ആ​ല​പ്പു​ഴ: സ്വ​ത്ത് ത​ർ​ക്ക​ത്തി​ന്‍റെ പേ​രി​ൽ മാ​താ​പി​താ​ക്ക​ളെ ചു​ട്ടു​കൊ​ന്ന കേ​സി​ൽ അ​റ​സ്റ്റി​ലാ​യ പ്ര​തി​യെ ഇ​ന്ന് മ​ജി​സ്ട്രേ​റ്റി​ന് മു​മ്പി​ൽ ഹാ​ജ​രാ​ക്കും. ചെ​ന്നി​ത്ത​ല തൃ​പ്പെ​രു​ന്തു​റ കോ​ട്ട​മു​റി​യി​ൽ കൊ​റ്റോ​ട്ട് കാ​വി​ൽ രാ​ഘ​വ​ൻ (96), ഭാ​ര്യ ഭാ​ര​തി (90) എ​ന്നി​വ​രാ​ണ് വീ​ടി​നു​ള്ളി​ൽ ക​ത്തി​ക്ക​രി​ഞ്ഞ നി​ല​യി​ൽ കാ​ണ​പ്പെ​ട്ട​ത്.

സം​ഭ​വ​ത്തി​ൽ ഇ​വ​രു​ടെ മ​ക​ൻ വി​ജ​യ​നെ പോ​ലീ​സ് അ​റ​സ്റ്റ് ചെ​യ്തി​രു​ന്നു. പ്ര​തി​യു​മാ​യി മാ​ന്നാ​ർ പോ​ലീ​സ് ഇ​ന്ന​ലെ ത​ന്നെ സം​ഭ​വ​സ്ഥ​ല​ത്ത് എ​ത്തി പ്രാ​ഥ​മി​ക തെ​ളി​വെ​ടു​പ്പ് ന​ട​ത്തി​യി​രു​ന്നു. സ്വ​ത്ത് ത​ർ​ക്ക​വും കു​ടും​ബ​പ്ര​ശ്ന​വു​മാ​ണ് കൊ​ല​പാ​ത​ക​ത്തി​ന് കാ​ര​ണ​മെ​ന്ന് പ്ര​തി പോ​ലീ​സി​നോ​ട് പ​റ​ഞ്ഞി​രു​ന്നു.

വി​വി​ധ പെ​ട്രോ​ൾ പ​മ്പു​ക​ളി​ൽ നി​ന്നാ​യി വാ​ങ്ങി​യ 600 രൂ​പ​യു​ടെ പെ​ട്രോ​ൾ ഉ​പ​യോ​ഗി​ച്ചാ​ണ് ഇ​യാ​ൾ വീ​ടി​ന് തീ​യി​ട്ട​തെ​ന്ന് പോ​ലീ​സ് പ​റ​ഞ്ഞു. പ്ര​തി പെ​ട്രോ​ൾ വാ​ങ്ങു​ന്ന​തി​ന്‍റെ സി​സി​ടി​വി ദൃ​ശ്യ​ങ്ങ​ൾ പോ​ലീ​സി​നു ല​ഭി​ച്ചി​രു​ന്നു.

കൃ​ത്യം ന​ട​ത്തി​യ ശേ​ഷം സ്ഥ​ല​ത്തു​നി​ന്നു ക​ട​ന്നു​ക​ള​ഞ്ഞ പ്ര​തി​യെ സം​ഭ​വ സ്ഥ​ല​ത്തി​ന് 300 മീ​റ്റ​ർ അ​ക​ലെ​നി​ന്നു നാ​ട്ടു​കാ​ർ പി​ടി​കൂ​ടി പോ​ലീ​സി​ൽ ഏ​ൽ​പ്പി​ക്കു​ക​യാ​യി​രു​ന്നു. രാ​ഘ​വ​ന്‍റെ​യും ഭാ​ര്യ ഭാ​ര​തി​യു​ടെ​യും സം​സ്കാ​രം ഇ​ന്ന് രാ​വി​ലെ 10ന് ​വീ​ട്ടു​വ​ള​പ്പി​ൽ ന​ട​ക്കും.