ്ധ​തി​ക​ൾ ഇ​നി​യും കൊ​ണ്ടു​വ​രും.

കി​ഫ്ബി​ക്ക് ഡ്രി​പ്പ് കൊ​ടു​ക്കേ​ണ്ട അ​വ​സ്ഥ​യൊ​ന്നു​മി​ല്ല. കേ​ന്ദ്ര​ത്തി​നൊ​പ്പം നി​ല​പാ​ടെ​ടു​ത്ത് കേ​ര​ളം കൊ​ടു​ത്ത കേ​സ് തോ​ൽ​പ്പി​ക്ക​രു​ത്. ഡ്രി​പ്പും ബൂ​സ്റ്റും കൊ​ടു​ത്ത് ബി​ജെ​പി​യെ വ​ള​ർ​ത്തു​ന്ന​ത് പ്ര​തി​പ​ക്ഷ​മാ​ണെ​ന്നും മ​ന്ത്രി വി​മ​ർ​ശി​ച്ചു.

റോ​ജി എം.​ജോ​ൺ ആ​ണ് കി​ഫ്ബി റോ​ഡു​ക​ളി​ൽ ടോ​ൾ കൊ​ണ്ടു​വ​രാ​നു​ള്ള നീ​ക്കം അ​ടി​യ​ന്ത​ര​പ്ര​മേ​യ​മാ​യി സ​ഭ​യി​ൽ ഉ​ന്ന​യി​ച്ച​ത്. കി​ഫ്ബി ജ​ന​ങ്ങ​ളു​ടെ ബാ​ധ്യ​ത ആ​കു​ന്നു​വെ​ന്ന് റോ​ജി ആ​രോ​പി​ച്ചു.