കൊ​ല്ലം: രാ​ജ്യ​ത്തെ മു​ൻ​നി​ര ഫു​ഡ് ഡെ​ലി​വ​റി സേ​വ​ന ദാ​താ​ക്ക​ളാ​യ സൊ​മാ​റ്റോ ആം​ബു​ല​ൻ​സ് സ​ർ​വീ​സ് രം​ഗ​ത്തേ​യ്ക്കും ചു​വ​ടു​റ​പ്പി​ക്കു​ന്നു. സോ​മാ​റ്റോ അ​ടു​ത്തി​ടെ ഏ​റ്റെ​ടു​ത്ത ക്വി​ക്ക് കൊ​മേ​ഴ്സ് പ്ലാ​റ്റ്ഫോ​മാ​യാ ബ്ലി​ങ്ക് ഇ​റ്റ് ആ​ണ് ആം​ബു​ല​ൻ​സ് സേ​വ​നം ന​ൽ​കു​ന്ന​ത്.

ഡ​ൽ​ഹി-​ഹ​രി​യാ​ന അ​തി​ർ​ത്തി​യി​ലെ ഐ​ടി ന​ഗ​ര​മാ​യ ഗു​ഡ്ഗാ​വി​ൽ ക​ഴി​ഞ്ഞ ദി​വ​സം അ​ഞ്ച് ആം​ബു​ല​ൻ​സു​ക​ൾ പു​റ​ത്തി​റ​ക്കി ബ്ലി​ങ്ക് ഇ​റ്റ് സേ​വ​ന​ത്തി​ന് തു​ട​ക്കം കു​റി​ച്ചു. ആ​വ​ശ്യ​ക്കാ​ർ​ക്ക് 10 മി​നി​റ്റി​നു​ള്ളി​ൽ ആം​ബു​ല​ൻ​സ് സേ​വ​നം ല​ഭ്യ​മാ​ക്കു​ന്ന​താ​ണ് പ​ദ്ധ​തി. ബേ​സി​ക് ലൈ​ഫ് സ​പ്പോ​ർ​ട്ട് ആം​ബു​ല​ൻ​സു​ക​ൾ ല​ഭി​ക്കാ​ൻ ബ്ലി​ങ്ക് ഇ​റ്റ് ആ​പ്പ് വ​ഴി ബു​ക്ക് ചെ​യ്യാ​നു​ള്ള സൗ​ക​ര്യ​വും ഏ​ർ​പ്പെ​ടു​ത്തി​യി​ട്ടു​ണ്ട്.

വ​രു​ന്ന ര​ണ്ട് വ​ർ​ഷ​ത്തി​നു​ള്ളി​ൽ ഈ ​ആം​ബു​ല​ൻ​സ് സേ​വ​നം രാ​ജ്യ​ത്തെ പ്ര​ധാ​ന ന​ഗ​ര​ങ്ങ​ളി​ലെ​ല്ലാം ല​ഭ്യ​മാ​ക്കു​മെ​ന്ന വി​വ​രം ബ്ലി​ങ്ക് ഇ​റ്റ് അ​ധി​കൃ​ത​ർ സ​മൂ​ഹ മാ​ധ്യ​മ​മാ​യ എ​ക്സി​ൽ പ​ങ്കു​വ​ച്ചു. അ​ടി​യ​ന്തി​ര വൈ​ദ്യ​സ​ഹാ​യം ഏ​റ്റ​വും കു​റ​ഞ്ഞ നി​ര​ക്കി​ൽ സാ​ധാ​ര​ണ​ക്കാ​ർ അ​ട​ക്കം എ​ല്ലാ​വ​ർ​ക്കും ല​ഭ്യ​മാ​ക്കു​ക എ​ന്ന​താ​ണ് ഇ​തു വ​ഴി സൊ​മാ​റ്റോ​യും ബ്ലി​ങ്ക് ഇ​റ്റും ല​ക്ഷ്യ​മി​ടു​ന്ന​ത്.

ആം​ബു​ല​ൻ​സു​ക​ളി​ൽ ഓ​ക്സി​ജ​ൻ സി​ലി​ണ്ട​റു​ക​ൾ, ഓ​ട്ടോ​മാ​റ്റി​ക് എ​ക്സ്റ്റേ​ണ​ൽ ഡി​ഫ്രി​ബി​ലേ​റ്റ​ർ, സ്ട്രെ​ച്ച​ർ, മോ​ണി​റ്റ​ർ, സ​ക്ഷ​ൻ മെ​ഷീ​നു​ക​ൾ, അ​ത്യാ​വ​ശ്യ മ​രു​ന്നു​ക​ൾ, കു​ത്തി​വ​യ്പ്പു​ക​ൾ എ​ന്നി​വ അ​ട​ക്ക​മു​ള്ള അ​വ​ശ്യ ജീ​വ​ൻ​ര​ക്ഷാ സം​വി​ധാ​ന​ങ്ങ​ൾ എ​ല്ലാം സ​ജ്ജീ​ക​രി​ച്ചി​ട്ടു​ണ്ട്.

ഓ​രോ ആം​ബു​ല​ൻ​സി​ലും വി​ദ​ഗ്ധ പ​രി​ശീ​ല​നം ല​ഭി​ച്ച പ്ര​ഫ​ഷ​ണ​ലു​ക​ളാ​യ പാ​രാ​മെ​ഡി​ക്ക​ൽ സ്റ്റാ​ഫും ഡ്രൈ​വ​റും ഉ​ണ്ടാ​കും. 24 മ​ണി​ക്കൂ​റും സേ​വ​നം ല​ഭ്യ​മാ​ണ്. ബ്ലി​ങ്ക് ഇ​റ്റ് ഗ്രോ​സ​റി​ക​ൾ ഡെ​ലി​വ​റി ചെ​യ്തി​രു​ന്ന​ത് ക്വി​ക്ക് എ​ന്ന പേ​രി​ലാ​യി​രു​ന്നു. അ​തി​വേ​ഗ സേ​വ​നം എ​ന്നാ​യി​രു​ന്നു ഇ​തു​വ​ഴി​യു​ള്ള വാ​ഗ്ദാ​നം.

സ​മാ​ന​മാ​യ രീ​തി​യി​ൽ ദ്രു​ത​ഗ​തി​യി​ൽ മെ​ഡി​ക്ക​ൽ സേ​വ​ന​വും ല​ഭ്യ​മാ​ക്കു​ന്ന​താ​ണ് ആം​ബു​ല​ൻ​സ് സ​ർ​വീ​സ്. ഫു​ഡ് ആ​ന്‍റ് ഗ്രോ​സ​റി സേ​വ​ന​ദാ​താ​ക്ക​ൾ ആം​ബു​ല​ൻ​സ് സൗ​ക​ര്യം ഏ​ർ​പ്പെ​ടു​ത്തു​ന്ന​ത് ലോ​ക​ത്ത് ത​ന്നെ ആ​ദ്യ​ത്തേ​താ​ണെ​ന്ന് ബ്ലി​ങ്ക് ഇ​റ്റ് അ​ധി​കൃ​ത​ർ അ​വ​കാ​ശ​പ്പെ​ട്ടു.