കോ​ട്ട​യം: പോ​ലീ​സ് ഓ​ഫീ​സ​റെ ഗു​ണ്ട ച​വി​ട്ടി​ക്കൊ​ന്ന കേ​സി​ൽ പോ​ലീ​സി​ന് നി​ർ​ണാ​യ​ക വി​വ​ര​ങ്ങ​ൾ ല​ഭി​ച്ചെ​ന്ന് സൂ​ച​ന. സം​ഭ​വ​ത്തി​നു പി​ന്നി​ൽ ത​ട്ടു​ക​ട​കാ​ർ ത​മ്മി​ലു​ള്ള പ്ര​ശ്ന​മാ​ണോ എ​ന്നും പോ​ലീ​സ് പ​രി​ശോ​ധി​ക്കു​ന്നു​ണ്ട്.

സം​ഭ​വം ന​ട​ന്ന ത​ട്ടു​ക​ട​യു​ടെ ഉ​ട​മ സാ​ലി​യെ ചോ​ദ്യം ചെ​യ്ത​പ്പോ​ഴാ​ണ് അ​ന്വേ​ഷ​ണ സം​ഘ​ത്തി​ന് നി​ർ​ണാ​യ​ക വി​വ​ര​ങ്ങ​ൾ ല​ഭി​ച്ച​ത്. ത​ന്‍റെ ക​ട​യു​ടെ സ​മീ​പ​ത്ത് ത​ട്ടു​ക​ട ന​ട​ത്തു​ന്ന പ്ര​കാ​ശ് ഗു​ണ്ടാ​സം​ഘ​ത്തി​ൽ​പ്പെ​ട്ട ജി​ബി​നെ ഇ​ങ്ങോ​ട്ട് പ​റ​ഞ്ഞു​വി​ട്ട​താ​ണെ​ന്ന് സാ​ലി പോ​ലീ​സി​നെ അ​റി​യി​ച്ചു.

സാ​ലി​യു​ടെ മൊ​ഴി​യു​ടെ അ​ടി​സ്ഥാ​ന​ത്തി​ൽ വി​ശ​ദ​മാ​യ അ​ന്വേ​ഷ​ണം ആ​രം​ഭി​ച്ചെ​ന്ന് ജി​ല്ലാ പോ​ലീ​സ് മേ​ധാ​വി ഷാ​ഹു​ൽ ഹ​മീ​ദ് പ​റ​ഞ്ഞു. കോ​ട്ട​യം വെ​സ്റ്റ് പോ​ലീ​സ് സ്റ്റേ​ഷ​നി​ലെ ഡ്രൈ​വ​ർ ശ്യാം ​പ്ര​സാ​ദ് ക​ഴി​ഞ്ഞ ദി​വ​സ​മാ​ണ് ഗു​ണ്ട​യു​ടെ ച​വി​ട്ടേ​റ്റ് കൊ​ല്ല​പ്പെ​ട്ട​ത്.

കേ​സി​ൽ അ​റ​സ്റ്റി​ലാ​യ ജി​ബി​ൻ ജോ​ർ​ജി​നെ വി​ശ​ദ​മാ​യി ചോ​ദ്യം ചെ​യ്തു വ​രു​ക​യാ​ണെന്ന് പോ​ലീ​സ് പ​റ​ഞ്ഞു. ഞാ​യ​റാ​ഴ്ച രാ​ത്രി 11.30നാ​യി​രു​ന്നു സം​ഭ​വം. ത​ട്ടു​ക​ട​യി​ല്‍ ജി​ബി​ന്‍ പ്ര​ശ്‌​ന​മു​ണ്ടാ​ക്കി​ക്കൊ​ണ്ടി​രി​ക്കു​മ്പോ​ഴാ​ണ് ഡ്യൂ​ട്ടി ക​ഴി​ഞ്ഞ് വീ​ട്ടി​ലേ​ക്കു മ​ട​ങ്ങും​വ​ഴി ശ്യാം ​പ്ര​സാ​ദ് ഇ​വി​ടെ എ​ത്തി​യ​ത്.

തു​ട​ർ​ന്ന് ശ്യാം ​പ്ര​സാ​ദി​നെ ജി​ബി​ന്‍ കൈ​യേ​റ്റം ചെ​യ്തു. ഇ​തി​നി​ടെ നി​ല​ത്തു​വീ​ണ ശ്യാം ​പ്ര​സാ​ദി​ന്‍റെ നെ​ഞ്ചി​ല്‍ ഇ​യാ​ള്‍ പ​ല ത​വ​ണ ച​വി​ട്ടു​ക​യാ​യി​രു​ന്നു. പിന്നീട് ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും ചി​കി​ത്സ​യി​ലി​രി​ക്കെ ശ്യാം ​പ്ര​സാ​ദ് മ​രി​ക്കു​ക​യാ​യി​രു​ന്നു.