മെ​ൽ​ബ​ണ്‍: ബോ​ക്സിം​ഗ് ഡേ ​ക്രി​ക്ക​റ്റി​ൽ ഇ​ന്ത്യ​യു​ടെ നി​തീ​ഷ് കു​മാ​ർ റെ​ഡ്ഡി​ക്ക് സെ​ഞ്ചു​റി. നി​തീ​ഷി​നു പു​റ​മേ അ​ർ​ധ സെ​ഞ്ചു​റി നേ​ടി​യ വാ​ഷിം​ഗ്ട​ണ്‍ സു​ന്ദ​റി​ന്‍റെ​യും പ്ര​ക​ട​ന​മാ​ണ് ഇ​ന്ത്യ​യെ ത​ക​ർ​ച്ച​യി​ൽ​നി​ന്നും ര​ക്ഷി​ച്ച​ത്.

മൂ​ന്നാം ദി​നം ക​ളി അ​വ​സാ​നി​ക്കു​ന്പോ​ൾ ഒ​ൻ​പ​ത് വി​ക്ക​റ്റ് ന​ഷ്ട​ത്തി​ൽ 358 റ​ണ്‍​സ് എ​ന്ന നി​ല​യി​ലാ​ണ് ഇ​ന്ത്യ. ഒ​രു വി​ക്ക​റ്റ് മാ​ത്രം ശേ​ഷി​ക്കേ ഓ​സീ​സ് ഒ​ന്നാം ഇ​ന്നിം​ഗ്സ് സ്കോ​റി​നേ​ക്കാ​ൾ 116 റ​ൺ​സ് പി​ന്നി​ലാ​ണ് ഇ​ന്ത്യ. ഓ​സീ​സ് ഒ​ന്നാം ഇ​ന്നിം​ഗ്സി​ൽ 474 റ​ണ്‍​സ് നേ​ടി​യി​രു​ന്നു.

176 പ​ന്തു​ക​ൾ നേ​രി​ട്ട നി​തീ​ഷ് 105 റ​ണ്‍​സു​മാ​യി ക്രീ​സി​ൽ ഉ​റ​ച്ചു നി​ൽ​ക്കു​ക​യാ​ണ്. 162 പ​ന്തി​ൽ​നി​ന്നാ​ണ് വാ​ഷിം​ഗ്ട​ണ്‍ സു​ന്ദ​ർ അ​ർ​ധ സെ​ഞ്ചു​റി നേ​ടി​യ​ത്. മൂ​ന്നാംദി​നം അ​ഞ്ചി​ന് 164 റ​ണ്‍​സി​ന് ബാ​റ്റിം​ഗ് പു​ന​രാം​ഭി​ച്ച ഇ​ന്ത്യ​യ്ക്ക് ഋ​ഷ​ഭ് പ​ന്തി​ന്‍റെ (37 പ​ന്തി​ൽ 28) വി​ക്ക​റ്റാ​ണ് ഇ​ന്ന് ആ​ദ്യം ന​ഷ്ട​മാ​യ​ത്. പി​ന്നാ​ലെ ര​വീ​ന്ദ്ര ജ​ഡേ​ജ​യും (51 പ​ന്തി​ൽ 17) പ​വ​ലി​യ​ൻ ക​യ​റി.

പി​ന്നീ​ടാ​യി​രു​ന്നു നി​തീ​ഷ്-​വാ​ഷിം​ഗ്ട​ണ്‍ സ​ഖ്യം ഇ​ന്ത്യ​യു​ടെ ര​ക്ഷ​ക​രാ​യ​ത്. ഇ​രു​വ​രും ചേ​ർ​ന്ന് 127 റ​ണ്‍​സി​ന്‍റെ കൂ​ട്ടു​കെ​ട്ടാ​ണ് ഒ​രു​ക്കി​യ​ത്. ഇ​വ​രു​ടെ ത​ക​ർ​പ്പ​ൻ പ്ര​ക​ട​ന​ത്തോ​ടെ​യാ​ണ് ഇ​ന്ത്യ​യു​ടെ ഫോ​ളോ ഓ​ണ്‍ ഒ​ഴി​വാ​യ​ത്. ജ​സ്പ്രീ​ത് ബും​റ പൂ​ജ്യ​ത്തി​ന് പു​റ​ത്താ​യി. നി​തീ​ഷി​നു കൂ​ട്ടാ​യി ര​ണ്ട് റ​ണ്‍​സു​മാ​യി മു​ഹ​മ്മ​ദ് സി​റാ​ജാ​ണ് ക്രീ​സി​ൽ.

ഓ​സീ​സി​നാ​യി പാ​റ്റ് ക​മ്മി​ൻ​സും സ്കോ​ട് ബോ​ള​ണ്ടും മൂ​ന്ന് വി​ക്ക​റ്റ് വീ​തം വീ​ഴ്ത്തി. ന​ഥാ​ൻ ലി​യോ​ണ്‍ ര​ണ്ട് വി​ക്ക​റ്റും നേ​ടി.