വ​ഡോ​ദ​ര: വെ​സ്റ്റ് ഇ​ൻ​ഡീ​സ് വ​നി​തക​ൾ​ക്കെ​തി​രാ​യ ഏ​ക​ദി​ന​ പരന്പര സ്വന്തമാക്കി ഇ​ന്ത്യ​ൻ വ​നി​ത​ക​ൾ​.ഇന്ന് നടന്ന രണ്ടാം ഏകദിനത്തിൽ 115 റ​ൺ​സി​നാ​ണ് ഇ​ന്ത്യ​ൻ വ​നി​ത​ക​ൾ ജ​യി​ച്ച​ത്.

ഇന്നത്തെ മത്സരത്തിൽ ഇ​ന്ത്യ ഉ​യ​ർ​ത്തി​യ 359 റ​ൺ​സ് വി​ജ​യ​ല​ക്ഷ്യം പി​ന്തു​ട​ർ​ന്ന വെ​സ്റ്റ് ഇ​ൻ​ഡീ​സ് 243 റ​ൺ​സി​ൽ ഓ​ൾ​ഔ​ട്ടാ​യി. സെ​ഞ്ചു​റി നേ​ടി​യ ക്യാ​പ്റ്റ​ൻ ഹെ​യ്‌​ലി മാ​ത്യൂ​സി​ന് മാ​ത്ര​മാ​ണ് തി​ള​ങ്ങാ​നാ​യ​ത്. 106 റ​ൺ​സാ​ണ് ഹെ​യ്‌​ലി നേ​ടി​യ​ത്.

ഇ​ന്ത്യ​യ്ക്ക് വേ​ണ്ടി പ്രി​യ മി​സ്ര മൂ​ന്ന് വി​ക്ക​റ്റു​ക​ൾ വീ​ഴ്ത്തി. ദീ​പ്തി ശ​ർ​മ​യും പ്ര​ദി​ക റാ​വ​ലും ടൈ​റ്റ​സ് സാ​ധു​വും ര​ണ്ട് വി​ക്ക​റ്റ് വീ​തം എ​ടു​ത്തു. രേ​ണു​ക സിം​ഗ് ഒ​രു വി​ക്ക​റ്റും നേ​ടി.

ആ​ദ്യം ബാ​റ്റ് ചെ​യ്ത ഇ​ന്ത്യ ഹ​ർ​ലീ​ൻ ഡി​യോ​ളി​ന്‍റെ​യും പ്ര​ദി​ക റാ​വ​ലി​ന്‍റെ​യും സ്മൃ​തി മ​ന്ദാ​ന​യു​ടെ​യും ജെ​മീ​മ റോ​ഡ്രീ​ഗ​സി​ന്‍റെ​യും മി​ക​വി​ലാ​ണ് വ​ന്പ​ൻ സ്കോ​ർ നേ​ടി​യ​ത്. ഹ​ർ​ലീ​ൻ ഡി​യോ​ൾ സെ​ഞ്ചു​റി നേ​ടി. 103 പ​ന്തി​ൽ 115 റ​ൺ‌​സാ​ണ് താ​രം എ​ടു​ത്ത​ത്.

സ്മൃ​തി മ​ന്ദാ​ന 53 റ​ൺ​സും പ്ര​ദി​ക റാ​വ​ൽ 76 റ​ൺ​സും ജെ​മീ​മ റോ​ഡ്രി​ഗ​സ് 52 റ​ൺ​സും എ​ടു​ത്തു. ആ​ദ്യ ഏ​ക​ദി​ന​ലും ഇ​ന്ത്യ വി​ജ​യി​ച്ചി​രു​ന്നു.