ബം​ഗ​ളൂ​രു: ര​ണ്ട് ഉ​പ​ഗ്ര​ഹ​ങ്ങ​ളെ ബ​ഹി​രാ​കാ​ശ​ത്തു വ​ച്ചു കൂ​ട്ടി​യോ​ജി​പ്പി​ക്കു​ന്ന സ്‌​പേ​ഡെ​ക്സ് ദൗ​ത്യം വൈ​കും. ഉ​പ​ഗ്ര​ഹ​ങ്ങ​ൾ ത​മ്മി​ലു​ള്ള അ​ക​ലം വീ​ണ്ടും കൂ​ട്ടി. 1.5 കി​ലോ​മീ​റ്റ​ർ അ​ക​ലെ​യാ​യി​രു​ന്ന ഉ​പ​ഗ്ര​ഹ​ങ്ങ​ളെ രാ​വി​ലെ 15 മീ​റ്റ​ർ അ​ക​ല​ത്തി​ൽ വി​ജ​യ​ക​ര​മാ​യി എ​ത്തി​ച്ചി​രു​ന്നു. പി​ന്നീ​ട് മൂ​ന്നു മീ​റ്റ​ർ വ​രെ അ​ടു​ത്ത് എ​ത്തി​ച്ച​ശേ​ഷം വീ​ണ്ടും അ​ക​ലം കൂ​ട്ടു​ക​യാ​യി​രു​ന്നു.

"15 മീ​റ്റ​റും മൂ​ന്നു മീ​റ്റ​റും വ​രെ എ​ത്താ​നു​ള്ള ഒ​രു പ​രീ​ക്ഷ​ണ ശ്ര​മം ന​ട​ത്തി. ഇ​പ്പോ​ൾ ബ​ഹി​രാ​കാ​ശ പേ​ട​ക​ങ്ങ​ളെ സു​ര​ക്ഷി​ത ദൂ​ര​ത്തേ​ക്ക് മാ​റ്റു​ന്നു. കൂ​ടു​ത​ൽ ഡാ​റ്റ വി​ശ​ക​ല​നം ചെ​യ്ത​തി​ന് ശേ​ഷം ഡോ​ക്കിം​ഗ് പ്ര​ക്രി​യ ന​ട​ത്തും'- ഐ​എ​സ്ആ​ർ​ഒ എ​ക്സി​ൽ അ​റി​യി​ച്ചു.



ഡോ​ക്കിം​ഗ് ദൗ​ത്യം നേ​ര​ത്തെ ര​ണ്ടു​ത​വ​ണ മാ​റ്റി​വ​ച്ചി​രു​ന്നു. ദൗ​ത്യ​ത്തി​ലെ ചേ​സ​ർ, ടാ​ർ​ഗ​റ്റ് എ​ന്നീ ഉ​പ​ഗ്ര​ഹ​ങ്ങ​ളെ അ​തി​സ​ങ്കീ​ർ​ണ​മാ​യ പ​രീ​ക്ഷ​ണ​ത്തി​ലൂ​ടെ ബ​ഹി​രാ​കാ​ശ​ത്തു​വ​ച്ച് ഒ​ന്നാ​ക്കി മാ​റ്റു​ന്ന പ​രീ​ക്ഷ​ണ​മാ​ണി​ത്. ദൗ​ത്യം വി​ജ​യി​ച്ചാ​ല്‍ ഈ ​നേ​ട്ടം കൈ​വ​രി​ക്കു​ന്ന നാ​ലാ​മ​ത്തെ രാ​ജ്യ​മാ​കും ഇ​ന്ത്യ.

ഡി​സം​ബ​ര്‍ 30നാ​ണു സ്പേ​ഡെ​ക്സ് പ​രീ​ക്ഷ​ണ​ത്തി​നു​ള്ള ര​ണ്ടു ചെ​റു​ഉ​പ​ഗ്ര​ഹ​ങ്ങ​ളെ ഐ​എ​സ്ആ​ര്‍​ഒ ഭ്ര​മ​ണ​പ​ഥ​ത്തി​ലെ​ത്തി​ച്ച​ത്. ആ​ദ്യം ജ​നു​വ​രി ഏ​ഴി​ന് ഡോ​ക്കിം​ഗ് പ​രീ​ക്ഷ​ണം ന​ട​ക്കു​മെ​ന്നു പ്ര​ഖ്യാ​പി​ച്ചെ​ങ്കി​ലും സാ​ങ്കേ​തി​ക പ്ര​ശ്ന​ങ്ങ​ളെ തു​ട​ർ​ന്ന് മാ​റ്റു​ക​യാ​യി​രു​ന്നു.